انا بن روق

[بارووود]

يقول الشاعر الحميداني ( خفيف نفس اليا تلقيت خطار ** شيال كبر بمجلس ٍ فيه مغرور )

عندما يتغطرس التافه بأفعال اجداده امام من هم اثقل منه وزن وفعل ولكن

يمنعهم تواضعهم احترام للغير !! اقول له ( نزل الناس منازلهم ) ...

سلام الله على منهو نشدني والحقوق حقوق

يقول انته وش اخبارك وهو يدري عن اخباري

يعلمني عن علومه وهو عارف قليل الذوق

بأني ملتفت يمه ولا . قد جبت له طاري

على مهلك . ترا ثوب ٍ لبسته كل ابوه شقوق

اشوف ولكن اجامل واقول الستر وآداري

ولا ظلم واحد ٍ كوده ظلمني والله اللي فوق

كفيل ٍ يردع الظالم وياخذ لي منه ثاري

اصد ولاعترض مثلك على السكه اسوقه سوق

اقطعبه مشاريه الكلام . وحشمة وجاري

انا لامن ذكرت اني من عتابه وانا بن روق

من الطنخه آبا سلم على الريجيل بيساري

بارووود

[غالب الذيابي]

:
:
:


والله يابارود وش اقول لك ،، انت استشهدت ببيت فلاح لكن ماوضحت موقفك من البيت

المقدمة مبهمة شوي ، مدري البيت جازلك والا ما استحسنته؟..

ثانياً ، قصيدتك طيبة لولا البيت الاخير مايليق من عتيبي .. يمكن خانك التعبير

والا اقنعنا ليه تسلم على الريجيل بيسارك؟.

اتمنى ان تاخذ ردي بروح رياضية..
:
:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[بارووود]

المشاركة الأصلية كتبت بواسطة غالب الذيابي

:
:
:


والله يابارود وش اقول لك ،، انت استشهدت ببيت فلاح لكن ماوضحت موقفك من البيت

المقدمة مبهمة شوي ، مدري البيت جازلك والا ما استحسنته؟..

ثانياً ، قصيدتك طيبة لولا البيت الاخير مايليق من عتيبي .. يمكن خانك التعبير

والا اقنعنا ليه تسلم على الريجيل بيسارك؟.

اتمنى ان تاخذ ردي بروح رياضية..
:
:
:
:
:

يعلم الله ياغالب ان وجودك في صفحتي اسعدني كثير واثلج صدري

لانك جميل حتى في نقدك ورائع في اسلوب طرحك ومناقشتك ..

بالنسبة للشاعر فلاح انا احترمه واعشق مايكتبه لدرجة مماثلة مايقوله

وحالنا وعاداتنا وتصرفاتنا الحياتيه , واستشهادي ببيته المشهور دليل

على استحساني لبيته والانصياع بما يردده لسانه العذب وفكره الخصب

وبما انه قال يجب على الرجل ان يكون متواضع وخادم لضيوفه ومن لهم حق عليه

من كرام الرجال يجب ان يكون الرجل مغرور ومتعالي امام من يحاول ان يتغطرس

او يتكبر على من هم امامه ليعلم المغرور بأن الرجل الغير محترم ليس له وجود

في حضرت الرجال المحترمين .. اما بالنسبة للسلام باليد اليسرى فهو وصف مبالغ فيه

ويعتبر درس وتحقير لفئة معينه من الناس الذين لايرون سوى انفسهم او من يحبون

ويهظمون حق من له حق في التقدير والاحترام والابتداء ....

اخوي الغالي غالب ارجو ان تكون الصوره قد وضحت , والله يبارك في هالابيات التي

خلتك تمر من هنا ولم اجد بعدك الا ريح العود الازرق والهيل ...


بارووود

[نواف الشيباني]

باروووود قصيدتك طيبه

وكلام غالب صحيح ,,,



احترامي,,,

[بارووود]

المشاركة الأصلية كتبت بواسطة نواف الشيباني+

باروووود قصيدتك طيبه

وكلام غالب صحيح ,,,



احترامي,,,

الصحيح ماهو كلام غالب ولا كلام بارووود خلهم عنك

الصحيح والله مرورك يابن مشيب اللي شرفني ونبت ضلع في صدري

عساني ماخلا ولا عدم ....


بارووود