الرد على اسباب فوز يوسف العتيبي...........زز

[التوم]

السلام عليكم ورحمة الله وبركاته

امسيكم بالخير واستسمح الجميع على راسهم القائمين على هذا المنتدى بل الصرح الزاخر بالمعرفة..............
باني ساجعل ما ساقوله في موضوع خاص ..... لقد قرات في هذا المنتدى التهاني والتبريكات لشاعر يوسف العتيبي والله انكم كفيتوا ووفيتو ولا خليتوا مجال لنا ان ندر ولو اردنا ان نشارك لكانت الكلمات قديمه وقد سبقنا اليها الشباب

وقد انتقلت الى بعض النتديات الاخرى وسمحولي لن اذكر اي منتدى بعينه فوجدت العجب العجاب بتهام اللجنه وسب البرنامج ومن فاز وحتى سب انفسهم بعضهم ببعض كل هذا ما همني ولا يهمكم ............. فما بي من عنصريه ولا تعصب ابد والحق يقوله الرجال ولو على قطع رقبته .......
ولـــــــــــــــــــــــــــكن

هناك من ازعلني واغضبني بقوله ان الشاعر يوسف العتيبي لم يفز إلا بعد ما زهم ( استفزع يعني)ربعه( العتبان)....... وكأننا نا ئمون عنه..............

وانا ارد عليه بكلمات.... وما قل دل وزبدة الهرج نيشان +++ والهرج يكفي صامله من كثيره

اقول صبيان عتيبة يفزعون مع ابناء قبيلتهم ولولم يزهمهم احد ولا ينتظرون ان يزهمهم احد دااااااااااااااائما مستعدين للفزعه ولا هو عذر نتعذربه لبني عمنا انهم ما زهمونا ))

والشاعر يوسف يستاهل الفوز قصائده رجوليه وحماسيه تطرب السامع ومواضيعها جدا جيده بختصار ( ينومس )

[عتيبي النجدي]

هلا والله وغلا بالتوم
والمنتدى معرووف وهذي عادتهم
ولا عليك منهم ولا يهمونك اصلاً عتيبه معطينهم الصالي ووالله وانا اخوك ما هو بحوفهم من اللي يونسونه في كبودهم.
لكن تموت الحيه وسمها في راسها.
وحنا اهل النخوة والفزعة من قديمات الازمان، ووالله لو انه عتيبي من المرريخ لنصوت له.

بس الله الله في القثامي بالتصويت.

تقبل تحياتي

[التوم]

هلا فيك ياخوي عتيبي النجدي

الوعد قدام في القثامي ولد العم نبا نوصل الاثنين العصيمي والقثامي لآخر مقعدين إن شاء الله وبقوته

إن راح المليون (اللقب) لحدهم فهو قريب لنا وعندنا

وشكرا على مرورك الكريم

[mrzok alotaibi]

والله وانا اخوك يزهم ولا مايزهم فازعين له فازعين له

اولا لانه شاعر ويستحقها وقصائده جميله وتطرب السامعين

ثانيا ُ الرجل القائه جميل جميل جدا َ وبشهادة اللجنه وبشاهدت المشاهدين

ثالثا َ واخيرا َ والله ماحنب مخلينه لانه يستاهل وولد عم وقربه الله

[ابن بشار]

يستاهلون

القثامي والعصيمي




الي طلع يوسف للقمة هذه الابيات


ان كان مافاز يوسف يالله الخيره

سلم على نخوت عتيبه وفزعتها

لاكن اليا شب في راس الجبل نيره

للحرب وعتيبه احترت حديدتها

الخصم من فعلها ينزح عن الديره

ينحاش من هيبة الهيلا وسطوتها

والحرب يوسف ولد عاصم ضرب زيره

ويقول لي لابتن تعرف حمولتها

((((((((( والحر تكفيه الاشارة))))))))







وبعد فوز يوسف


علشان يوسف ماحسبت الفواتير

والله مارض للعتيبي غليبه

سلم على قحطان واسحب على مطير

وقفتنا دايم عليهم صعيبه

ياربعي العتبان من دون تفكير

يكفيكم انه من قبيلة عتيبه






ويستاهل كل خير

[التوم]

السلام عليكم ورحمة الله وبركاته

هلا فبك اخوي مرزوق العتيبي وهلا وغلا اخوي ابن بشار على المرور والله اعجني ما كتبتوه وهذا مو غريبه عليكم ..

يا اهل انخوه والحميه

والله يوفق

الشاعر القثامي
و
الشاعر العصيمي

[سلمان الدلبحي]

يستاااااااااااااااه يوسف الفزعه

وقصيدته جميله وتستاهل

والوعد قدام وان شلء الله القثامي يتاهل