أقرب شاعر يقلط .......... ( للفائدة )

[عبدالرزاق القشعمي]

الفال خير ودايم عتيبه معاها الفال خير = وليل ٍ تجمع به هل المعروف هو عزّ الطلب
ابومخاليب يحفر وابو جناحين ٍ يطير = واللي معه قرشين لايدخل بها سوق الذهب

آخر تعديل عبدالرزاق القشعمي يوم 20-Aug-2008 في 07:48 PM.

[معجب العتيبي]

ياللي تسولف قبل لا نبدا بخطوات المسير=حدد لنا وجهه ونكتبها ويقراها العرب
اللي كفخ واللي حفر كلٍ يبا العيش القرير=واللي بدون فلوس في سوق الذهب يلقى التعب

التوقيع

[عبدالرزاق القشعمي]

هالحين طاب الكيف واهدر طول ليلك يابعير = قدمك مسافات ٍ تروّع قلب من لا يحتسب
الجامعه قسم القبول اللي به علوم ٍ تحير = لاصار ماهو من حواليهم يبعّد بالطلب

[الشــاهد]

المشاركة الأصلية كتبت بواسطة معجب العتيبي

ياللي تسولف قبل لا نبدا بخطوات المسير=حدد لنا وجهه ونكتبها ويقراها العرب
اللي كفخ واللي حفر كلٍ يبا العيش القرير=واللي بدون فلوس في سوق الذهب يلقى التعب

معجب العتيبي استاذ كبير الله يقويك


متابعين

[معجب العتيبي]

لامن هدرنا قدم عينك لاتفكر بالمنير=يالقشعمي خلك على الحروه معي والا انسحب
اللي ماهو كفو العلوم الجامعيه يستخير=لا لا يفكر في مناصب عاليه والا رتب

يبيلك تعذرني شوي

داخل من الجوال لأني شفتك لحالك من اليوم بلحالك هههههههه

[عبدالرزاق القشعمي]

اللي رفع ضغطي وزعّلني سكرتير المدير = أحد ٍ يقدّم له حشف وأحد ٍ يقدّم له رطب
قد قيل يامعجب ترى العاقل يشير ويستشير = واللي يدوّر للخطا تبّت يداه ابولهب

[معجب العتيبي]

وضع الوكاله والوزاره والسفاره والسفير=دايم تطاردها الوشايه والدعايه والعتب
الراي في راس الرجال اهل المعرفه يستدير=واما بغوها بالطرب والا بغوها بالنشب

[عبدالرزاق القشعمي]

ما يبرد كبود الظمايا راعي الحبل القصير = والمسأله بالمعرفه ماوصلت لفتل الشنب
امعدّلي ميّه على ميّه وانا فيها جدير = كم نار نطفيها وكم نار ٍ نزوّدها حطب

آخر تعديل عبدالرزاق القشعمي يوم 20-Aug-2008 في 10:54 PM.

[عيد العازمي]

عبدالرزاق القشعمي &&& معجب


صحت السنتكم وقلوبكم

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[عبدالرزاق القشعمي]

الأخ العزيز العازمي

صح بدنك وطيب الله فالك على المرور