مجموعه قصائد للشاعر / ذعار عوض العصيمي

[عاشق نفود السر]

الشاعر / ذعار عوض العصيمي

يانـاس مـالـي فالـغـزل ودروبــهأعلنـت مـن هـاذا المكـان التوبـه

لـو يعتـرض عنـق المهـا قـدامـيوالله مـاعـاد الــد عيـنـي صـوبـه

ولا عــاد يجذبـنـي بحـلـو أخـلاقـهوبهرجـتـه وبضحـكـتـه وأسـلـوبـه

أخشى مـن المنقـود ومـن الزلـهومن غلطهٍ تبقـى علـي محسوبـه

جنبـت عـن درب الهـوى بالـمـرهوالعيـن مـن يـم البنـي محجـوبـه

خلـيـت درب الـحــب ومعـانـاتـهلـلـي يـادوبــه فالمـحـبـه دوبـــه

الـلـيـل كـلــه مـشـغـلٍ جــوالــهويقـول أدورلــي عـلـى محبـوبـه

والعصر في سوق النساء متمركزيـعـدل شمـاغـه وكـــاويٍ ثـوبــه

ماهو بمثلـي غـارق ٍ فـي همومـيكنـي علـى ماقيـل فــي غيبـوبـه

يـوم أتمـعـن فالـزمـن وصـدوفـهوأيامـه اللـي بالقسـى مصحـوبـه

أقـول يانفسـي وأخاطـب نفسـيدنـيـا الـشـقـى نيـاتـهـا مقـلـوبـه

تــدرج رحـاهـا بـيـن يــوم وليـلـهوفيهـا لصاحيـن العقـول أعجوبـه

مـيـر الفطـيـن الـلـي يـلـد لـربـهويطلب مـن المولـى يغفـر ذنوبـه

وخـتــامــهــا يالله لاتـخــذلــنــاوأفتـح لنـا بـاب الـفـرج والتـوبـه

كـريـم يـابــرقٍ سـرالــه رفـاريــفجـعـلـه عـلــى دارٍ عـيـونـي تـــوده

وجعله بشاره خير في مقدم الصيفونـهـار غـبـه كــل طـرقــي يـعــده

ينثـر ثعولـه فـوق هـاك الشفاشيـفاللـي لهـا عـن شوفـه السيـل مــده

طاريه يسعدني وأنا مع هـل السيـفوقلـبـي وعيـنـي يـابـو نــواف قــده

شوفه يعوض بشوف باريس وجنيفويـعـوض فالـدمـام عـنـدي وجـــده

أنا أسهمـي وتجارتـي شوفـه الريـفوممشـاً مـع البـدوان قامـه وشــده

مسـتـور حــال ولا علـيـه تخـالـيـفوماجـاء مـن المعبـود ماعنـه صـده

شفقٍ على فرقـا البحـر والمجاديـفعـيـدي إلا فـارقـت جــزره ومـــده

هوايتـي مـبـداً بــروس المشـاريـفومـد النظـر فــي سهـلـهٍ مجـرهـده

وباقي الحياه رقاد وأكـل وسواليـفجـنــه ضـعـيـفٍ لازمـــه مـايـسـده

ماكلفـه وقـتـه مــن الـهـم تكلـيـفيضـح الضحـى هـو ماتعـدى المخـده

هـذا وأنـا ماصنـف النـاس تصنـيـفمن طاب طيبـه طيـب خالـه وجـده

ياأهـل الجمايـل طيبـيـن المواقـيـفقـد قيـل علـمٍ تستـحـي مـنـه بــده

ساعـه بنـات الفكـر جنـي مـراديـفلديـت فـي بـعـض المواضـيـع لــده

اللـي تبـي شـرحٍ مفـصـل وتعـريـفمـربـوطــهٍ مـابــيــن هــاتـــه ووده

تـمـت ويالله يامـكـاف الـصـواديـفعسـى الـلـي نبـنـي وقتـنـا مايـهـده

ياعزام كيف أدله وأسولف وكيف أرتاحوأنا فـي ضميـري كلمـهٍ ماهرجـت بهـا

أجامل وأكافح وأدري أن الحيـاه كفـاحوأنــا ماكسـبـت ألا مـــراره متاعـبـهـا

خذتني على ماتشتهي ليـن عمـري راحسنيـن الصـبـا عـنـي تقـافـت ركايبـهـا

رسوم الكبر في لحيتـي شيبهـا فضـاحنصفهـا والآخـر فالنـواصـي يـلـوح بـهـا

والأيـام تلعـبـي بيـدهـا كـمـا المسـبـاحوأنــا والله أنــي خـايـفٍ مــن تلاعبـهـا

ثلاثين عام الهـم عـن خاطـري مانـزاحهذا اللي كسبـت مـن الحيـاه وتجاربهـا

[عايض جزاء العصيمي]

صح لسانه

ولاهنت على النقل والاختيار المميز


قصائد رائعه

[محمد الذيابـــي]

مشكوووووووور يالغالي...

التوقيع

التوقيع محمد الذيابـــي

[فايز العصيمي]

صح لسااااااانه ولساااااااانك


شااااااااعر صااااااادق رااااااااائع


الله يستر عليه

[عاشق نفود السر]

مشكورين على ردودكم