قصيدة للشاعر خلف بن سالم بن مزعل الأسعدي العتيبي من أهالي بقعاء
القاها في أحتفال واجتماع الأساعده السنوي
والمقام هذه السنه بمدينة رهاط في يوم الاربعاء 29/2 / 1432هـ
باسم الله الوالي عليه إتكلنا= أوباسمه عقدنا العزم وباسمه مشينا
من جال بقعاء للجنوب إقتبلنا= وميميين الوجة اللي نوينا
للديرة اللي ما بعرفه جَهَلْنا= محفوظ اسمه من قديم السنينا
الديرة اللي حدروا منها أهلنا= معروفة لو ما لأرضه وطينا
نفخر بها دايم إليا من سئلنا= أوبه نعتزي لا من تعزوى حدينا
أونقول من جاله بعزٍ نزلنا= مثل الخيال الي ربابه غشينا
منها تحدرنا وسقنا جملنا= نرعى قفاقيف الفلا مرتعينا
بين العرب بالعز صلنا وجلنا= أولعدود نجد الصافية شاربينا
أوسقنا الضعن حتى بقعاء حللنا= جيناه لا ساكن ولا ساكنينا
جاه وتقدم واستحله بطلنا= سعد بن حتروش ذرب اليمينا
اسس بها بنيان أوغرس نخلنا= أومنها توزوا والملا عارفينا
ما دوَّن التاريخ ما عنه علنا= أو بين القبايل ما ذكر مثبتينا
يشهد لنا التاريخ من يوم جلنا= أو مسيرنا معروف يا الغانمينا
واليوم طاب الفال في محتفلنا= جينا لكم زوار ومسلمينا
جينا لكم تشريف حبٍ واملنا= حبل المواصل بيننا لا يلينا
أنتم لنا أخوان ومنكم أصلنا= نفخر بدعوتكم نجي لا دعينا
نجي لداعيكم ونترك عملنا= لأعمالنا من شانكم مجلينا
العمر يمضي والله أعلم بأجلنا= ومن لا أغتنم فرصات عمره حزينا
الفعل لا قال المسولف فعلنا= ما يدركه يا كود عقل رزينا
يلزم علينا الشكر للي شملنا= بالأمن والإيمان له طالبينا
وإنه يجمل قولنا يوم قلنا= أو يجعله مقبولٍ من السامعينا
ويديم حكمٍ بالرعاية كفلنا= وأمن لنا أمنٍ وأمانٍ ودينا
ونقول يالله استجب لإبتهلنا= احفظ ملكنا قايد المسلمينا
وإحفظ حكومتنا وأغفر زللنا= وأمن وطنا من بلا الطامعينا
وصلوا على الهادي بهديه عدلنا= نبينا المعصوم عن كل شينا
« آخـــر الـــمـــشـــاركــــات »
07-Feb-2011, 02:51 AM
قصيدة خلف سالم الأسعدي في اجتماع الاساعده
العرض العادي
