مساجله شـــــعريه ............

[طلال ناشي]

بعد التحيه

الأخ عبيد الحميدي الثبيتي
أرسل لي رسالة بعد أن أطلع عليها
الأخ فهد بن نعيم العازمي يقـول فيهــا :

قم يانديبي فوق من يبرد الجاش = جيبٍ جديد مجهزٍ للمطاريش
أنص الرجال أهل الوفى وترك الاش = منصاك أبو ناشي زبون المداغيش
قله ترى صاحبك فالوقت مناش = صابه من الأيام خفه وتشويش
يشكي هوى مزيونةٍ كنها الشاش = أم العيون اللي هدبها مرايش
تطري عليَه كل مايفرش أفراش = وسهر على طاريه لين المغابيش
واليوم مدري كيف أبصبر وبعتاش = ودي برايك يازبون المداغيش

رديت عليه الرساله أقول فيها :

يامرحبا والجيب لاراح طراش = لابد ياقف في نقاط التفاتيش
وليا وصل نقظي لوازم هله كاش = نقظي لوازمهم قبل ننشده ليش
لنه رسول متيهت حرش الأدباش = سود الأبكار اللي وبرها عكاريش
ألاد روق مزبنت كل منحاش = أليا زبنهم عن بيوت الدراويش
ياعبيد من صك الهوى الصلف منداش = ماعاد باقي فيك حتى عراميش
والحب بلواً مالها طب ونعاش = قظى على ركابت الخيل والجيش
وليا بغيت الراي مانيب بكاش = أركب على اللي مجهزه للمطاريش
وقظ اللزوم وبارد الحيل ماعاش = وأنا كفيلك عند عماش وعميش
لاطاش فيك الشوق وبك الزمن طاش = وقفل على تالي شكاويك بالشيش
وليا شكيت الوقت مابلك أرشاش = أكبود خلق الله حيَامٍ معاطيش

[/oem]


وســــــلامتكم ,,,

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

آخر تعديل طلال ناشي يوم 08-Aug-2009 في 04:58 PM.