قصيدة تعبر عن نفسها للشاعر /سعود العصيمي

[سعود العصيمي]

اخواني اعضاء منتدى الهيلا والمشرفين على قصايد الاعضاء حبيت اشارككم بهذه القصيدة

هجوسي معودها على رفع راسي فوق = في أمورٍ كثيره لو عصتني مااطاوعها
ولاأرضا الاهانه والتماته من المخلوق = واذاني للهراج ماأرخي مسامعها
ولاأخذ كلام(ن) مصدرٍه ماهو ابموثوق = واحاول وراجع كلمتي قبل اطلعها
واعرف القلوب السود من مبتدأ المنطوق = ومن بيني وبينه علاقات اقطعها
وقوم الردى والبوق مايتركون البوق = ومن سابق الايام نعرف طبايعها
واسيّر قدم رجلي مع خالي الرقروق = واعرف المدينة ماجهلت بشوارعها
ولن دق هاجوس المعاني على الطاروق= اجيب احسن الامثال واكب ظايعها
اساير زمان(ن) دمي اصبح منه محروق = واشوف الشدايد والهوايل واصارعها
زمان مضى حالي وكنه حليب النوق = عيوني على فرقاه تذرف مدامعها
وقلبي ليامنه طراله يشوقه شوق = ولو اقدر بترجيع الايام ارجعها
ودار الفلك بامر الله ولا بقي معلوق= تنحّت ركاب الوقت واصحابها معها
ولازال باقي في سمانا تلوح بروق = مخايل تخيّل والهبايب دوافعها
واحد شرب كأس المر واحد(ن) يذوقه ذوق = واحد كل كيسان الحلاوه مقرطعها

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.