*·~-.¸¸,.-~*بسم الله الرحمن الرحيم*·~-.¸¸,.-~*
.
.
.
.
شــــــاعــــر حـمـل عـلـى عـاتـقـه هـمـوم وقضـايـا مــجـتـمـعـــة
وبــــرغـــم صـغـر سـنـه إلا أنـــــه وصـــل إلـى مــنــزلــــــــة لا
يـسـتـهـان بـهـا ، فـقـصـائـدة ذات طـابـع إجـتـمـاعي جـميــل
يـرمز إلـى بـيـئـتـنـا الـخـليجـيـة الأصلية وهـذا مـا دعـاني
لـلإنـشـاء هـذا الـمـوضـوع.
.
.
.
إنـه الـشـاعـر ../ نـايـف ابن فـيـصل بـن عـرويـل الـعـتـيـبـي ( الـصـارم )
الــعــمــــــــل .. /طالب فـي جـامـعـة الـملك سعود تخصص جـيـو فيزياء
الـــعــــمـــــــر .. /23عــــــام
بـعـض الأسـئـلـه والأجـوبـه للـشـاعـرنـا مــع احــد الـصـحـف ..
كيف كانت بدايتك بالشعر ؟
أنا لم اكن اعلم أنى شاعر ولا أن لدي موهبة شعر إلا عندما انتقل أحد زملائي أيام من مدرستنا إلى مدرسة أخرى وكان هذا عندما كنت في الصف الثاني متوسط وكان هذا الشخص اعز الأصدقاء لدي فخرجت مني قصيده تعبر عن الموقف لا ادري كيف ولماذا خرجت فسمعها مني الأساتذة واعجبوا فيها ومن هنا كانت بـدايـتـي الـشعريـة ...
شــاعـر تــأثــرت فـيــه ؟
بـنـدر ابن سـرور
قصيدة ندمت على كتابتها ؟
لا يوجد ولله الحمد
قصيدة تعتز بها ؟
للطيب درب وللرخامة متاهات
بيت تمنيت لو كان لك؟
احـدن يدور بالردى بنـت عمـه = واحدن يدور ستر عذرى عوانيه
للشاعر بندر بن سرور
قصيدة ترددها دائماً ؟
قـصـيدة الـشـيـخ / تـركـي ابن حـمـيـد
تلعب طـرب وانـا بـنـومـي هـواجـيـس = ماسامرك بالليل كثر الهمومـي
ما هي أول محطة ساعدت على بروزك إعلاميا ؟
قناة الواحة الفضائية, القناة الأولى السعودية ...
ما رأيك في فن المحاورة وهل لك محاولات في هذا المجال ؟
الـمـحـاورة جـزء رائـع وجميل من الشعر عندما يكون بين العقلاء أمـــــــا عندما تكون المحاورة كـكثـيـر من محاوراتـنا في وقتنا الراهن التي تعتمد على السب والتجريح في الأخر فأنا أترفع عن هذه الأشياء ...
هل تمانع أن تغنى قصائدك ؟ وما السبب ؟
أمانع وبشدة , والسبب باختصار أنها تجلب لي الذنوب وهذا نكران مني لموهبة أعطاني إياها الله سبحانه وتعالى ...
هل باعتقادك أن الشعر يورث؟
اعتقد ذلك فأنا أبى شاعر وجدي شاعر وقد أكون أخذت الشعر بالوراثة ...
