في ليلة من ليال الأفراح كانت مضيئة زادها ضوءً وبهجه شفاء الامير بدر بن نايف الضيط والالسن تلهج بالحمد والثناء لله على عودة امير مزحم يكسوه ثوب العافيه ويتمتع بصحة ضافيه .. في تلك الليله أقام الشيخ صنيتان الضيط في منزله في مدينة جده حفل للأمير بدر الضيط بمناسبة شفائه وعودته من رحلته العلاجيه إلى المانيا ونجاح العمليه الجراحيه التي اجراها هناك , حظر الحفل العديد من امراء وشيوخ عتيبه وبعض من اعيان قبيلة عتيبه في الحجاز من ضباط ورجال اعمال ..
يذكر ان الحفل الرئيسي كان في مدينة الرياض وحظره العديد من وجهاء عتيبه ولكن نعتذر عن تغطية الحفل ونقدم لكم هذا الحفل الثاني
حضرالحفل الذي اقيم فالحجاز الشيخ بندر بن نايف بن حميد والشيخ عبدالله بن ضيف الله العبود شيخ قبيلة القثمه والشيخ معجب بن محيا والشيخ ماجد بن شجعان اباالعلا وكيل فوج الشرائع والشيخ مانع ابالعلا والشيخ نايف بن سلطان بن محماس الشغار والشيخ الدكتور فهد العبود وعدد من كبار قبيلة عتيبه حضرو جميعهم مهنين ومباركين بسلامة الامير..
الشيخ محمد العجالين والشيخ معجب بن محيا والشيخ بدر الضيط والشيخ بندر بن حميد
والشيخ ماجد ابالعلا
ايضاً من بين المهنين حظرالشيخ محمد بن سعود العجالين الدوسري احد شيوخ الدواسر وكذالك بن حويل العجمي احد شيوخ العجمان وعدد من وجهاء عتيبه ورواتهم وشعرائهم ورجال الأعمال يتقدمهم متعب بن سلطان العتيبي ومطلق العصيمي وعواض بن سهو وقد حظر جمع من الثعاليه اهل المحاني والفراع يتقدمهم الراوي الشهير صقر بن زايد بن ثعلي الذي امتع الحظور بعدد من القصص لقبيلة عتيبه والشيخ جبرين بن صويلح ورئيس مركز بالأسود فاروق بن ثعلي والعقيد فوزان بن ثعلي وقد حظر الحفل الشاعر سعدون الزراقي الذي شارك بقصيده في الحفل
بدر الضيط وبندر بن حميد وحديث مع صنيتان الضيط
معجب بن محيا وماجد ابا العلا لحظة وصولهم
بدر الضيط وبندر بن حميد
الثاني من اليمين الشيخ جبرين بن صويلح والشيخ ضيف الله العبود شيخ القثمه وفي اقصى اليسار العبود احد شيوخ القثمه ولايحظرني اسمه
من اليمين مانع ابالعلا وفاروق الثعلي رئيس مركز بالأسود والراوي صقر بن زايد بن ثعلي
ويظهر فالمقابل الدكتور عبدالله بن مذكر الدلبحي
الرائد نايف بن سلطان بن محماس الشغار والعقيد فوزان الثعلي
نعتذر عن بقية الصور
وإليكم بعض من القصائد الملقاه في الحفل:
قصيده لرئيس مركز بالأسود / فاروق بن نايف بن ثعلي
بمناسبة شفاء الشيخ / بدر بن نايف الضيط
مرحبا ترحيبة جزله تليـق بمـن حضرهـا=عند ابو فـواز والحفلـه لهـا قيمـه كبيـره
قيمة الحفله من اللـي حطهـا ثـم اعتبرهـا=شكـر لله والله اللـي عمنـا فضلـه وخيـره
