عفت المنازل يوم أهلها جفونـي

[شاعر زمانه]

السلام عليكم ورحمة الله وبركاته

يسرني أن أطرح بين أيديكم هذه الأبيات المتواضعه

وأتمنى أن تنال على اعجابكم

يا اهل البيوت الطارفه وادعونـي=كلمة فمـان الله يـا كبـر أثرهـا
في نفس من دمعه يبلّ الجفونـي=ينسى بعض همّه ليامـن ذكرهـا
عفت المنازل يوم أهلها جفونـي=وسجّيت رجلي حايرٍ في سفرهـا
دربي طويل ورفقتـي همّلونـي!=رحّـال وعيونـي تلـدّ بنظرهـا
يزمي سراب القيض بالحزم دوني=وخْطَا المقفّي تبعـده لوقصرهـا
ياطير ياللي فوق جرد الغصونـي=نفسك ونفسي مالها عـن قدرهـا
اللي حدوبـك للمفـارق حدونـي=وش الْك في ديارٍ يبوسٍ شجرهـا
ارحل معي وامّا دعوك ودعونـي=ولاّ ترى العشّاق حمـرٍ جررهـا
راحوا ولدري عقب راحوا يجوني=ولاّ الليالي ناشهـم مـن كدرهـا
طبع الليالـي مخلفـات الظنونـي=يقوله اللي قد سراهـا وسهرهـا
كله لعينـك يـا كحيـل العيونـي=أطلب وصالك ما حسبت لخطرها
وان كان تاليهـا عليكـم يهونـي=رجاي في من لو تكسّـر جبرهـا
يمكن مع غْيابي زمـن تذكرونـي=يجبر عزايـه ساعـةٍ منتظرهـا

[نايف المحينيش]

الله واكبر


صح لسانك ولاهنت



محبتي واحترامي

[(فهد العضياني)]

صح لسانكـ ياشاعر زمانه



جزله من شاعر كبير

[علي فلاح العضياني]

صح لسانكـ ياشاعر زمانه



جزله من شاعر كبير



بيّض الله وجهك

التوقيع

(( رأس الحكمه مخافة الله ))

[فواز علي الروقي]

صح لسانك لاهنت على ماقلت تقبل تحياتي

[شاعر زمانه]

نايف المحينيش

فهد العضياني

علي فلاح العضياني

فواز الروقي


صحت أبدانكم

ومشكورين على الحضور لا هنتو

[المعتصم بالله]

شاعر زمانه

صح لسانك ملايين ولاهنت

تحياتي

[المقاطي]

صح لسانك لاهنت على ماقلت تقبل تحياتي

[سيف عنزه]

صح لسانك قصيده جزله من شاعر متمكن
شكرا لك تقبل مروري

[آبـوحربه]

الله الله مـبدع يـاشاعـر زمـانه

جـزله من راسٍ جـزل ولاتحرمنا من قـصيدكـ

تقبل مــروري