بــعــض قــصــايـده : ـ
البارحة والنـاس هجـع ووممسيـن = وانا لحالي مـع جمـوع الهمومـي
صارعتها بالسيف وسـط المياديـنون = طحت فيهـا كـل قبـاً قحومـي
معها سلاح الغـدر والبعـد والبيـن = والحمـدلله مـا تثنـت عـزومـي
لاني عريبن مـن سلالـة عريبيـن = نسـل الرجـال الطيبيـن القرومـي
الـي ليـا هـدو سـواة الشياهيـن = مـن فعلهـم كـن القيامـه تقومـي
امجادهم تذكر مـن الهنـد للصيـن = وافعالهـم طالـت بعـاد النجومـي
ولاهوب مرهبني كـلام الحسوديـن = اختم على وجه الرخـوم الختومـي
في عام ثالث بعـد الالفيـن واثنيـن = جيت ارهب الساحة بلحضة قدومـي
ماجيت ابشكي فالقصايد مـن الديـن = ولاجيت ابقضي بالقصايـد لزومـي
جيت ارفع الكلمة واوضح عناويـن = واشكي هموم الشعب واشكي همومي
واصـب فالقالـب ثقافـت فهيميـن = واقول شعر ٍ يفتخـر فيـه قومـي
ماهوب شعري ليـل يالـي ياعيـن == شعري مضاريبه سـواة السهومـي
اليا مدحت اذهل عقـول السلاطيـن = ولا الهجاء شعري مثل غزوا رومي
هذا وانا عمـري ثلاثـة وعشريـن = ارهبت في شعري كبار الخصومـي
رح انشد اهل الدار والـي بعيديـن = وان ماكفاك اصعد لذيك الرجومـي
تلقى الصخر يبكي على شان = بيتيـنقد قلتها لـه بالضحـى ذات يومـي
وان ما كفنك يا ابن الاجـواد ثنتيـن = ذلي ترى كـوم ٍ وهاذيـك كومـي
طالع وجيه اهل الـرداء والثعابيـن = تلقاهم ان قلت القصيـده كضومـي
وتلقانـي اردد لهـم بـس قولـيـن = تحشر عليهـم واسعـات الهدومـي
ياحفنـة الألحـاد مهمـا تقولـيـن = متمسكـن فالديـن واتبـع سلومـي
دام القصايد مرضيات ٍ هـل الديـن = حتيش لو تزعـل علـي الرخومـي
قــصـيــدة الــعــنــوســــه :
ياهاجس ٍ من ثلاث شهور مذيني = تزعل علي النساء لو اعلن حلولة
ابي حصانة من النسوان تحميني = وابا اتوكل على الله ثم ابا اقولة
ماللعنوسة حلولن كود حليني = الحل الاول يعود لحاكم الدولة
لابد تصرف على هذا ملاييني = لجل يتزوج شباب اليوم بسهولة
وثاني حلول العنوسة يالمياميني = في ايديننا شي نقدر دايم نطولة
اخذوا على الاولة وحده وثنتيني = وهذي ترى في كتاب الله مقيولة
لكن لا بد نعدل بالموازيني = لازم موازيننا بالحيل معدولة
ويالي غرامك جرى داخل شراييني = ادريبك اليوم من ماقلت مذهولة
وان كان عقب القصيدة ذي كرهتيني = المسئلة يابعد هالناس محلولة
ترى كلامي هذا ماهوب يعنيني = شاعر ولا افعل كلامن دايم اقولة
ابيلي وحده ووحده بس تكفيني = اربع حريمن صراحه غير معقولة
قـصـيـدة الـبـطـانــه : وهـذا رابطهـا صوتي للـحـفـظ ..
http://www.7eda.com/f/01.RA
الشقاء عذب قلوب الناس واسـرف فـي ألمهـا = والدموع الي على اوجـان الفقـارى مستهانـة
يستشفـون السعـادة والامانـي مـن عدمهـا = والضمير الي حكولـه ماتحـرك مـن مكانـة
دوروا حل المشاكـل والمشاكـل وش رسمهـا = غير تغييب الضمير وغيـر تضييـع الامانـة
مشكلتنـا فالبطالـة قالهـا الــي مافهمـهـا = لا وربـي الـي خلقنـا مشكلتنـا فالبطـانـة
بالقصـور وبالتغاضـي والتهـاون نتهمـهـا = من طيوف الشعـب كلـه يستحقـون الادانـة
ناس عاشت فـالنعيم وربـي بفضلـه كرمهـا = بالوسايط والرشـاوي وصلـوا ذيـك المكانـة
