ناصر المرشدي للاهميه

[نايف بن ملحق الثعلي]

مرحبا بالشاعر اللي غايب ٍ مده طويله=ودنا ناخذ علومه بعد ماجاءمن غيابه
انت شاعر مار اظنك مامعك فالوقت حيله=خابرينك ذيب لكنك تخاف امن الذيابه

التوقيع

ما هوب لازم توقيع00

[ناصر المرشدي]

مرحبا يالروقي


اسف على التاخير تو راجع من المسجد

[ناصر المرشدي]

بارك الله فالعميل اللي تنشد عن عميله=العميل اللي فقدته وقت مير الحظ جابه
انت ماسويت فالايام حاجه مستحيله=لاتقول العلم يابو زيد ماتحسب حسابه

[نايف بن ملحق الثعلي]

بنت ابوزيد الهلالي جالها اللي تستوي له=لاتطالبني ترى معاد فالدعوه طلابه
لاتحسب ان الامور الكايده بهون وسيله=مامعك عزم وبصيره والرجاء مقفول بابه

[ناصر المرشدي]

ياكثر من قال انا فالوقت خيال الكحيله=كم سمعناها من الاجناب والا من عتابه
البنادم ياوسيع المعرفه عقله دليله=وانت تدري سيفي البتار في كفي نصابه

[نايف بن ملحق الثعلي]

انت تدري بالصحيح اكليب مفتك الجليله=والكلام اللي نقوله كل رجالٍ درابه
ياجملنا شد حيلك ثم شيل الحمل شيله=لاتغير لويجي فالعلم ميله وانقلابه

[ناصر المرشدي]

عزتي للي كلامه غير فعله عزتيله=يبدع الطاروق ويغني على قوس الربابه
وياحليل اللي يميز فالدعاوي ياحليله=ما يلخبط فالقرايه مايلخبط فالكتابه

آخر تعديل ناصر المرشدي يوم 04-Nov-2007 في 07:13 PM.

[نايف بن ملحق الثعلي]

كل شاعر خابره يالمرشدي واعرف حصيله=وانت اظنك لو تشوف الموت لايمكن تهابه
من يكمل في وجووبه لاتسميها فشيله=والكلام اللي بلابرهان خله وشتبابه

[ناصر المرشدي]

من كثير اللي يعرف العلم يكفينا قليله=وان لقينا الموت قلنا ياهلا يامرحبابه
والله اني ما خلطت الهيل فوق الزنجبيله=اعشق الطيب على مافيه واقدر جنابه

[نايف بن ملحق الثعلي]

لاتحول عن شدادك وانت خيال الاصيله=كان تدري بالسوال وكان تدري بالا جابه
لاح برق السيل يارجال ثم انهل سيله=وانت من كلفك تاقف قدم براق السحابه