ناصر المظيبري وحجاج المهيمزي حفل الضلع

[عبدالله العايضي]

السلام عليكم ورحمة الله وبركااته انقل لكم طااروق الشاعرين حجااج المهيمزي والشاعر ناصر المظيبري

اتمنى ان تضعووو انتقاداتكم ورائكم لهذا الطاروق والشاعر المتفوق بهذا الطاروق وافضل بيت بالطااروق

ناااصر المظيبري
مرحبا والله يحيكم على عز ومعزه=بسم ابو رشدان واخوانه رفيعين المقامي
صاحبي حجاج شاعر كل هاجوسٍ يفزه=العبو ياصفوف ابن مدله وغنو بنتظامي


حجاج المهيمزي
البقا والله يبارك بالعرب في كل حزه=اهل الفعل المسمى والفشق وسط الحزامي
ان وقف حجاج من وقفته جت بالارض هزه=وان حطب للنار ناصر شعلته برد وسلامي

ناصر المظيبري
يافلسطين الكبيره مع حماس وفتح غزه=والله اني ماتريح لين البسها وسامي
ان وقف حجاج قالو ياماشالله رجل رزه=واللميعي مايهمه هرج من راس الغلامي


حجاج المهيمزي
والله ان المسجد الاقصى عن الهزله منزه=لو تحاول تبعث الفتنه خفافيش الظلامي
وقفتي وقفت فخر ومخاصم وهيبه وعزه=كان ماتقدر تخاصم وقفتي لاتقف امامي


ناصر المظيبري
انت طشت وضعت مير الدرب قز الدرب قزه=يمكن انك تفهم اللي يقصده شيخ الجهامي
يابو قايم صاحبك ماكل ورعٍ يستفزه=مير ورعٍ مايعرف اللي نقوله مايلامي


حجاج المهيمزي
راسملك ريش حر وتحسبنه ريش وزه=مانلومك ماتعرف الرسم باللوح الرخامي
قمت تستفزع ولد قايم وفي عينك تخزه=كل هذا خوف والربع اثبتو صحت كلامي


ناصر المظيبري
انت ترسم مير رسمك قدم ابن ذيخان جزه=لجل اقول اللي معي شاعر واكنله احترامي
ياولد مدله علمنا من عصر قدمك نغزه=حطها فوق العلم رايتك يالحر القطامي


حجاج المهيمزي
ماجنى الفلاح من وقته تعب قمحه ورزه=والندامه والقهر واضح مثل بدر التمامي


اتمنى ان يعجبكم طرحي

[االفيصل]

مشكـــــــــــور على النقل


وصحت الســن الشاعريــــن

[عبدالله العايضي]

الله يرضالي عليكم ياجماعه مشكوور ع النقل مانبي نبي الفايده والاراء

[مهجرس]

صح لسان الشاعرين و مشكور ع النقل

حقيقة محاورة رااائعة بين الشاعرين

[محمد بن سمار الحنان]

محاوره طيبه

وانا اشوف حجاج بيوته اجزل ومسموته

تسلم يمينك

[قاسي العتيبي]

بيت حجاج فيه الشطر الأول مكسور كسر شنيع

ان وقف حجاج من وقفته جت بالارض هزه=وان حطب للنار ناصر شعلته برد وسلامي

على العموم محاورتهم عادية و لا زالوا في بداياتهم والله يكون في عونهم

[عبدالله العايضي]

اخي قاشي العتيبي مالك لوى البيت لايوجد فيه كسر
ان كنت تتكلم عن جهاله الصمت حكمه في بعض الامور وبيني وبينك شعراء هذا الصرح الشامخ ننتظر التصحيح منهم وشكرا

[قاسي العتيبي]

المشاركة الأصلية كتبت بواسطة عبدالله العايضي

اخي قاشي العتيبي مالك لوى البيت لايوجد فيه كسر
ان كنت تتكلم عن جهاله الصمت حكمه في بعض الامور وبيني وبينك شعراء هذا الصرح الشامخ ننتظر التصحيح منهم وشكرا

أنت طلبت من أعضاء المنتدى الرأي وأنا أعطيتك رأيي بأن الشطر الأول من بيت حجاج الذي وضحته أعلاه مكسور كسر فادح هذا رأيي قبلته زين
ماقبلته والله ماعندي استعداد أجبرك على رأيي بالقوة
وبعدين عيب عليك تطلب أراء الرياجيل وبعدها تقول اصمتوا وهذا ليس من شيم الرجال

[عبدالله العايضي]

يااخي العزيز انا طلبت النقد البنااء وانت الله يرضالي عليك نقدك للبيت خطأ واذا كان البيت مكسووور بيني وبينك الاخواان وعلى ماتشهدوون اذا كاان البيت مكسوور ماانزل موضوع لاني ماعندي سالفه واطلب من الاخوان افادة اخونا قاسي والساكت عن الحق شيطان اخرس واسلووبك مع احترامي الشديد لايجوووز لاصحاب العقوووول من البدااايه

وشكرا

[محمد بن سمار الحنان]

قاسي ماغلط البيت مكسور

لكن يجوز النقل سبب كسر

ماهو معقول البيوت موزونه وشطر مكسور

اكيد عندك غلط مطبعي اتوقع ذلك