طاروق مســــــــري....اطلق شنب مشروب فنجاله؛؛؛؛

[عبد العزيز العضيــاني]

سلام يامنتدى الهيلا والاعضاء والجماهير =تسليمة(ن)من بحر جده يقدمها هديه
نبغى لنا شاعر(ن) لاقام ياقف ماقف الزير=ياخذ ويعطي معي والنار في الميدان حيه

[ابو بندر]

الك البقا يا بحر جده عدد ما رفرف الطير=نبا نرسي على ميناك والنيه مطيه
جيناك حسب الطلب يا صاحبي من دون تا خير=ابحربنا في بحور الارض رحله عالميه

[عبد العزيز العضيــاني]

حياك ياصاحبي واهلا هلا مسيت بالخير=وميناي فدوه لعينك فالصباح وفالعشيه
السير ياقف ويدهن ياوسيع العرف ويسير=وابشر برحله سياحيه وجوله داخليه

آخر تعديل عبد العزيز العضيــاني يوم 21-Sep-2008 في 11:24 PM.

[ابو بندر]

يا بحر جيناك صيادين بشباك وسنانير=وشوف الامواج تضحك من هناك ومن هنيه
لاكن عطني علومك قبل نبدا با المشاوير=انته تباها قوية باس ولاعايديه

[عبد العزيز العضيــاني]

جيت البحر والبحر ياصاحبي ماهو كما البير=الله يستر لا تغرق ثم توافيك المنيه
خصمك يامال البقا راسي مثل مايرسي النير=ماهمني ماتجيبه وانته انت اللي ضحيه

[البريماني]

أخذوني معاكم في الرحله البحريه خخخخخخخ

صح الله لسانك يابحر والسانك يابو بندر وانا متابع

[ابو بندر]

يا بحر حنا على شاطيك دقانا مسامير=وحبالنا عانها يا بحر ليه فوق ليه
والبحر بين الجذر والمد دايم فيه تغيير=ولا الجبال المنيفه في مواقعها مديه

[ابو بندر]

الوفى طبعي
صح بدنك
شكرا للمتابعه

[عبد العزيز العضيــاني]

اخوي الوفا طبعي


حياك الله


ومرورك شرف

[عبد العزيز العضيــاني]

ترى المسامير ماتقدر على صد البواتير=سيوفنا القاطعه في الدين ولا الجاهليه
منت بجبل منت بحر ولانت حماي المضاهير=خلك على اسمك يابو بندر وميز فالقضيه

آخر تعديل عبد العزيز العضيــاني يوم 22-Sep-2008 في 01:01 AM.