قصة الخالدي معا الامير جدي بن زريبه0

طي
X
 
  • التوقيت
  • إظهار
مسح الكل
المشاركات الجديدة
  • سفير الجذعان
    عضو نشيط
    • May 2010
    • 87

    #1

    قصة الخالدي معا الامير جدي بن زريبه0

    [align=center]عبدالله العمار من أهل القراين وساكن بعفيف ويسمونه العتبان الخالدي
    أحد أبنائه (خالد) تهاوش مع أحد أبناء العتبان فقتله غير متعمد أو قاصد للقتل ولكن طاح الفاس في الراس على ما يقولون
    رفضوا أهل العتيبي الدية رفضا قاطعا
    ما قبلوا وساطات وجهاء وأمراء حتى من عتيبة
    انسدت الدنيا بوجة بن عمار الخالدي فذهب الى الأمير جدي بن مناحي بن زريبة وانتخا به لمعرفته بشهامة الرجل ومكانته عند ربعه
    رفضوا أهل القتيل وساطة بن زريبة
    ذهب جدي رحمة الله عليه الى الأمير عبدالعزيز بن فهد ودخل عليه المجلس يحبي على يديه ورجليه
    قام الأمير عبدالعزيز وطلب من جدي الوقوف وسأله عن سبب حبوه
    قاله جدي يا طويل العمر ما أقدر اقف من كبر الحمل اللي على ظهري
    قاله الأمير نشيل الحمل إن شاء الله
    قاله جدي فك رقبة ابن عمار الخالدي

    توسط الأمير عبدالعزيز بقوة فقبلوا الدية
    أربعة ملايين ريال

    الله يرحم الأمير جدي بن زريبة العتيبي رجل المواقف
    وانكتب لخالد بن عمار الخالدي عمر جديد





    هاذي قصيده الشاعر خالد بن عبدالله العمارالخالدي في الاميرجدي بن مناحي بن زريبه يرحمه الله
    احدا امرا قبيله عتيبه وشيخ شمل قبيله الجذعان والسياحين
    [/align]
    [poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    البارحه يـوم العـرب نايمينـي=عيت عيوني لاتـذوق المنامـي

    وعيا الكرى من حستي لايجينـي=والمرذقـتـه والقهرميركـامـي

    ماحد ٍصبرصبري من الصابريني=فالشرق والغرب وجنوب ٍ وشامي

    ولاظنتي قبلي وبعـدي حزينـي=انا الحزين اللي طـواه الهيامـي

    ياونتـي ونيتهـامـن كنيـنـي=ماونهامثـلـي كسيرالعظـامـي

    راح الفقيداللي يفـك السجينـي=راح الاميراللي عليـه الكلامـي

    ركن ٍمن الهيلا حكيـم ٍ رزينـي=شيخ ٍ يحل المعضله والخصامـي

    جدي سمي الجـدي يالعارفينـي=اسم ٍكبيـر ومـن كبارالاسامـي

    شيخ ٍ ولد شيخ ٍ وضلع ٍ متينـي=متسلسل ٍمن روس قوم ٍ كرامـي

    سلايل اللي يلحمـون العرينـي=ترثة حباب ومن يفك الجهامـي

    من يوم قالومات واشيب عينـي=ماحد ٍعلى الدنيامن الناس دامـي

    اعزي اللي يذبحـون السمينـي=لطامة العايـل نهـار الزحامـي

    ابناه واخوانـه أسـود العرينـي=واعزي الزربان واهل المقامـي

    مانسى جميله والعرب خابرينـي=حلفت انا مانساه دايـم دوامـي

    مرحوم ياللي فالمواقـف يبينـي=تبكيك نجد وكـل قـرم ٍهمامـي

    ياحي ياقيـوم وانـت المعينـي=اتسكنه جنـات بـرد وسلامـي [/poem]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    الله يرحمه ويسكنه الجنه

    الفعل الطيب مايروح يبقى ذكره حتى بعد موت صاحبه


    الف شكر لك


    محبك
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • ابو ضيف الله
      مشرف عـام
      • Feb 2003
      • 8888

      #3


      الله يرحم الامير جدي بن زريبه ويسكنه فسيح جناته

      واشهد ان الخالدي صدق يوم قال:


