خل رعيان الغنم في غنمهم يسرحـون%% لا نشد عنا و لا ناشدين عن الضعيـف

طي
X
 
  • التوقيت
  • إظهار
مسح الكل
المشاركات الجديدة
  • يوسف العازمي
    عضو ماسي
    • Aug 2009
    • 562

    #1

    خل رعيان الغنم في غنمهم يسرحـون%% لا نشد عنا و لا ناشدين عن الضعيـف

    [align=center]السلام عليكم و رحمة الله و بركاته



    هذه قصة الشاعر / مازون بن سمران بن نهار العازمي العتيبي

    انسجن في قضية و هو كان بريء منها في وقت الملك فيصل –رحمه الله-

    و كان معه ابن عمه شعف بن رجيان و توجدّ و هو في السجن على ديرته و جماعته

    و ذكر من وقف معه من ابناء قبيلتة في وقت الحاجة

    و من تخلف عن ميقافه في حق الزيارة

    بذلك الوقت , و خرج بعد مدة قضاها بالسجن

    علماَ أن القصيدة تعبر عن نفسها ,,[/align]



    [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    يا شعف هيض عليه واغني باللحون=مقعدي بالحبس بين النبشتي والعريف
    من ورى البيبان نصبر مع اللي يصبرون=عقب مشين بالمعزه مع الحزم النظيف
    هاضني مضمونتن نقلها يزهى المتون =زرع قلبي يوم اعدي بها الحيد المنيف
    و دلتين فوقهن الجماعه يجلسون =منوت اللي حطهنه على ناره صفيف
    و يا طراقن من جهتنا تبون تسندون=سلمو لي على من شوفها قلبي حسيف
    وعلموا بعلومنا اللي يجونك ينشدون=ينشدون عن التخاليف والعلم الطريف
    ربعنا اللي يوم جات اللوازم يفزعون =في ثلاث ليال فالسجن جونا من عفيف
    و ربعي اللي بالدرج يطلعون وينزلون =نعم ربعن تدحم القوم بالحد الرهيف
    وخل رعيان الغنم في غنمهم يسرحون =لا نشد عنا و لا ناشدين عن الضعيف
    عند زينات العذارء مغير يسنحون= وينشدون عن القرايا متى تبى تصيف [/poem]


    [align=center]اتمنى أن تنال اعجابكم

    و شكراَ[/align]
  • خلف الروقي

    رابطة محبي الهيلا

    • Jun 2009
    • 6080

    #2
    يوسف العازمي ماقصرت بيض الله وجهك


    أمتعتنا بهذه القصة والله يرحمهم كلهم



    ..



    ,

    تعليق

    • عبدالله الجـــذع
      مشرف منتدى قصه وقصيده
      • Sep 2007
      • 8093

      #3
      قصه وقصيده معبره جدا

      حيث ان الشاعر اثنى على من يسحقون الثناء

      وبالعكس تماما لمن لايسحقونه

      واللي يقدم الطيب يلقاه


      الف شكر لك

      محبك
      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


      .
      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

      .

      موقع يضم جميع القراء


      هنا

      تعليق

      • ابن ملفي العتيبي
        عضو نشيط
        • Oct 2009
        • 44

        #4
        صح لسان الشاعر و الله يرحمه


        ولاهنت اخوووي على النقل

        تعليق

        العمل...