المحاوره التي جرت بين الشاعر جارالله السواط والشاعر محمد العضياني

[عمر الدغيلبي]

الشاعر جار الله السواط
يا سلامي عليكم يدري اللي دري ** عد من حج وحرم قاصد ام القرا
الفريق الكبير امره على العسكري ** انتم اجنود وانا مرجع العسكرا
الشاعر محمد العضياني
آنوري ياليالي بالسماء وآسفـري ** مرحبا عد مالاح القمر وآسفـرا
مرحبا يابو بندر من زمن نحتري ** مجلسك في المنصه ما تراجع ورا
الشاعر جار الله السواط
البقا يا مرحب كلمتـن تنطـري ** انت تبغى طريق السيل ولا كـرا
الزمان العور غدار يجري جري ** سرها وين تسري الليل عمك سرا
الشاعر محمد العضياني
ولعي يافتيله بالهواء واسعـري ** دام بعض الاوادم مخطيه ماترا
الزمن مايجري بس راسي جري ** سرها لعنبوها يجري اللي جـرا
الشاعر جار الله السواط
كان تشرون غالي قبلكـم مشتـري ** والمعاني سواه المسـك والعنبـرا
مخبل اللي يحك الضلع با لاضفري ** الجبل ما تضـره حكـة الضفـرا
الشاعر محمد العضياني
غبري فوق قرنك ياهنه غبـري ** طبك اللي تبينه في يدينـي تـرا
مضربي لو ضربته يلتهب مابري ** يبطي الوقت لكن مضربه مابـرا
الشاعر جار الله السواط
يا هنيـه تهنـي بالسهـر واسهـري **صاحب الطير الابرق طيرك الاصفرا
انت متهوم بالتهمـه ولنتـه صـري ** عطني الصدق وان علمتنـي تشكـرا
الشاعر محمد العضياني
ياصميل ٍ تفتق مـن زمـن منفـري ** كل ماجيت اصكه.. انفتـح وانفـرا
انت شايب واعذرك بس لحمك طري ** مير ثبت عضامك لو بقوطي غـرا
الشاعر جار الله السواط
يا شباب البلوت اللي ذبحها الهري ** اسكنوا فالبيوت اللي بليا ذرا
انشد الناس عني شبت وموقري ** شايبن محترم معروف وموقرا
الشااعر محمد العضياني
قام خطك يقطع ضاع ماينقـري ** كاتب الضبط عيا خطكم ينقـرا
اعتزل يالدعيع واشتغل سمسري **طاح كرتك قديم.. وآندفن بالثرا
الشاعر جار الله السواط
المطر في سحابه وامطر الماطري ** يوم لاحت بروقه والخيال امطرا
ما تو اهل الشعر يا ربنا تغفري ** والنقض والفتل معدوم ما يذكرا
الشاعر محمد العضياني
ويش عذر البليد وحجة المفتري ** يالله اني دخيلك من غشيـم ٍ زرا
ليا سكبت القوافي كنها السكري ** يوم اهندس بيوتي وزن بالمسطرا
الشاعر جار الله السواط
ما فترانا على اعمى قلب ما يبصري ** يوم غنت سميره يضحك الاسمرا
خذ سوالف عوارف جتك من خاطري ** لي مقاصد خطيره والخطر يخطرا
الشاعر محمد العضياني
لاتـرد السوالـف ينفتـح دفـتـري ** وانت خابر بيوت ٍ في حجاها اخشرا
ويش يقول العسيري في ظنا الاسمري ** حط بيـت ٍ مشيـد للعـرب منبـرا
الشاعر جار الله السواط
لا تكبر على اكبر منك يالمعسري ** في عيونك كبير وعندنا تصغرا
قالوا انك تدور لابس الغندري ** العذر مقبله لو كان تتعذرا
الشاعر محمد العضياني
يازحل مانت قدي اسمع المشتري ** الله اقوى على ابليس العور واكبرا
ياذلولي مكانك نوخـي واقهـري ** لاح نور الصباح وشمسها تجهرا



للذمه منقول من منتدى قبيلة العتبان الرسمي من تنزيل الاخ شبيب الدعجاني

[ابن نميان]

ابن حويفر مجهود تشكر عليه ونقل موفق


مودتي لك

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[عمر الدغيلبي]

الله يسلمك يا ابن نميان ومن طيبك

[الشايب]

الله يعطيك العافيه يابن حويفر

[عمر الدغيلبي]

الله يعافيك