غيبوا شمس الحقيقـة وابدلونـا فـي وهمهـا = وصارت احلام السعادة في عيون النـاس دانـة
قل حال الناس زاد وقـام ينهـش فـي لحمهـا = ومجلس الشورى يناقش كيف تخفيف الاعانـة
والاعانة وش تسوي وش تسوي لـو خصمهـا = لو خصمها وش تسوي افهمو يا اهـل الفطانـة
يا الـي تحـط المبـادي والمبـادي تحترمهـا = اسئلـك بالله ليـه الظلـم هــذا والخيـانـة
ياخي ناضر فـالألوف الي جنابـك يستلمهـا = ليش مايخصم معاشك او على فلوسك حصانة..؟
حط حيلك فالضعوف وصد عينك عـن قممهـا = وانت تاكل وآنا آكل واترك السـارق وشانـه
قاعده عمت علينا خاب حـض الـي نضمهـا = وخاب حض الي تبعها وارتضى درب اللعانـه
ذي بلدنا ذي بلدنـا كيـف بيدينـا نهدمهـا ؟؟ = كيف نرضى بالفساد وكيف نرضى بالأهانـة ؟
اشتكـوا خـل الحقيقـة ترفـع يديكـم علمهـا = زلزلوا من عاث فيهـا زلزلـوا كامـل كيانـه
والأمـل بعـد الله بليـثٍ تولاهـا وحكمـهـا = ذاك ابو متعب عسى الله ينصرة ويعـز شانـه
قالـه الـي مابدتلـه كلمـة الحـق وكتمـهـا = شاعر ٍ لأصعب قضايـا امتـه سخـر لسانـه
وانا داري هالقصيدة الف واحـد مـا هضمهـا = لكـن الباقـيـن قـالـوا الله يسـلـم بنـانـة
مشكلتنـا فالبطانـة مشكلتنـا فــي قيمـهـا = بـس ماهـو كلبوهـم فيـه قـلـة للأمـانـة
ومن يقول بغير ذالك الـه نضـرة واحترمهـا = المهم الي بقولـه صـار واضـح فـي بيانـه
والمشاعر لو تخير كـان هجـت مـن قلمهـا = وكان ماقالـت قصيـدة فالحريـم وفالبطانـة
قـصـيـدة : رثـاء فـي الـملك فـهـد
اصمتي يانجـد وابكـي ياعروبـه = واصبري يانفس في وقت المصايب
احد ٍ اليـا مـات ربعـه مادروبـه = واحد ٍ اليا مـات تبكيـه النصايـب
واشهد انه يوم مـات الفهـد دوبـه = شفت دمع الحزن بعيـون الحبايـب
شفت ابوي يمش دمعـه كـم ثوبـه = وشفت اخوي يصيح ودموعه سكايب
يكتمون الصوت والدمـع جهروبـه = ما احتملت الدمع فوق خدود شايـب
قلت يمـه وشهـو الـي ماحكوبـه = وليه دمعاتك على رموشك نوايـب
واسكتت....ثم هلت العين الجذوبـه = وانطقتها مثـل طعنـات ٍ عطايـب
قالت اسمع والخبـر تـو اعلنوبـه = قالو انه مااااااااااااات جرار الكتايـب
قلـت وعيونـي لدمعاتـي سكوبـه = ارحمـه يـارب ماهبـت هبايـب
الكريـم الـي يمينـه فـي جيوبـه = ماحد ٍ قد جاه ثمـن عـاد خايـب
الحكيـم الـي عداتـه مااغدروبـه = وان تنبئ علم صار العلـم صايـب
حط طوبه فوق طوبه فـوق طوبـه = لين وصل دار الامجـاد السحايـب
الوطـن يشهـد شمالـه لا جنوبـه = من ورى الدمـام لحـدود المغايـب
انـه الـي كانـت اعمالـه دئوبـه = لجل يبعد عن وطنـا كـل عايـب
وانه الي قاد جيشـه فـي حروبـه = وانه الي صار في عهـده عجايـب
مانسـوا وقفاتـه الـي اعتزوبـه = يوم شبت في سما الـدار الشبايـب
قادها والناس تمشـي فـي دروبـه = واحتماها مسرج ضهور الصعايـب
قدهـا وقـدود يافهـد العـروبـه = قدهـا وقـدووود مافيهـا غرايـب
يالله المعـبـود لتنـقـي ذنـوبـه = نقوة ابياض الثياب مـن الشوايـب
ويالله توفـق اســودٍ احتـذوبـه = نخوة الاغراب من قبـل القرايـب
خـادم البيتيـن والنايـب ينـوبـه = الهـم البيعـه بشـبـان ٍوشـايـب
ويالله انك ترحمـه فهـد العروبـه = ارحمـه يـارب ماهبـت هبايـب
قـصـيـده : قـاطعـوهـا قـاطعوهـا قـاطعوهـا قـاطعوهــا
