يامور خذ خانة الخامس من اليمنى = تحتر تبرد ترى الاخلاق تلفانه

طي
X
 
  • التوقيت
  • إظهار
مسح الكل
المشاركات الجديدة
  • ((الدلبحي))

    رابطة محبي الهيلا

    • Mar 2003
    • 6010

    #1

    يامور خذ خانة الخامس من اليمنى = تحتر تبرد ترى الاخلاق تلفانه

    السلام عليكم

    هذه قصه لواحد من قبيلة الرشايده واذا ماخاب ظني اسمه الوقداني

    هذا الشخص كانت حالته الماديه مترديه الى ابعد الحدود

    وكان احد ابناء عمومته لديه من سيارات النقل العام الشاحنات

    اعدادا كثيره وقد توجه الوقداني لابن عمه راجيا منه الاستعاره لاحد الشاحنات

    لكي يكسب بها رزقه ومن ثم يسدد قيمتها على فترات

    فقد كان ابن عمه التاجر شخص فهيم قال للوقداني لك ماطلبت ولكن !!

    سوف ازعل عليك اذا شاهدت السياره المستعاره واقفه امام منزلك وانت نايم عند ام عيالك

    فهذه السيارات تحتاج لمن يضغط على نفسه لكي يجني من ثمارها

    ويجب عليك ان يستغلها استغلال جيد بنقل البضائع ليل نهار حتى تدرك ماتصبوا اليه

    اما ان تنام عند زوجتك وتكبر المخده فهذا اللي يزعلني

    المهم وافق الوقداني على الشرط اللي وضعه ابن عمه

    وقام الرجال ينقل البضائع من كل ديره ومدينه الي ان طلعت روحه

    الوقداني زهق من كثر الغياب عن اهله وعياله والله يكون في عونه

    والسياره على فكره اسمها ( مور )

    المهم السياره في منتصف الطريق احترت مكينتها

    وانشد الوقداني هذه الابيات المؤلمه :

    يقول ..

    يامور خذ خانة الخامس من اليمنى=تحتر ،تبرد، ترى الاخلاق تلفانـه

    والله لتبطـي وحنـا ماتفاهمـنـا=مادام ابو القور ماعقبـت قلبانـه

    لنـا ثلاثـة ليـال وحنـا مانمنـا=مكينتك تشغـل والعيـن سهرانـه

    لولا المشاريـه مرينـا وسلمنـا=مير البـلا شـوف ديـان لديانـه

    عـزالله انـا مـن الدنيـا تعلمنـا=تعليم يصعب على التلميذ نسيانـه

    ولما سمع القصيده ابن عمه حلف على الوقداني واهداه السياره


    وسلامتكم


    انشالله عجبتكم السالفه والقصيده

    تحياتي
  • صـويب الرمـــش*
    عضو ماسي
    • Jan 2004
    • 419

    #2
    الدلبحي ,,,,,,,,, تسلم يمينك والله لايهيينك ,, وصح لسان قائلها

    تحياتي لك

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      صويب الرمش
      ومن قال سالم نورت الصفحه بوجودك

      تحياااااااااتي

      تعليق

      • رافع الرايه
        عضو فعال
        • Feb 2005
        • 150

        #4
        الدلبحي سلمت على هذا النقل الجميل

        والقصيده على حسب ماسمعت انها اطول من ذلك

        وعسى الله يقدرني واجيبها لكم كامله والكمال لله


        اخوكم : رافع الرايه

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          رافع الرايه

          يعطيك العافيه وتسلم على التعليق

          تحيااااااتي

          تعليق

          • دريد ابن الصمة
            شـــاعــر
            • Aug 2004
            • 341

            #6
            الدلبحي...

            تسلم يمينك على النقل الرائع ....

            قصة وابيات جميله .... وتقبل تحياتي

            تعليق

            • ((الدلبحي))

              رابطة محبي الهيلا

              • Mar 2003
              • 6010

              #7
              دريد
              وانت سالم وغانم

              تحيااااااااااتي

              تعليق

              • فيحان الحربي
                عضو
                • Mar 2005
                • 14

                #8
                الاخ الدلبحي
                من خلال تصفحي لهذه القصه وقصيدتها ومعرفتي الشخصيه لصاحب القصيده أحببت أن أصحح أسم الشاعروأكمّل الابيات التي لم تردفي هذا
                السياق.أماالشاعرفهو/عيد بن عوض بن مربح الرشيدي شاعرمحاوره
                وكذلك شاعرنظم ومن شعره هذه القصيده التي ذكرت قصتها أعلاه .

                [poem=font="Simplified Arabic,4,darkblue,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
                يقول عيدبن عوض الرشيدي
                يالمورخذنمرة الخامس من اليمنا=تحترتبرد تراء الاخلاق خربانه
                والله لتندم وحنا ماتفاهمنا=مادام ميقوع ماعقبت قلبانه
                ولاتشكي الظلم حنا الوقت ظالمنا=دليل ظلمي تراك تشوف برهانه
                البارحه مع ثلاث أوجاب مانمنا=مكينتك تشتغل والعين سهرانه
                ان أدبرت شّدنا يرخي محازمنا=نروي بدلون يضيّع ماه شقانه
                وان أقبلت خصمنا يقضي لوازمنا=صداقته تستحل بيوت عدوانه
                عز الله انا من الدنياتعلمنا=درسن صعيبن علي التلميذ نسيانه
                الله يجيب الصديق اللي يعلمنا=أبنشده عن غريب وحال جدانه
                لولاه في بيت جدانه محطمنا=ياوسع صدري عليه بيت جدانه
                لوقصدنا البعد مرينا وسلمنا=ميرالبلاء شوفة الديان ديانه[/poem]

                أنتهت قصيدة الشاعرعيدبن عوض بن مربح الرشيدي وهوالآن مؤظف
                في شركة تكساكوالسعوديه ومقره في ميناء سعود في دولة الكويت ويسكن
                الخفجي.تقبل تحياتي.

                تعليق

                • ابن مجيول
                  عضو مهم
                  • Mar 2005
                  • 552

                  #9
                  يعطيك العافيه وعلى القوة::::::::::::::::

                  تعليق

                  • ابن مجيول
                    عضو مهم
                    • Mar 2005
                    • 552

                    #10
                    تسلم يمينك يبن العم؟؟؟؟؟؟؟؟؟؟؟؟؟

                    تعليق

                    • ((الدلبحي))

                      رابطة محبي الهيلا

                      • Mar 2003
                      • 6010

                      #11
                      فيحان الحربي

                      يعطيك العافيه على التوضيح

                      وتسلم يمناك

                      تحيااااااااااااتي

                      تعليق

                      • ((الدلبحي))

                        رابطة محبي الهيلا

                        • Mar 2003
                        • 6010

                        #12
                        1331

                        ياهلا بمرورك

                        تحيااااااااااااتي

                        تعليق

                        العمل...