بسم الله الرحمن الرحيم
أقدم لكم ديوان أحد شعراء قبيلة عتيبة الكبار وهو
الشاعر / مرزوق الغنامي الروقي العتيبي ..
الـبطـالـه ظـاهـره فـي الـمملكة معروفه=والـسبـب قـل الـوظـايـف يـالـمقام السامي
الـشبـاب يـشيـب راسه مالقى مصروفه=لــو يــمد يــديــه لأهــل الـخيـر مـايلامـي
وضـعهـم مـزري وحـنا بالعيون نشوفه=والــبلــد مــليــان بــالـخيـرات والأنـعامـي
شـفت فـرقٍ في حياة المجتمع وظروفه=أحـد تـاجـر وأحـد يـمشـي حافي الأقدامي
كـل راعـي واسـطه يدرك جميع شفوفه=مــاشــكى جــور الـليـال وضـدّة الأيـامـي
والـضعـيف مـالـه الا حسرته في جوفه=حـاجـته مـاتـنقـضي فـي سـايـر الأعوامي
مـوتـره مـن كـثر روحاته يهرب صوفه=والــنتـيجـه مـاطـلع رقـمه مـع الأرقـامـي
والـحصيل الدين شاله شيل فوق كتوفه=وآخــرتــها قــيدوه بــقيــد فـي الأقـدامـي
ولا لـه الا إنـه يـصك بـقلـته في الطوفه=وش يـسوي دام مـالـه واسـطه ومـحامي
يستريح مع الجميل اللي يخضب كفوفه=ويــتحـلى بـالـصبـر لـو إن جـرحـه دامـي
والـبطـالـه والـعنـوسه بالخطر محفوفه=والـظمى مـايـونسه في الكبد غير الظامي
كـان شـعري مـايـفيـد المجتمع بحروفه=ليه أصوغ الشعر وأسهر وأتعب الأقلامي
الشاعر / مرزوق الغنامي
ينظمون الشعر من هيض والا غيض=يا هجوسي طرالـي واحـدٍ غالـي
صورته في خيالي ما تبا تحميـض=ما تفارق خيالـي دوم فـي بالـي
فارقٍ في جماله عن جميع البيـض=يستحق القصيـد وبـدع الامثالـي
لو اعوض بغيره مقبـل التعويـض=علمـو كـل عدوانـي وعـذالـي
العسل لا يحطونه سـوات البيـض=قيمة البيض بخسه والعسـل غالـي
كل عاشق لحاله مدرسـة تحفيـض=عنده ادروس عشق انواع واشكالـي
اثر نار الغلا اقوى من لهيب القيض=ولعت فـي ضميـري والله الوالـي
من يصيبه مرض يحتاج للتمريـض=وانت شوفك علاجي يا بعـد حالـي
كان قلبك مسـوّن للغـلا تخفيـض=راح جهدي وحبي لك على الخالـي
بس امانتك لا تسمع هل التحريـض=يخلفونـك علـي ومنزلـك عالـي
الشاعر / مرزوق الغنامي
يــازيــن قــلبـي فـيك مـغرم و مـفتـون=وحـبك طـبع فـي القلب بآلة طباعه
مــاعــاد يـمحى لـو غـسلـته بـصابـون=وعــزّي لــقلــبٍ لايــع الــود لاعـه
ويــن انــت يــامـبيّح خـفا كـل مـكنـون=مـشتـاق لـك شوق الفطيم لرضاعه
مــستــدخــلٍ حـبّك مـبا الـناس يـدرون=وبـريـت حـالي بري عود الجراعه
مـن عـقبـكم والـحال من دون في دون=فـضحـتنـي يـالـترف عـند الجماعه
خــليــتنــي مــثل الــمجــانـين مـجنـون=وورّخت لك في داخل القلب راعه
حــسبــي عــليــك الله يــابــاهـي الـلون=لــيه الــجفـا والـصد لـيه الـقطـاعـه
يـــابـــو نـــهودٍ كــنّهــا طــلع لــيمــون=اخــذت قــلبــي مـن مـكانـه قلاعـه
والـقلـب عـندك يا اريش العين مرهون=ومـن طـاح بـين ايديك ماله شفاعه
يــاعــين حــرٍ عــند هــزّاع ابـن عـون=مــتفــهّق الــجنـحان هـجرٍ كـراعـه
لاسـلهـمت بـرمـوشـها الـموت مـقرون=مـن شاف هاك العين يعلن ضياعه
والقرن ذيل اللي تشعشع ضحى الكون=يــوم ان كــلٍّ نــجدتــه مـن ذراعـه
يـوم ان هـاك الـوقـت طاعن ومطعون=وعـدايـل الـطمّاع تـصبـح طـماعه
والـعنق عنق الظبي والعرض مصيون=بـنت الرجال اهل الكرم والشجاعه
