من شعرالدكتورالشاعر الأديب - محمدالسليمان المحمدالفوزان (رحمه الله ) ** عن البر والقه

[عبدالرحمن الهيلوم]

من شعرالدكتورالشاعر الأديب - محمدالسليمان المحمدالفوزان (رحمه الله ) ** عن البر والقهوه **
__________________________________________________ ____

يا الله على من صافي البن فنجال ********** فنجال أشقر ما ابـــلونه كــــــداره

حمسة بصير واعي ألفكر والبــــال ********** ما قاس شيئ واختلف في عـــياره

والما قراح صافي اللـــــون وازلال ********** مما نمار أوكف هيل ابــــــهــــاره

في روضة سيله يجيها من الجــــال ********** صافي عذي مسرع بانــحــــــداره

ريح الخزاما والنفل به إلى ســــال *********** ويجلي اهموم اللي نزل في اجواره

يبرا بها اللي مبتلآ فـــيــه ســــلال *********** يجبر بها اللي مستحيل جــــبـــاره

باذن الكريم الي عليم بالاحــــــوال *********** فكاك ماسور العيا من وســــــاره

منزل صديقك ماقعٍ خوش مـــــنـزال ********** في روضة بين الجبل والزبـــــــاره

ترعى الغنم بذبالها الحرف واشكال ********* اشكال عــــشــب غيـر نبت القراره

تلقى الزبيدي فوقه الرمل منشــال ********** مصلعٍ كنه اظـــهــــور الحــجــاره

ما جاوره في منزله بعـــض الانــــذال ********** اللي يـــذوق الـــجــار منه المراره

مع ربعةٍ كله شغاميم واشــــــبـــال ********** كـــل على وجهه علامة وقـــــاره

لا سولفوا يطرب لهم ظايق الـــبــال ********** من زود خِفَّت دمــهــم والنمــــــاره

ما ينهشون العرض بالقيل والقـــال ********** ولا مشو يومٍ بدرب الــــقــــــــذاره

ارجال ماشين بالاقفى والاقــبــال ********** على ادروب المرجله والــخــيـــاره

احباب صافينٍ على قلب رجّـــــــال ********** والكل منهم ما يهاب الخســـــــاره

عقب العَشا تلقى الأبـــاريق وادلال ********** على هشيمٍ مشعلٍ في ؤجــــــاره

والنجر صوته يجعل الهم ينــــــجال ********** لا دقه المولع بعرف وشطــــــــاره

والضيف لا جا عند ماضين الافــعال ********** يبشر بكامل قيمته واعتبــــــــاره

[محب الهيلا]

مشكور وماقصرت

[عبدالرحمن الهيلوم]

مشكووووووووووور يالغالي علي المرور