.
.
بما أن الجنون فنون ..أبا أسرج للفنون جنون =وأنا أفكار ألف متنبي ..تلبي..طوع تحت أمري
عسيفي من بنات الريح الاطيب شكلاً ومضمون =مهار تبهر الانظار شد عنانها فكري
ابا اعلم هل الاصناف سر اللولو المكنون =ابا اعلم كتاتيب الشعر ..عن ..هيمنه حبري
وانا لو قلت كل اللي معي قالوا هذا مجنون =طواري خاطره في خاطر اطيب عرف ماتطري
لإني فالثرى ...الاثرى ...غرفت من السحاب لحون=عليها بصمه المجد التليد ...وبثها حصري
إذا ماكنت الاكبر في عيون الشعر ...ليه أكون ؟=اذا ماكنت الاجدر في عيون الليل ليه أسري ؟
ألي عامين همي فالضلوع الحانيه مسجون =ألي عامين صابر لين مل الصبر من صبري
يبا يبقى الحزن/ مادام باقي للدموع عيون =يبا يبقى الفرح/ ..ذره أمل فدمينا تجري
يبا يبقى الالم /مادام باقي للفراق طعون =يبا يبقى هذا الواقع /إلى ايه مدى ؟؟مدري
على ذكر المواجع والمفاجع خاطري محزون =لو إن الحزن طيرٍ يامحمد عشعش بصدري
جداي ان ضقت صحت من الالم :ياشعر ياملعون =وتوالت شرد أبياته على لمح البصر تجري
على طيف الخدود المترفات ..وطرفها المفتون =تهدي بي دقايق ليل همي عن لقاء فجري
والا ياليل تدري ماتطبق للحزين جفون =والا ياثقل دمك عن عيوني ليه ماتسري
انا ماسم حالي غير قول :أن الحبيب يمون =حملت اوزار حبه من وفاي ولاحمل وزري
أكابر واتقبل جرحه الدامي وانا ممنون =وعذري يوم أفكر ويش عذري ؟؟حبه العذري
خيالٍ حسبي الله ليت ماله في سماي مزون =ولكن النصيب اللي بلاني فيه من بدري
والا يامهره الوجدان قلبي بالغلاء مسكون =غلاك اللي بعد ذاك اللقاء مستعمرٍ صدري
أسرتيني واخذتيني لكونك عن هذاه الكون =بجمالٍ ,,ماركة حضر العليا ..والدلع مصري
فداوي للخدود اللي تشابه لمبة الزينون =فداوي للوصوف اللي تفجر صمتي الجهري
أبا اخلد لك اللي خلده محسن وبن لعبون =مادامك رمز تحريك الهجوس ..وملهمه شعري
« آخـــر الـــمـــشـــاركــــات »
30-Nov-2007, 07:31 PM
العرض العادي