مرحبـا عـد الليـال وعـد مابـدي قمرهـا=وياهلا يامرحبا ياضيوفنـا مـن كـل ديـره
ليلة فيها فـرح وسـرور والمولـى عمرهـا=شعت الانوار فيها واشرقـت مثـل الظهيـره
والثنا والشكـر للـي نعمتـه كـلاً شكرهـا=ربنا اللي بالثنـا والفضـل مامعبـود غيـره
يوم ابو بندر رجع من رحلتـه والله سترهـا=رحلة فيهـا الشفـا ياجعلهـا خيـر وخيـره
شيخنا شيخ الشيوخ وعزوتـه كـلا ذكرهـا=منهو اللي ماعرف عمهوج في كـل الجزيـره
سيفنا اللـي نعتزيبـه عـزوة كـلا شهرهـا=وشيخنـا اللـي نقتديبـه فالمهمـات الكبيـره
يوم صولات القبايل والعرب تحمـى ديرهـا=كل ماقاد الجريـره ضيـط ولعهـا سعيـره
ان غزوه القوم كم من غزوة جتـه وكسرهـا=وان غزاله قوم في مرحانهم سـوى حشيـره
بربعه العضيان اهل نمـراً لياخيـل مطرهـا=فوق قـوم حولـت فرسانهـم قـدم المغيـره
كن ضرب الشلف فنحور العـدى ولافزرهـا=ضرب سيل في خشب وادي سنه ماسال غيره
وكن وقع الشرف في روس العدى يوم يحشرها=صوت ربان رعوده زلزلت وامطر صبيـره
دار يحييهـا ليـا جاهـا ودار الله دمـرهـا=وبله الماس الحمر ورعودها حـس الذخيـره
ويوم ابو تركي رفعلـه رايـة والله نصرهـا=اسلمت كل القبايـل ماحـدن يـذي قصيـره
انطفت كل الفتن عقب ان ابو تركـي قبرهـا=الفرس ربطت وراع الكور شاله عـن بعيـره
وحد اطراف الجزيره من بحرها ليـا بحرهـا=الله انه يحفـظ الاسـلام وملـوك الجزيـره
قال ابن ثعلـي تماثيـل قليلـه واختصرهـا=بالنيايه عن ذوي ثعلي وعـن كـل العشيـره
ونحمد الله يوم ابو بنـدر كفـاه الله خطرهـا=ياعسى عمره طويل وعكتـه هـي الاخيـره
والسلام ختـام والدنيـا كفانـا الله ضررهـا=ولية فيها اجتمعنـا فرصـة العمـر النظيـره
وهذه القصيدة للشاعر / سعدون بن سعود الزراقي
سلام ياربعن لكـم بالوفـا سـاس=ولكـم عوايـد بالعلـوم الجزيلـه
مزاحمه بالاصل سـاسً ومغـراس=من لابةً تروي السيـوف الصقيلـه
ليا جا نهار فيـه تشتـد الامـراس=من الهول مايصغي العميل لعميلـه
تعرف موقفكم على قب الافـراس=وبشيل صعبـات الحمـول الثقيلـه
ليا جا العناد وشاهد الراس للـراس=انتم سيوفً مـن سيـوف القبيلـه
أفعالكـم تبقـى للاجيـال نبـراس=في ذكر اهل عمهوج ماهـي قليلـه
مقدمة تنبع مـن ادراك واحسـاس=لاهل الوفا اللي يحتمـون الدخيلـه
وللشيخ بدر اقول تسلـم ولابـاس=الله يمتـع لـك لـيـالً طويـلـه
ياشيـخ ياللـي للمهمـات مدبـاس=تقدم على الصعبات باهون وسيلـه
واضح وضوح الشمس ياشيخ للناس=يابدر ياللي بـدر فـي كـل ليلـه
وصلاة ربي عد ماهـب نسنـاس=على الرسول اللي دعـا للفضيلـه
منقول مع التحيه والسلام.
« آخـــر الـــمـــشـــاركــــات »
06-Jul-2007, 10:59 AM
الحفل الذي أقيم للأمير بدر بن نايف الضيط...بحضور عدداً من شيوخ عتيبه..((يوجد صور))
العرض العادي