يارسـول الله ابشـر والمواقـع فجـروهـا = فجروها واخرقوها وارفعـو رمـز البطولـه
يارسـول الله ابشـر والسفـارة قفلـوهـا = وهزو الجند اقتصاد الدولـه بذيـك المقولـه
قاطعوهـا قاطعوهـا قاطعـوهـا قاطعـوهـا = قاطعوها كان فيكم عـز واسـلام ورجولـه
دولة بالحقـد قامـت والنصـارى شيدوهـا = وزاد كيل الحقد فيها وسبـت الله ورسولـه
وثارت امتك الشريفـه بالفعايـل جاوبوهـا = وقامت تقاطع دولنا دولة ٍ مـن بعـد دولـه
امتك تبقـى قويـة لـو عداهـا حاربوهـا = ولجل دين الله نخوض الحرب جوله بعد جوله
لعنت الخالق عليهم والرسوم الي رسموهـا = ماتفسر غير قولـة العنـب والـي يطولـه
الكلاب الي علـى نهـش الجنايـز دربوهـا = عاجزة عن نهش عرضك لو تقول الي تقوله
الخنازيـر اللعينـه مـا تطولـك لعنبـوهـا = والله ان ايات درب ٍ ياصلك نمنـع دخولـه
امـة المليـار ثـارت شاهدوهـا شاهدوهـا = كنها الاعصار يقذف كل شي ٍ صـار حولـه
شوفـوا الامـه توحـد والقيـادة وحدوهـا = شوفو العز الحقيقي والشجاعـه والبسولـه
ياشباب الدين ثوروا واحفضوهـا وانقلوهـا = كلمة ٍ تجلب رضى رب الملا بنصرة رسولـه
قاطعوهـا قاطعوهـا قاطعـوهـا قاطعـوهـا = قاطعوها كان فيكم عـز واسـلام ورجولـه
قـصـيـدة نــــداء للـمـسـلـمـيــــن : يـوم مـات خـطّـاب
يقول من جنـت جنونـه وغنـا = أبيوت شعر ٍ من صميم المعانـاه
شفنا العزاء في موت بابا يوحنـا = وخطاب مات ولاحد العرَب عزاه
ابسـأل الحكـام عمـا وصلـنـا = وش موقف الحكام ممـا سمعنـاه
يوم اليهودي عـاث فينـا واهنـا = والمصحف الطاهر برجله توطـاه
ياناس فوقوا وارفعوا الـذل عنـا = ياكيف نرضى الذل ياكيف نرضاه
الاهنـا يوطـا كلامـه وحـنـا = نشجب ونستنكـر وفعلـه ادنـاه
يامـن ادان بفعـل يانـاس منـا = والهرج كل الي يبى الهرج سـواه
نبي فعولن تبـدل الضـن ضنـا = يذهلبها الكافر من اقصاه لادنـاه
الي يضوحـك فالوجيـه ويكنـا = حقد ٍ بفضل الرب بانـت نوايـاه
حربـن صليبيـه علينـا تشـنـا = ويالي سمعت العلـم دور خفايـاه
في كتابهم نـص ٍ لبابـل معنـا = من شان هيكلهـم تشيـد زوايـاه
وين الوليد وويـن ربـع المثنـا = عزاه والله ياهـل الديـن عـزاه
ياهيـه يالـي فالكراسـي تهنـا = انهايتك قبر ٍ ثرى الارض غطاه
لاصـار ماجالـك فعولـن تثنـا = مافايدك عـز ٍ ولا فايـدك جـاه
اقدم بجيشك ياعسى النقـص منـا = اي والله ان الدين بالـروح نفـداه
لاصار ماصلنـا عليهـم وجلنـا = ولاصار كلن ما خذ السيف وارواه
ولاصار ماشفنـا جباهـن تدنـا = وجسم اليهودي كل كلب ٍ تعشـاه
لاخير فينا ولا بعـد عـاد كنـا = مادام حتى الدين ماناخـذ قضـاه
هذا كلام(ن)وسط راسـي يطنـا = قلته وانا اعرف كل قصده ومعناه
وان كان رد الفعـل خيـب املنـا = والله ما الوم الذيب يسرح مع الشاه
قـصـيـدة للـطيـب درب وللـرخامــه مـتـاهات :
يالله يالـي فـوق سبـع السـمـاوات = تفـرج لحـال الـي عصتـه الليالـي
سايرتهـا بسكـات بسكـات بسكـات = واقـول بكـره يصلـح الله حـالـي
ماودي اشكي عنـد عـاذل وشمـات = ولابي علـي النـاس تلقـى مجالـي
اقضي طـوال الليـل نـوح ٍوونـات = والناس ماتـدري عـن الـي جرالـي
