صحيح البخاري غير ابن ماجه

طي
X
 
  • التوقيت
  • إظهار
مسح الكل
المشاركات الجديدة
  • رافع الرايه
    عضو فعال
    • Feb 2005
    • 150

    #1

    صحيح البخاري غير ابن ماجه

    [align=center]ان كان مالك بقلبـي يالغضـي حاجـه *** رده ويمكن يجي له شخـص محتاجـي


    رده بجرحـه ومتنـازل عـن علاجـه *** وعسى الزمن لي كفيل ببلسم علاجـي


    مادام شرع الهـوى ضيعـت منهاجـه *** وش هو له اتعب ونهجك عكس منهاجي


    يالصاحب اللي تذوب الشمس بحجاجـه *** لاوالله الا قتلـت لضحكـة حجـاجـي


    حبك بروحي سرى في ليـل معراجـه *** وامضى بدمي على ميثـاق معراجـي


    واصبحت قلبي عليكـم زايـد خلاجـه *** وامسيت كلي حنين وشـوق وخلاجـي


    وقمت اتقلب مثل( بنٍ )علـى صاجـه *** صبر وصبره نفد ثـم اقلـق الصاجـي


    من بعد ماكنت نـور القلـب وسراجـه *** اليوم اقول أمس كان لقلبـي سراجـي


    اليا اقبل الليـل همـي جهـز افواجـه *** واليا انهزم فوج تاخـذ ثـاره افواجـي


    في بحر حزني غريق اصارع امواجـه *** اشهـق وارد الزفيـر بغبـة امواجـي


    والرجل صارت مـع الخليـان دواجـه *** ياليـن سمونـي العربـان دواجــي


    يامن هو اللـي لنفسـه دور احراجـه *** مثلي من اجلك وضعت النفس باحراجي


    كان انت صدقت فينـي هـرج هراجـه *** انا الذي ماسمع بـك هـرج هراجـي


    ترى (صحيح البخاري) غير (ابن ماجه) *** والملح لو زاد نعـرف نكهـة الماجـي


    عـزااه ياقلـب ضيـع درب مخراجـه *** ضيعتني قبل اعرف لـدرب مخراجـي


    **العيد قـرب وكـل ينظـر افراجـه *** وانا الذي مانوى المحبوب لافراجي **


    ياخيبة الحـظ لامـن عـاد بادراجـه *** وعودت مكسور خاطر تايـه ادراجـي


    طولتها واعذروا وافي علـى ازعاجـه *** والمعذرة ياوليـف الـروح لازعاجـي

    وسلامتكم ,,,

    منقول للشاعر (( وافي ))

    ** وافي ليس اسما للشاعر وانما هو رمز فقط على حسب ما وردني

    تقبلوا تحياتي[/align]
  • العنيد
    عضو نشيط
    • Mar 2005
    • 41

    #2
    العيد قـرب وكـل ينظـر افراجـه وانا الذي مانوى المحبوب لافراجي صح لسانك

    تعليق

    • رافع الرايه
      عضو فعال
      • Feb 2005
      • 150

      #3
      العنيد صح بدنك وصح لسان قايلها

      اشكرك على مرورك

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        تسلم يمناك

        ماقصرت

        تحيااااااااااااااتي

        تعليق

        • رافع الرايه
          عضو فعال
          • Feb 2005
          • 150

          #5
          ومن قال يسلم

          ولو هي بكيفي والله ما اذخر عنكم بشي لكن الظروف حكمتنا

          <<<<<<< بيعلمكم انه عسكري هههههههههههههههههه

          تحياتي للجميع

          تعليق

          • مروي العطاشا

            رابطة محبي الهيلا

            • Aug 2004
            • 1089

            #6
            مشكور وبيض الله وجهك

            تعليق

            • رافع الرايه
              عضو فعال
              • Feb 2005
              • 150

              #7
              العفو ووجهك ابيض يا طويل الباع

              تعليق

              العمل...