      [poem= font="simplified arabic,5,indigo,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
      ركن ٍمن الهيلا حكيـم ٍ رزينـي = شيخ ٍ يحل المعضله والخصامـي
      جدي سمي الجـدي يالعارفينـي = اسم ٍكبيـر ومـن كبارالاسامـي
      شيخ ٍ ولد شيخ ٍ وضلع ٍ متينـي = متسلسل ٍمن روس قوم ٍ كرامـي
      سلايل اللـي يلحمـون العرينـي = ترثة حباب ومن يفـك الجهامـي[/poem]
      قال الشافعي رحمه الله: أركان الرجولة أربع: الديانة والأمانة والصيانة والرزانة.

      قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




      اللهم أنصر من نصر الدين وأخذل من خذل الدين

      تعليق

      • شوق الصعيبة
        عضو فضي
        • Feb 2010
        • 210

        #4
        ونعم باهل الجود والطيب

        ولايستغرب المدح من الممدوح ، وهم اهلٍ له


        تم النشر في الأصل بواسطة سفير الجذعان عرض المشاركة
        ذهب جدي رحمة الله عليه الى الأمير عبدالعزيز بن فهد ودخل عليه المجلس يحبي على يديه ورجليه
        قام الأمير عبدالعزيز وطلب من جدي الوقوف وسأله عن سبب حبوه
        قاله جدي يا طويل العمر ما أقدر اقف من كبر الحمل اللي على ظهري
        قاله الأمير نشيل الحمل إن شاء الله
        قاله جدي فك رقبة ابن عمار الخالدي

        توسط الأمير عبدالعزيز بقوة فقبلوا الدية
        أربعة ملايين ريال

        ياكبر تهاويل البدو كبراه
        تم التعديل الأخير بواسطة شوق الصعيبة؛ 06-May-2010, 06:06 AM.

        تعليق

        • ولدعساف

          مشرف سابق

          • Sep 2008
          • 4749

          #5

          ..


          الله يرحم الشيخ/ جدي بن زريبه ((فقيد عتيبه)) ..

          ولا يستغرب الطيب من أهله ..

          لآآهنت سفير الجذعان ..

          ,,,
          [flash=http://assa97.jeeran.com/azzoz.swf]WIDTH=450 HEIGHT=350[/flash]




          قال أبوبكر الصديق - رضي الله عنه -
          ( الموت أهون مما بعده، و أشدّ مما قبله )



          حسبي الله ونعم الوكيل

          كتبت وقد أيقنت يوم كتابتي .. بأن يدي تفنى ويبقى كتابها
          فإن كتبت خيراً ستجزى بمثله .. وإن كتبت شرا عليها حسابها

          تعليق

          • أبوثنتين

            رابطة محبي الهيلا

            • Nov 2005
            • 1379

            #6
            الله يرحم الامير جدي بن زريبه

            رحمة واسعة ويدخله فسيح جناته



            عزالله فقيدة على القبيلة


            وصدق الخالدي في أبياته


            ركن من الهيلا حكميم رزيني
            شيخاً يحل المعضلة والخصامي



            لاهنت يا سفير الجذعان

            تعليق

            • سفير الجذعان
              عضو نشيط
              • May 2010
              • 87

              #7
              [align=center]لااهنتم على المرور للموضوع[/align]

              تعليق

              • بندر النفيعى
                عضو نشيط
                • Feb 2010
                • 50

                #8
                و نعم بالجذعان وشيوخهم وابن زريبه يقول ويفعل

                تعليق

                • خالد بن مورق

                  رابطة محبي الهيلا

                  • Dec 2008
                  • 1059

                  #9
                  ياطيب الجذعان

                  تعليق

                  • عبدالكريم بن دايخ الزيادي
                    عضو
                    • May 2010
                    • 22

                    #10
                    صدق ما قال المثل


                    (خير الناس انفعهم للناس)


                    والله يرحم الشيخ زريبه ويسكنه فسيح جناته

                    تعليق

                    • راكد الراكد
                      عضو
                      • Feb 2010
                      • 26

                      #11
                      [align=center] الله يرحم الشيخ / جدي بن زريبه


                      وعز الله انه صدق الخالدي [/align]

                      تعليق

                      العمل...