عاجل جداً الشاعر الحلحلي أستلم الرد لاهنت

[مشاري الشلاحي]

أخواني إدارة وأعضاء وزوار منتدى قبيلة عتيبة العزيزة

السلام عليكم ورحمة الله وبركاته

هذة قصيدة وردتني من الأخ:

الشاعر/الحلحلي

وأقدمها لكم وأقدم ردي عليها وأطلب منه ومنكم المعذرة

بالتقصير لصعب القافية ومهما حصل هو شاعر كبير وأنا مبتدئ

آمل أن تحوز على رضاء الجميع ولكم تحياتي

الشاعر/الحلحلي

	يا راكبٍ من عندنا فوق بنزي=من وارد الألمان والحلف نازي عجلاً هميم من الخطر ما تنزي=إليا سرت والنور وضاح قازي لا اقفت تشوف الأرض منها تهزي=وإليا اقبلت تشدي من البعد بازي تنصى ذخر شالح سلايل معزي=أهل الفعايل للمعادي نحازي كسابة الأمداح ما هيب تجزي=لا والله ألا للعظايم تحازي حمر النواظر كاسبة كل عزي=ظفران شجعانٍ كرامٍ عزازي لاصاح صياح الضحى واشمهزي=والخيل بالشجعان عجلاً تنازي وأصايلٍ تشعب وخيلٍ تلزي=يلوح بارقهم على كل غازي لا اطريتهم شعري بالأمداح فزي=حيث إن لهم بالقلب قدر ومرازي من عند ابن حلحل بيوتٍ تكزي=صوب المطاري ما يبا له مجازي من آلاد عاصم والبيارق ترزي=حماية المركي على الضد قازي وختامها تسليم يا ابن معزي=على رسولٍ موقعه ما يهازي

الرد

	قريت لي خطٍ وصدرة على الزي=والعجز يأهل العرف قافه على آزي وشبيت ناري بالحطب ماش قزي=وضبط لي دله وصدري حجازي من بعد جاء المرسول مالي توزي=لازم يجي ردي جزل ومتوازي وقامت بيوت الشعر قدمي تبزي=وراعي الوفاء بالطيبة له نجازي قم يانديبي تل جيبك ودزي=جيبٍ موديلة من جديد الطرازي اللي ليا تليت أبنصه يهزي=ويرسل على الددسن وأهلها التعازي والدرب عانه قدم عينك وقزي=وأنصى الذي بالطيب والعز فازي وسلمه ردٍ مابه علوم تخزي=لو تسمعه لجنة تسجل مجازي الطيب فيكم يابن حلحل يعزي=ويكتب على التاريخ مجد إعتزازي والمعذرة لن صار قاصر على الزي=وأرجو السموحة يابعيد المغازي

أخوكم/ مشاري معزي الشلاحي

[عبدالله الجـــذع]

الله اكبر الله اكبر..

صح لسانك اخوي مشاري ..

ماشاء الله تبارك الله..

قصيده جزله من راس جزل ..

الله يجعلك دوم مبدع ومتميز يالغالي..

رد وافي وجزل .

الف شكر لك ..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[مشاري الشلاحي]

عبدالله الجذع

صح بدنك وبيض الله وجهك

شهادة أعتز بها وما زاد الموضوع جزاله مرورك يالقرم

تقبل خالص إحترامي

أخوك

مشاري معزي الشلاحي

[مرزوق حمدان العتيبي]

...
.
صوت وصدى ولا اروع .. لله دركما ...
استمتعنا بقراءة النصين ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[علي فلاح العضياني]

صح لسانك اخوي مشاري ..

ماشاء الله تبارك الله..

قصيده جزله من راس جزل ..

الله يجعلك دوم مبدع ومتميز يالغالي..

رد وافي وجزل .

الف شكر لك ..

التوقيع

(( رأس الحكمه مخافة الله ))

[عبد المحسن الحلحلي]

صح لسانك واعتلا شانك


أخوي مشاري الشلاحي


والله لم أبدع أي حرف هنا إلا محبة وإجلال

لمن لهم في القلب قدر ومكانة

ولي معهم خوة وعنوة


تقبل فائق احترامي


عبدالمحسن الحلحلي

[عبد المحسن الحلحلي]

عبدالله الجذع


مرزوق بن حمدان العتيبي


علي بن فلاح العضياني



شاكر لكم مروركم الجميل



مودتي

[/عبد العزيز الجذع/]

صح لسانك...

[أبو نجر النفيعي]

..

صوت رائع وصدى رائع ..

صحة السنتكم جميعنا .. قصيدتين في غاية الجمال ,,



أخوكم

التوقيع

.....

[معجب العتيبي]

صحة الالسن والابدان

شكرا للشاعرين

والى الامام

التوقيع