ماقيل عن ( الجنرال ) يوسف العتيبي بعد التأهل

[أبو فيصل]

هذا بعض ماقيل عن الجنرال بعد التأهل من شعراء مختلفين لاتحضرني أسمائهم

يقول الشاعر :

مالوم يوسف يوم ينخا ربعه=ويقول عد يارده كل ضامي
يقول ربعي هم عصابة راسي=قبيلتي هي مسندي وحزامي
والله ما أحلَي مثل فزعة ربعه=ألا إجتياح الموج في تسونامي

أيضا :

فاز العتيبي والعتيبي فايز=من منة الله ماسقط في الراحه
الله يبيض وجه من صوتله=لو ما اعلن اسمه في قناة الواحه
اللي حزامه فاللزوم عتيبه=أقرب عليه الفوز من مسباحه

أيضا :

ياربعي العتبان ماهي غريبة=أنتم تفكون القشر والنشايب
يوسف تأهل ياعتيبه غصيبة=غصبن على الحكام خايب وصايب
رفيقنا له مقدرية وهيبة=وعدونا نركز لقبره نصايب
يالجنة التعتيم حنا عتيبة=الله خلقنا للمصايب مصايب

أيضا :

يطول صبر ولاتطول المسافه=والوقت قاسي والليالي عصيبه
يوسف تحداهم بربعه وقافه=وحول على راس المريخي مصيبه
تحيزم بمن هم على الظالم افه=لاواهني اللي حزامه عتيبه

أيضا :

انا عزوتي ربعي هل السيف والماد=رجال الوفا والطيب واهل الشهامه
ولا ياولد مالك ترى فيـه مقعـاد=نبى ندفن الميت ونحـرق عظامـه

أيضا :

على الحق شدي واعدلي يايد الانصاف =ليا صارت ايدين التحامل على المكشوف
يايوسف تحيزم بالسعد ماعليك اخلاف=مدام الهنادي جرد والصافنات وقوف
وحنا هل الفزعات والفعل والميقاف=بوقت الرخى واللين والا بوقت الخوف
ورثنا الحميا والعوايد من الاسلاف=ولا للعرب منه علينا ولا معروف
وردنا وصدرنا يوم السنين اعجاف=وعفنا يوم شفنا الموارد حلال اضعوف
تبين النوايا السود والا الحمول اخفاف=هواين الليا صارت كذا والعيون اتشوف
هواين وكل اللي على حق شاف وعاف=وعين الحقيقه من صلاله لحد الجوف
قلوب ملونها الحسد والنفوس اضعاف=عطوهم قدر والا لا عارف ولا معروف

أيضا :

ووالله لنأخـذ حقـه بـكـل فــاروق=مـن طبعـنـا مانقـبـل الإنهـزامـه
كم رأس شيخ(ن) من على الكتف محلوق=من كثـر مافـي روسنـا مـن قرامـه
حنـا عتيبـة مجدنـا غيـر ملـحـوق=مـن غابـر الأزمـان ولنـا الزعامـه
حتى إسمنا من طيب الأفعـال مفـروق=والشعـر حنـا اللـي مسكنـا زمامـه
ومادامـنـا بـرقـا ومادامـنـا روق=فالعـز معـنـا لا نـهـار القيـامـه

التوقيع

لا إله إلا أنت سبحانك إني كنت من الظالمين

[حفيد تركي]

الله الله على هذه الابيات الجميله المعبره وشكراااااااااااااااااااااا على هذا النقل يافهد

[(( المقاطي ))]

.

بيض الله وجهك على هذه الدرر



اليوم يايوسف تشوف
تصويت وافين العهد
وان قاموا عتيبه وقوف
عزّي لمقطوع الجهد


بيتين اعجبني لدهام العصيمي في النداوي

[خالدالروقي]

انشهد انكم مخلفت الهقاوي ونحمد الله يوم تاهل يوسف ولاهي غريبه عليكم ياملحقين المخليين والمرجله لو هي بنت ماتعشق الا عتيبي وبيض الله وجيهكم ملييون علا وقفتكم مع ابن عمنا وكلام شليوح العطاوي اثبتوه عتيبه وثابت للابد يوم قال لارحم ابو من صد عن محراافها ولانبي تاخذنا الفرحه وننسى الوقت نبي نجمع اكبر عدد من الاصوات ترى الاصائل ماتحق ا لا بالاخر تكفوووووونن ياربعي كلن يشد احزاامه والسلام ختااااااام خالد الروقي جده

[ابو عمر الخليدي]

شكرا يابن مشيب وبيض الله وجهك

والشكر لله ثم لكل من رشح يوسف
|؛¤ّ,¸¸,ّ¤؛|ووالله |؛¤ّ,¸¸,ّ¤؛|لنأخـذ حقـه بـكـل فــاروق
مـن طبعـنـا مانقـبـل الإنهـزامـه
كم رأس شيخ(ن) من على الكتف محلوق
من كثـر مافـي روسنـا مـن قرامـه



ونتمنى له التوفيق

[نواف العصيمي]

.. صح لسان جميع الشعار

وبيض الله وجهك يابن مشيب وجميع من شارك .. ولك التقدير والإحترام

التوقيع

[الروسان فرسان]

بيض الله وجيهكم وصح لسان قايلها ولسان ناقلها



وفعلا نفتخر كلنا اننا مخلفين الهقاوي << لقب قديم لعتيبه ويتجدد في هذا العصر الحديث


عتيبه والتصويت حر

[الفراهدي نت]

الله يبيض وجهك وصح لسان كل من قال هالابيات الجميله وصدق
][][§¤°^°¤§][][( مادامنا برقا ومادامنا روق ********** فالعز معنا لا نهار القيامه)][][§¤°^°¤§][][

[أبو صقر]

فهد الشيباني الوليد الاسعدي
نواف العصيمي
اشكركم على الابيات وصح لسان كل الشعار


تحيتي........

[فهد النفيعي]

صح لسان جميع الشعار ولا هنت يا الوليد ولا يهون فهد
والف مبروك ليوسف