المعنى البقمي..رشيد الزلامي

[الوليد العتيبي]

احدى المحاورات اللتى جرت في مدينة تربة بين الشاعر المرحوم باذن اللة سعد بن نايف المعنى البقمي
والشاعر المحبوب رشيد الزلامي

وكان من ضمن الحضور المرحوم باذن اللة مطلق الثبيتي والشاعر الكبير العلم محمد ابن جرشان البقمي احد عمالقة شعر المحاورة..... ولقد بد الزلامي







الزلامي

ياسلامي وانا طرقي واحث المطية
نجد قدمي وحضن عصر باق خلافي

يوم جينا بدار اهل الكرم والحمية
ودنا كيف صافي من حلوق المصافي

المعنى

مرحبا ياصديق مايحب الخطية
ماعرفنا البيان ولاعرفنا الخوافي

يوم جيتوا وجينا والمطر يم لية
مر تمشى جنوب ومر تمشي خلافي

الزلامي

بين عيد رمضان وبين عيد الضحية
ودي امزح واغني زال ماشاب قافي

المعنى رفيقي من هذيك السنية
مير طال الزمان وصار فية اختلافي

المعنى
الليالي تراها عودت جاهلية
خبروا وين راح العام صقر النصافي

المطر يوم خيل فية وبل ابردية
ناطلين البشوت ولابسين اللحافي

الزلامي
ذمتي منك يالشيخ المعنى برية
مير بعض السوالف لفها باللفافي

وين ادور ذهيبي ياللة اخلف علية
اثر ماضاع في بعض الدير ما يشافي

المعنى
كلت راس الخروف وكلت تمر السرية
كان جايك حريقة طق باب المطافي

جاهل ماعرفت العلة الباطنية
لاعرفت الخبيث ولاعرفت النظافي

الزلامي
ماحصل حاجة للفرد والبندقية
خلها عند تال البل حم الشعافي

وراجع المحكمة حتى تحل القضية
وابلع الصبر حتى تاخذ الحق وافي

المعنى
لاتطق الضعيف ولاتقود السرية
وان عجزتوا تردون الخبر للسنافي

عام الاول خويك لية يذبح خوية
يوم شفت الركايب كلوبهن مقافي

الزلامي
يوم وقنا براس الرجم عصر العشية
شفت جرة حرامي ماذهبتها السوافي

خيلت وامطرت من مزنة عقربية
مير قولوا ليا هبت عساها عوافي