حــريــبهــم مــايــرقــد الــليـل مـغبـون=يــامـا سـقوا عـدوانـهم سـمّ سـاعـه
والـخصـر خـمس اقـفال والا بـعد دون=والـخد مثل الشمس يوضي شعاعه
وش عــاد خلاّ لــلغــناديــر .. مــالـون=اخـذ جـميـع الـزيـن مـدّه و صـاعه
امـــكمّلـــه وامــجمّلــه خــالــق الــكون=ومـن الـحيـا والـديـن ضـافٍ قناعه
والــيوم مــا اسـمع فـيه مـهمـا يـقولـون=وهـرجٍ مـن الـعذّال ما اقبل سماعه
بـاب الـرجـاء مـفتـوح وابـليـس ملعون=ومــاقــدّره مــولاي سـمعٍ وطـاعـه
الشاعر / مرزوق الغنامي
ينظمون الشعر من هيض والا غيض=يا هجوسي طرالـي واحـدٍ غالـي
صورته في خيالي ما تبا تحميـض=ما تفارق خيالـي دوم فـي بالـي
فارقٍ في جماله عن جميع البيـض=يستحق القصيـد وبـدع الامثالـي
لو اعوض بغيره مقبـل التعويـض=علمـو كـل عدوانـي وعـذالـي
العسل لا يحطونه سـوات البيـض=قيمة البيض بخسه والعسـل غالـي
كل عاشق لحاله مدرسـة تحفيـض=عنده ادروس عشق انواع واشكالـي
اثر نار الغلا اقوى من لهيب القيض=ولعت فـي ضميـري والله الوالـي
من يصيبه مرض يحتاج للتمريـض=وانت شوفك علاجي يا بعـد حالـي
كان قلبك مسـوّن للغـلا تخفيـض=راح جهدي وحبي لك على الخالـي
بس امانتك لا تسمع هل التحريـض=يخلفونـك علـي ومنزلـك عالـي
الشاعر / مرزوق الغنامي
يــازيــن قــلبـي فـيك مـغرم و مـفتـون=وحـبك طـبع فـي القلب بآلة طباعه
مــاعــاد يـمحى لـو غـسلـته بـصابـون=وعــزّي لــقلــبٍ لايــع الــود لاعـه
ويــن انــت يــامـبيّح خـفا كـل مـكنـون=مـشتـاق لـك شوق الفطيم لرضاعه
مــستــدخــلٍ حـبّك مـبا الـناس يـدرون=وبـريـت حـالي بري عود الجراعه
مـن عـقبـكم والـحال من دون في دون=فـضحـتنـي يـالـترف عـند الجماعه
خــليــتنــي مــثل الــمجــانـين مـجنـون=وورّخت لك في داخل القلب راعه
حــسبــي عــليــك الله يــابــاهـي الـلون=لــيه الــجفـا والـصد لـيه الـقطـاعـه
يـــابـــو نـــهودٍ كــنّهــا طــلع لــيمــون=اخــذت قــلبــي مـن مـكانـه قلاعـه
والـقلـب عـندك يا اريش العين مرهون=ومـن طـاح بـين ايديك ماله شفاعه
يــاعــين حــرٍ عــند هــزّاع ابـن عـون=مــتفــهّق الــجنـحان هـجرٍ كـراعـه
لاسـلهـمت بـرمـوشـها الـموت مـقرون=مـن شاف هاك العين يعلن ضياعه
والقرن ذيل اللي تشعشع ضحى الكون=يــوم ان كــلٍّ نــجدتــه مـن ذراعـه
يـوم ان هـاك الـوقـت طاعن ومطعون=وعـدايـل الـطمّاع تـصبـح طـماعه
والـعنق عنق الظبي والعرض مصيون=بـنت الرجال اهل الكرم والشجاعه
حــريــبهــم مــايــرقــد الــليـل مـغبـون=يــامـا سـقوا عـدوانـهم سـمّ سـاعـه
والـخصـر خـمس اقـفال والا بـعد دون=والـخد مثل الشمس يوضي شعاعه
وش عــاد خلاّ لــلغــناديــر .. مــالـون=اخـذ جـميـع الـزيـن مـدّه و صـاعه
امـــكمّلـــه وامــجمّلــه خــالــق الــكون=ومـن الـحيـا والـديـن ضـافٍ قناعه
والــيوم مــا اسـمع فـيه مـهمـا يـقولـون=وهـرجٍ مـن الـعذّال ما اقبل سماعه
بـاب الـرجـاء مـفتـوح وابـليـس ملعون=ومــاقــدّره مــولاي سـمعٍ وطـاعـه
الشاعر / مرزوق الغنامي
| التوقيع |
للتواصل عبر twitter تويتر
al_bargawy@ |
« آخـــر الـــمـــشـــاركــــات »
15-Sep-2009, 09:27 PM
ديوان الشاعر الكبير / مرزوق الغنامي العتيبي ..
العرض العادي
