سعود العصيمي أقرب لاهنت (2)

[محمد المنصوري]

المعذرة ياسعود البارح طلعت للضرورة القصوى

واستلم هالطاروق أنت معلم ماينتفوت اللعب معك تشرح صدر الطرف المقابل

وتحفزة على الابداع

انا مايعجبني فأبن عاصم سعود الا الوسام = الطرقي اللي فالبلد عزاّمته وسّامته
العام فوق شعيل مردوم السنام أيسر سنام = جيته وأخذت الثوب من فوقه وأخذت عمامته

[سعود العصيمي]

ماحصل قصور يامحمد بس اني ابطيت انتظرك : -

استلم وانا بتواجد بعد 12

انا اهلي ووسامي بفعلي ومثلك مايلام = وانا ضربت بسيفي محمد وطاحت قامته
وانا اعرف انك سارقٍ للمخ من صلب العظام = واللي يذم اللي سواتك كل ربعه لامته

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

آخر تعديل سعود العصيمي يوم 15-Sep-2008 في 08:22 PM.

[محمد المنصوري]

أن كان عندك سيف حده مع بني هاجر ويام = ماانت الغشيم اللي على راسه تقوم قيامته
وانا أعرف أن الشك مايدخل رفيعين المقام = أليا متى وانت الجهل تفـــتر في دوامته

[سعود العصيمي]

البرق من منشاه يبرق مايغطيه العسام = والناس مايجلب عليهم من ردي ماسامته
انا معلم مايعلم وانت تدري والهمام = واللي يبل الراس للامواس ذاق احجامته

[محمد المنصوري]

عليك وصف من الصقور وفيك طبع من النعام = كل الغنايم قسمت في ليل عينك نامته
ياشاعر عتيبة مدام النور جلاي الظلام = العالم اللي فيك تمدح نصف عد الشامته

[سعود العصيمي]

وانته طبوعك والوصوف مطابقه طبع الحمام=لاتحسب إن الفعل الاصبح معتلٍ في هامته
دايم عزيز الصيت محسودٍ من الناس الخمام=حنا هل الفعل المشرف والعدو لطامته

[محمد المنصوري]

انا مالومك لو تلخبط يالعصيمي فالكلام = ابو شنب مشتالك البارح على دعامته
ماهي بزودة لو صبغت الثوب بعروق البشام = البيت عارف من بناه وعارفً هدامته

[سعود العصيمي]

تبا الصراحه مامعك شرب قراح ولا طعام = وانا غني عن واحدٍ في عرض خده شامته
لكن اخذها مسك يامحمد قبل مسك الختام = من شاعرٍ يخصم خصيمه مالقى خصامته

[محمد المنصوري]

تبا الصراحة مامعك سيفٍ حديد ولاحزام = كشافك اللي في يديك ليتك تغيّر مامته
والله يالولا حكمة أن (( الضرب فالميت حرام ))= لاأفرمك فرم ... السادي اللي حط في فرامته

[محمد المنصوري]

الختام من عندك ياسعود