السلام عليكم ورحمة الله وبركاته
قصيده / لجابر هايف العتيبي
لان هذا هو المكان الصحيح اللي مفروض تنزل فيه قصائد ابناء القبيله وانا ان شاءالله راح اكون حريص على قصائد جابر بالذات ونقلها في هذا القسم ان شاءالله
أتمنى انها تعجبكم
وخير أشصار أذا رحتـي ودرب الكلـب عـ. القصـاب=مصيـرك راجعـه مـع درب ودّى غـيـرك وجـابـه
شنـو يعنـي أذا رحتـي مـن كـذاب إلــى كــذاب=شنـو يعـنـي وغـيـر الكـاذبـه ألفـيـن كـذابـه
على فكـره تـرى النصـاب ماينصـب علـى نصـاب=وكـل بنـت ٍ بهالدنـيـا تـقـول أحــب نصـابـه
أنا مانـي غشيـم أحـط أيـدي فـي جحـر هالـداب=وصعبـه مرتيـن ألـدغ بهـذا الجحـر ومـن دابــه
صحيح أنـي هـواوي وأعتـرف أنـي قتيـل أهـداب=ولكـن مـن ذبحـنـي بالـهـدب نتـفـت أهـدابـه
أنا لا " أنكر أني " ( حلوه ) .. " لاأنكر" صح .؟ يالله آب=خطـا .. معلـش فـي هالبيـت عـذرًا ننهـي أبآبـه
وصلنا وين .. ؟ هواوي ..صح !؟ أنا هاوي ولي أحباب=صبـر آسـف مـو أحبـاب .. كـذا وحـده ولعـابـه
وأنـا برضـو علـى الحبليـن متمـيـز بهالألـعـاب=وأخـذت المركـز الأول عـلـى هالجـيـل بالعـابـه
أمشيهـم علـى كيفـي وأخليـهـا ذهــاب أيــاب=ومـن يذهـب علـى كيفـي أحـدد موعـد .. أيابـه
أنـا كنـت المعلـم وأشـرح أدروســي لهالـطـلاب=وصـرت الـرمـز للتـدريـس وللتعلـيـم وطـلابـه
مدام أن البشـر مـن طيـن أو خلنـا نقـول أتـراب=أنـا مـن جيـت للدنـيـا أدوس الطـيـن وتـرابـه
أنا عايش علـى هـالأرض ولافيهـا حسبـت أحسـاب=وربي من أنخلـق لليـوم شخـص ٍ أحسـب أحسابـه
ولكن .. آه .. يا .. لكـن وكـل شـي ٍ ولـه أسبـاب=وأنا حظي عطانـي " كـف " وكـان العشـق أسبابـه
غلط مني .. عشقت وجيت أشيل من الضلـوع أحطـاب=مدام اللـي كسـرت صـدري معاهـا فـاس وحطابـه
خذت قلبي .. مـن ضلوعـي وصـاح الذنـب للتـواب=ياربـي أغفـر ذنوبـي .. ونفـس السـوء تـوابـه
سرجت من الوفا .. مهـره وطاحـت وأنكسـر ركـاب=وهـم قالـو وعلـى ماقيـل يعـرف الخيـل ركـابـه
وأنـا خيـال أبـن خيـال وراس الخيـل منـي شـاب=علـى ظهـر الأصايـل .. ماتركـت السيـف بجرابـه
ولكـن الزمـن خايـن وانـا ويـا الزمـان أصحـاب=غدربي .. وليه يغدربي !!؟ .. وكنـت أعـز أصحابـه
يبينـي لقمـة ٍ سهلـه علـى المـخـلاب والأنـيـاب=وقيـل " أن لـم تكـن ذئبًـا بتاكـل لحمـك .. ذيابـه
وانا ماني عشى للذيب .. أنا اللـي قـد أكلـت أذيـاب=عليـه تشهـد أنجـوم السمـا والضـلـع ومرقـابـه
وأذا كان الزمن مبسوط !! .. قبلـه مافرحـت أشنـاب=ومن يطـرق لبـاب النـاس .. تطـرق العـرب بابـه
أنا ماجيت هـي جتنـي .. وقالـت أعشقـك بأعجـاب=وأنـا كلـي فخـر بالشعـر والجمـهـور وأعجـابـه
وقامت تحكـي وتحكـي وانـا واقـف بـلا أستيعـاب=وأراقـب عينهـا وشفاتهـا الـلـي حـيـل جـذابـه
وتسألنـي " وأتمتـم " بالحكـي مـدري لسـانـي ذاب=وحلقـي ضـاع وحنجرتـي تخنـق الصـوت مرتابـه
هنـا كانـت بـدايـات الـغـلا للمظـهـر الـجـذاب=خدعنـي شكلـهـا رغــم أن هالأشـكـال تتشـابـه
غلطت وجيت من أقصاي .. وخانتني بعـذر .. أغيـاب=تقـول اللـي يغيـب أحـاول أتسـلا عـن أغيـابـه
وقالت الوفـا .. " للكلـب " وحنـا لانصيـر " أكـلاب"=وهـي كلبـه وبنـت الكلـب خانتنـي مــع كـلابـه
وذكـرت الكلمـه اللـي قالهـا مـره لـي " البـواب"=تـرى كـل النسـاء أتخـون " وأحـذر " منهـم يابـه
وخير أشصار لوطـارت وباقـي فـي سمـاي أسـراب=وراحـت قبـل لتعـشـى بـهـا لغـيـري تغـدابـه
شعار الحب " هات وخـذ " وأنـا مـن ياخـذ ولاجـاب=بعكس العكس " أخذ وهـات " أخـاف أعطيـه وأبلابـه
حسافـه هالقصيـده فـي " غبيـه " مالهـا أعــراب=وأنـا للشعـر فـي عينـي مكـان ٍ يصعـب أعرابـه
قلبـت الطاولـه فـوق الكـراسـي وروس هالكـتـاب=وخليـت الشعـر يعـرف مــدى قــدرات كتـابـه
أمانـه لارحلـت .. وصـارت أحروفـي هنـا أغـراب=أبـي واحـد .. يـردد قصـة " العصفـور والغـابـه
« آخـــر الـــمـــشـــاركــــات »
09-Jan-2006, 06:55 PM
@@ نصــــابه @@ لجابر هايف العتيبي
العرض العادي
