المصافحه الاولى ..الدويله..

[محمد المرشدي]

السلام عليكم ورحمة الله وبركاته

اول شي مبارك عليكم الشهر


ثاني شي هاذي اول قصيده لي اكتبها فالمنتدى ان شاء الله تعجبكم


والله الله بالنقد الهادف


بسم الله

فوق السحاب اللي جلى تالي عصير=يم الغروب اللي يزبن دخيله
اشتالت المزنه من القلب تعبير=يكفي لشرح الماضي اللي تخيله
عين الغضي يوم الليالي معاسير=وغيابه ادمى الجرح وادمى خليله
تعبير فيه الصدق واقع وتصوير=وفيه المراره كنها الحنظليله
واقع غيابك يجرح الصمت ويثير=ياللي ملكت القلب مافيك حيله
عليك من كل النسايم مداوير=وعليك من كل الاحاسيس ميله
وقتٍ مضى يوم الركايب مدابير=عرفت وش خانة غلاك وحصيله
اقفيت عني ماتركت اي تعبير=يجبر عزاي ومن عناي اشتكي له
وشفت بسماي الطير ماغرد الطير=وعادته يصدح باللحون الجميله
والدلو قلبي مالقا اليوم له بير=يروي بماه ضلوع صدرٍ نحيله
واقفت ضلوعي من شقاها مصادير=تروى شقى من عقب روي المخيله
وجفت على البيداء جميع المخاضير=والحزن ساد الدوله اقصد دويله
عمرتها من طوب الامال تعمير=واخفيتها لاجلك سنينٍ طويله
سكنت واسكنت الطيوف المسايير=والحكم حكمك والشريعه جليله
لاغبت يالحاكم ترى الوضع بيصير=كغياب عبدالله عن الدار ليله
يسود حزن الدار حتى العصافير=ويفقد جميع الشعب صوته وحيله
مايقدر العاشق سهوم المقادير=يمكن عن الارض البسيطه تزيله

وسلامتكم

محمد الخذامي المرشدي

آخر تعديل محمد المرشدي يوم 04-Aug-2011 في 12:50 AM.