يا ذيب يا محبوس مثلـك لنـا ذيـب....

طي
X
 
  • التوقيت
  • إظهار
مسح الكل
المشاركات الجديدة
  • راس الشلفا
    عضو نشيط
    • Apr 2005
    • 47

    #1

    يا ذيب يا محبوس مثلـك لنـا ذيـب....

    قدر الله أن يتم القبض على أحد المجاهدين
    من عتيبة ( من شبابة ) بين الحدود الباكستانية ولأفغانية بعد
    خيانة الحكومة الباكستانية وتم تسليمه لأمريكا
    ورحل إلى معتقل جوانتاناموا في كوبا
    ، فكتب ابن عمه هذه القصيدة وهي تعبر عن نفسها




    [poem=font="Arabic Transparent,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يا ذيب يا محبوس مثلـك لنـا ذيـب= مطوي عليه القيـد خلـف القضيبـي
    سجنة شرف تاجٍ على الراس ما تعيب= نشهـد بهـا والله علينـا حسيـبـي
    يا ذيب والقضبان حولـك مناصيـب= ذكرتنـي وخلّيـت قلبـي صويبـي
    في ذيبنا يا ذيـب طبعـك وأساليـب =سطوتـك واقدامـك وفكـرٍ لبيبـي
    ما فيك يا ذيـب الحديقـة عذاريـب =أنتـه قـوي البـأس فعلـك مهيبـي
    حسوتك للحـرّاب نـاب ومخاليـب =وطيبك لنفسك يوم تكسـب عصيبـي
    وحنـا لنـا ذيـبٍ يمينـه مكاسيـب= ولأهله وجيرانـه بقسمـه نصيبـي
    يعجبك بالفزعـة يبـش التراحيـب= قلبه عريـن الطيـب لـون الحليبـي
    مثل المطر لا هل صافي المشاريـب= ان حـل بالبيـداء ثراهـا خصيبـي
    وان ثارت الهيجا وشيـل المزاهيـبب= أول خطوط النـار يِصلـى لهيبـي
    لبّى نداء البلقان وأوفـى المواجيـب= ورابط على القوقـاز ذاك الشعيبـي
    يهوى الشهادة فـي علـو المراقيـب= ومن قال أنا مسلم يجي لـه نسيبـي
    لعـل تكتـب لـه حسانيـه بالغيـب =من عامل المولى ربـح مـا يخيبـي
    ويا ذيب لك بالحبس راعي واصاحيب= وفي ديرة الإسلام ما أنتـه غريبـي
    وغيرك غريب الدّارعنـد الأجانيـب =مصيـره معلـق بيـد الصليـبـي
    حريتـه مطلـب وفيهـا مصاعيـب= لو تشتـرى بالمـال رقمـه نجيبـي
    يا ذيبنا أخـذوك غـدر وبالاعيـب =ما أنته أسير الحرب أسير الصحيبـي
    لو جوك بالميدان تدمي المضاريـب= مثلـك وشرواكـم عـذاب الحريبـي
    تكالبـوا أهـل النفـاق المذانـيـب =وعلى فتات المـال خـان القريبـي
    يا بعدهم عن درب الإسلام والطّيـب= مـن يخـذل المسلـم نـذم ونعيبـي
    ويا أمـة المليـار نصفـك أكاذيـب =القـدس ناداكـم ومـالـه مجيـبـي
    وبالرافديـن الـدم سيّـل مرازيـب= وأفغان والشيشـان وضـعٍ صعيبـي
    يطمع بنا حتـى صغـار الدّباديـب= صكت على القصعة وتدبـي دبيبـي
    عـارٍ بـه التاريـخ دوّن مكاتيـب= أجيـال يروونـه شبـاب ومشيبـي
    يا معتصم ما تسمع الصوت وتجيـب= وينك صلاح الديـن قدسـك سليبـي
    ما عاد بـه بالحـي نـار ولواهيـب =تحرق لنا شارون وبوش الغضيبـي
    يا مسلمين أصحوا وهبّـوا مطاليـب= عدوكـم ينهـب حمـاكـم نهيـبـي
    مع العدو مـا عـاد ينفـع تطابيـب =لابـد مـن جيـشٍ يسـد المغيبـي
    شعـاره الإسـلام يـدّب تـواديـب= وسلاحـه الإيمـان مالـه غليـبـي
    جيشٍ يبا الجنـات ولهـا خطاطيـب= يقدمـون المـوت علـى الحبيـبـي[/poem]

    وســـــــــــــــلااااااااااااااااااااامتـــكـــم



    ملاحظه/ لاادري هل كتبت القصيده هنا او لا
    القصيدة منقول لكاتب عتيبي





    راس الشلفا
  • ابن مشيب
    إدارة أقسام القبيلة
    • Nov 2002
    • 9791

    #2
    فك الله اسره , واسر اخواننا المسلمين

    مشاركة ثمينة ومعبرة تحكي واقع الاسر وقهره


    لاهنت ياراس الشلفا , وتعتبر المشاركة ذات الوزن الثقل , فلو تكررت اكثر من مرة , فلن يملها القارئ



    تقبل تحياتي

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      راس الشلفا

      تسلم والله يعينه ويكون في عونه وصح السانك والسان كاتب القصيده

      تحياااااااااااااتي

      تعليق

      • ابوعبد الرحمن22
        عضو ذهبي
        • Apr 2005
        • 344

        #4
        فك الله اسره واعاده لاهله سالما معافا
        سلمت يا راس الشلفا
        القصيده رايعه

        تعليق

        • راس الشلفا
          عضو نشيط
          • Apr 2005
          • 47

          #5
          الاخوان


          ابن مشيب


          الدلبحي



          ابوعبدالرحمن




          يسلم غاليكم والشر مايجيكم
          وصحت ابدانكم
          وأسأل الله ان يفك اسرانا واسرى المسلمين






          راس الشلفا

          تعليق

          • مروي العطاشا

            رابطة محبي الهيلا

            • Aug 2004
            • 1089

            #6
            مشكوووووور


            ما قصرت


            الله يفك اسره

            تعليق

            • راس الشلفا
              عضو نشيط
              • Apr 2005
              • 47

              #7
              تم النشر في الأصل بواسطة مروي العطاشا
              مشكوووووور


              ما قصرت


              الله يفك اسره
              مروي العطاشا

              العفو يالغالي

              ولااااااااااااااهنت على التواجد



              واسأل الله ان يفكـ اسرانا واسرى المسلمين

              :
              :
              :

              تعليق

              العمل...