قصيده الوطن لابن محيا

[نواف العصيمي]

تـْمـر فـْـ بـالـي أشـَهَى من كـلام ضـَيّـعوه اثـنيـن= وأنـا فـي بـالـي لـحـبك كــلام ٍ مَـا بَعـَد قـلـتـَه!
كْـبَـرت ولاصـَغـَر يَا مَوطـْنِي "حبٍ" كتَبته لين:= ظـَهـَر عشـق ٍ كبيـر أكـبـَر منَ اللي مَا تـَخَيلتـه
ماهِيْ بالسَّـالفـَة يَا مَوطن "الما" نَخلة وسيفين=وأنـَا يمـنَاي سيفــك، والنـَّخـَل في قلبي اشتلته
أنـَا أدري فيك من لون الرَّبيع وضَحكة النـِّسرين=ولا يـُنـضَام من هو في تـرابـك جـَاك وأدخَـلتـه
يقولون العَرَب : مَا خَانـَتْ الأوطَان بَالوَافِيـن=وأنـَا أقـول : الوَطَن رَجل الوفـَا والعـَهـد مَرجلتـه
مثل أيش الوَطَن؟مثــْـل الشـِّفـَاه اللي تقول : آمين= كبْر أيش الوطن .. هَـذَا الوطن يا كُبـْر مَنـْزلتـه!

التوقيع

[مرزوق حمدان العتيبي]

..
.
صح لسانك .... يارائع ...
وتسلم يمينك يانواف ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محب الهيلا]

مشكور وماقصرت

ناقلها لنا بصواريخ ارض جو

[راعي(البراق)المارج]

مالحقتها ومادريت عنها ماشاء الله

اقول لايكون انت الناقد الرسمي لبندر


ههههههههههههه

نواف تحدي لك

جيب النتيجه قبل اللجنه تقدر

[بندر المرشدي]

بيض الله وجهه


وانت كذلك


مشكور يانواف

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[نواف العصيمي]

يعطيكم العافيه يالربع ..

والقصيده كما قالها أبن محيا وضعتها لكم

من الشاشه نقلاً لكم بسرعه ..

محبكم نواف

والحقوق هيلاويه

ولكم التقدير والإحترام

[العتيبي المميز]

ماشاء الله عليك يا بندر

صح لسانك قسم بالله انك شاعر كبير

والله يحفظك يارب

[ابو عطا]

مشكووووووور يانواف ....وصح لسان الشاعر بندر

[نواف العصيمي]

المشاركة الأصلية كتبت بواسطة مرزوق حمدان العتيبي

..
.
صح لسانك .... يارائع ...
وتسلم يمينك يانواف ....

..صح بدنك بالنيابه

وتسلم روحك يامرزوق ..

ويشرفني مرورك

ولك التقدير والإحترام

[نواف العصيمي]

المشاركة الأصلية كتبت بواسطة محب الهيلا

مشكور وماقصرت

ناقلها لنا بصواريخ ارض جو

..

تسلم على المرور

ولك التقدير والإحترام