يا فلاح الهـم خيّـم فـوق قلبـي يـا فـلاح

طي
X
 
  • التوقيت
  • إظهار
مسح الكل
المشاركات الجديدة
  • أبو فيصل
    مشرف سابق
    • Dec 2004
    • 3538

    #1

    يا فلاح الهـم خيّـم فـوق قلبـي يـا فـلاح

    هذه قصيده تحكي معاناة انسان بسبب غلطه غير مقصودة انتهت حياته ..
    سلطان بن رباح كان له اخ لم تلده امه اخ دين ودنيا .. هو محمد بن عقيل ..
    كانت اخوتهم على وضح النقا .. ومن زود ما يغلي محمد سمّى ولده البكر محمد على اسم خويه ..
    كانوا يعشقووون الصيد .. وفي رحلة من رحلاتهم وفي فتره الظهيره ..
    كان محمد يجهز الغداء وسلطان ينظف السلاح ومن غير قصد وبدون علم بوجود الطلقه في
    مخزن السلاح انطلقت الرصاصه
    لتسكن في قلب محمد وترديه صريعا ..
    ولم يكن عندهم احد ..
    وضع سلطان في السجن .. وبدات المشايخ بالوفود على اهل محمد لكي يصفحو عن سلطان
    ولكن دون فائده ..
    وصدر الحكم عليه بالقصاص ....
    وبعد التنفيذ .. ومصادفة ً صار قبر سلطان في جنب قبر محمد ..
    لا اطيل عليكم .. هذه القصيده بين ايديكم ..


    [poem=font="Times New Roman,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يا فلاح الهـم خيّـم فـوق قلبـي يـا فـلاح=كيف تبغاني اسولـف وانـت خابرنـي عليـل
    ويش قولك في عليل ٍ في حياتـه مـا ستـراح=تنتثر دمعـة عيونـه لاظلـم الليـل الطويـل
    حالته لا ما تباعد حـال ( سلطـان الربـاح )=بالخطا راحـت حياتـه والخطـا مالـه مثيـل
    كان ويّا صاحبـه اثنيـن فـي أرض ٍ بـراح=يطردون الصيد دايم من صبـح ليـن المقيـل
    اجمعتهم صحبـة الدنيـا علـى جـد ومـزاح=ما يهابـون الليالـي والحمـول اللـي تميـل
    ما قتل عامـد ولكـن ثـوّر ابليـس السـلاح=بالخطا ثار السـلاح ويـن يلقـى لـه دليـل
    انعقد سجنه .. وربعـه تنتظـر فـك السـراح=والاكيد انه سجين وما رضـووا ربـع القتيـل
    هل دمعـه يـوم صلّـى ركعتيـن فالصبـاح=في نهار الجمعه اللي مـن ثقيـل ٍ فـي ثقيـل
    هلّل وكبّر .. ونفسـه تذكـر اللـي راح راح=كان في ربعه عزيز .. وذلّـه الوقـت الذليـل
    (لا محمد لا تهانـي لا سعـود ولا صـلاح )=كلهم كانوا على بالـه وهمّـه فـي ( هديـل )
    طفلـة ٍ مـا كمّلـت عاميـن صايبهـا كسـاح=وانتثـر دمعـه وحالـه مـن سبايبهـا نحيـل
    حان تنفيذ القصاص .. وغطوا الراس بوشـاح=وجاك سيّافه يشيل السيف ابـو حـد ٍ صقيـل
    ارتخى راسه .. وزاد الموقف الحامي صيـاح=بين نوح وبين دمع وبيـن صيحـات وعويـل
    وارتفع صوت الحشود .. وزاده محمد وصاح=يا يبه تكفـى دخيلـك تستمـع قـول الدخيـل
    يا يبه وشلون نصبـر كيـف نهجـع بارتيـاح=وانت من دنيا عيالـك ماخـذك مـر الرحيـل
    يا محمد .. هاك علمي واحفظه قبـل المـراح=انتبـه لاخوانـك وبالـك عليـهـم لا تعـيـل
    والله الله .. فالصـلاة وفالصيـام وفالصـلاح=والله الله .. ف( امكم ) والله لكم بعـدي كفيـل
    غمّـض عيونـه ونفسـه تطلـب الله السمـاح=رافـع ٍ سبابتـه .. ( مظلـوم ) والله الوكيـل
    سل سيّـاف الصفـا سيفـه ودقـه ثـم طـاح=راس (سلطان المراجل ) وانتثر دمـه يسيـل
    غسلوه .. وكفنوه .. وفاح طيب السـدر فـاح=وبالمصادف صار قبره جنب قبر ( ابن العقيل )
    يا فلاح .. الكارثه ما هي سوالـف يـا فـلاح=خلنـي ساكـت ودوّر غيـر هالقصـه بديـل [/poem]
    لا إله إلا أنت سبحانك إني كنت من الظالمين
  • مروي العطاشا

    رابطة محبي الهيلا

    • Aug 2004
    • 1089

    #2
    مشكور قصة مؤثرة

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      تسلم يافهد وبيض الله وجهك

      تحيااااااااااااااتي

      تعليق

      • ابن مشيب
        إدارة أقسام القبيلة
        • Nov 2002
        • 9791

        #4
        قصة وقصيدة معبرة ورائعة , كالعادة يافهد مشاركات متميزة , واختير وذوق جميل



        تحياتي

        تعليق

        • ابراهيم العتيبى
          عضو فعال
          • Feb 2004
          • 128

          #5
          صح لسانك وقصه مؤثره جدا

          تعليق

          • أبو فيصل
            مشرف سابق
            • Dec 2004
            • 3538

            #6
            يعطيكم العافية على مروركم الجميل
            لا إله إلا أنت سبحانك إني كنت من الظالمين

            تعليق

            العمل...