صبـرت واستبدلـت قولـي تنهـات = وتسابقـن دمعـات عينـي تـوالـي
عليـك ياحلـم ٍاشـوفـه ولا مــات = رغم الحضـوض النـادرات القلالـي
لك الذي مـا تختلـف فيـه هقـوات = ماتختلـف هقـوة رفـيـق ٍعنـالـي
لا والله اثبت والحـق القـول باثبـات = والقول مـا يثبـت عـزوم الرجالـي
لا والله الى الفعـل والفعـل بالـذات = محـد ٍيقـول المـر يانـاس حـالـي
للطيـب درب وللرخامـه متـاهـات = ويالي بغيـت الطيـب اسمـع مقالـي
صـل الصـلاة واد كـل العـبـادات = واسجد لوجـه الله عزيـز الجلالـي
وللوالديـن حقـوق ذكـرت بالايـات = ياجب عليـك اصغـاااء ثـم امتثالـي
ثـم عقبهـا لاتلحـق النـاس نمـات = اوزن كلامـك يرفعـك فـوق عالـي
ترى لسان الشخص للشخـص مرئـاة = ان اعتـدل عدلـت وان ملـت مالـي
واحرص على وقتك ترى الوقت لافات = تنـدم علـى فوتـه ليـال ٍطـوالـي
لاصـار مـا شيـد شبابـك بنايـات = لاصرت شايب مـا بنيـت العوالـي
شيدلك من الطيب قصـر وعمـارات = تذكربهـا لاصـرت تحـت الرمالـي
اسمع كلام الناس وانضـر للامـوات = واختـر لنفسـك مـا تريـده يقالـي
واحذر ترى للنفس رغبـه وشهـوات = ان طعتهـا راحـت عليـك المعالـي
طـرد الهـوى ذلـه ولافيـه شكـات = يامـا تنـزل مــن (سبايبَه)عـالـي
ولا تلحقك من قلـة الحـال ضيقـات = خلك على ماقال( صـدرك شمالـي)
اضربهـا واحـذر تطيـح بمغـبـاتولات = نفتـن نفسـك بطـرد الريـالـي
واعرف ترى غال الكنـوز القناعـات = من فـاز فيهـا فـاز والفـوز غالـي
ولا تخـوَف مـن نهـايـة بـدايـات = خلك علـى كـل الامـور ارتجالـي
الخوف يرمـي صاحبـه فالهزيـلات = ويثنيه عن كسـب الامـور الجزالـي
الموت مره لاكـن ان خفـت مـرات = والله مـا تمشـي حيـاتـك عـدالـي
خالط جميـع النـاس كـون علاقـات = لا تجلـس لحالـك تصيـر انعزالـي
لاكن بنفس الوقـت ياصـاح هيهـات = تمشي بهواك الناس فـي كـل حالـي
فالناس طيب واكثـر النـاس عيَـات = رافق هـل الطـولات خـل الثعالـي
والجـار كثـر جيتـه والـزيـارات = سيَر تـرى الدنيـى سريعـة زوالـي
فنجال بن وعـود ٍ ازرق وضحكـات = تشيـل هـم الـي همومـه ثقـالـي
مافـات فـات ومـاهـو اتــي ٍ آت = اسمـع كلامـي وافهمـه للتـوالـي
رتـب حياتـك حـط الـك اولويـات = وخطوط حمرى واضحـات ٍ جلالـي
الدين لا ترضى على الديـن خمـلات = هـاك الكـلام الـي يهـز الجبالـي
والله ما ترضـى عليـك الولايـااااات = اليـن تتبـع درب ذيــك المـلالـي
جاهد عـدو الله فـي كـل الاوقـات = بالحـال ولا الـمـال ولا العيـالـي
ثـم الوطـن احيـان تاتيـه حـزات = تبـي رجال(ن)يحملـون الحمـالـي
وقـف بعـزة نفـس قلـه سلامـات = يالمعتدي فالعقـل جـاك اختلالـي؟؟
ثم اقطع الرجعه وقـل جيـت مـوات = والله مـا تفـرح بـيـوم احتـلالـي
هاذي لأهل الطيـب مثـل العلامـات = نضمـت فيهـا كـل كـار ٍ طرالـي
وللطيـب درب وللرخامـه متاهـات = ويالي بغيـت الطيـب طبـق مقالـي
اتـمنى انّــي امــتـعـتـكم فـي هـذا الـمـوضـوع ،، وابـو عـرويـل يـستاهل
[ مــودتــي .. وتــقديــري ../ الــقــرم .., ] 
« آخـــر الـــمـــشـــاركــــات »
21-Jul-2007, 09:27 AM
نـبـذه عـن الـشاعـر / نـايـف ابـن عـرويـل ( الـصـارم ) مـع بعض شـعـره و آرائـه ..
العرض العادي
