الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات العامة > منتدى مزاين أم رقيبة1433-1434

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 04-Jan-2011, 04:29 PM رقم المشاركة : 1
معلومات العضو
ابو فايح
مشـرف عام
إحصائية العضو






التوقيت


ابو فايح غير متواجد حالياً

إرسال رسالة عبر مراسل MSN إلى ابو فايح
افتراضي 1432-شعراء الهيلا عتيبه والابداع بمناسبة الفوز بأغلب جوائز المؤحد

بسم الله الرحمن الرحيم

جائزة الملك عبد العزيز لمزاين الإبل

تعتبر جائزة الملك عبد العزيز طيب الله ثراه لمزايين الإبل أكبر جائزة تقام في مزاين الإبل على مستوى العالم وقد تصدرت هذه
الجائزة جميع المسابقات وأخذت اسما عالميا على مستوى العالم لما تحمله من اسم الملك عبد العزيز رحمه الله
حيث أن الإبل لها مكانتها في الإسلام وأتى ذكرها عدة مرات في القرآن
قال تعالى ( أفلا ينظرون إلى الأبل كيف خلقت)..
والإبل قد أخذت مكانتها في عصر الإسلام
حيث كان لها دورها في الفتوحات الإسلامية فقد كانت هي التي تنقل الجنود والأسلحة والإمدادات من ماء وغذاء وغيره
وارتبطت مع العرب ارتباطا وثيقا وكانت أغلى ما يملكه العرب كما لها دور في جيوش مؤسس وموحد هذه
البلاد الملك عبد العزيز – رحمه الله –
وتغيرت وسائل النقل وأتت القطارات والطائرات والسيارات ولكن ولاة الأمر في هذه البلاد حفظهم الله
حفظوا مكانة الإبل واهتموا بها والتي ورثــوها من والــدهــم المؤسس ـ طيب الله ثراه ـ
بدأوا يــعـتـنـون بالإبـل مـن مـخـتـلـف الأنـواع،
وبــرزت الجهود واضحة كبيرة في دعم ورعاية من صاحب السمو الملــــكي الأمير مشعل بن عبد العزيز -حفظه الله-
من خلال حرصه على إقامة مهرجان جائزة الملك عبد العزيز لمزاين الإبـل في أم رقـيـبـة للسنة العاشرة على التوالي
الذي يسهم بشـكـل فـاعـــل في تحقيق الوحدة الوطنية بعيدا عن النعرات والعصبيات باعتباره يــمـثـل رمـزا للـوحـدة الـحـقـيـقـيـة الـتي أسسها الملك عبد العزيز ـ رحـمـه الله
ـ بتـوحـيـد الأرض والإنـــســـان تـحــت رايـــة الـتـوحــيـــد،
وتــحــقــيــق الائـتــلاف ووحــدة الـكلمة والصف بعيدا عن التفكك ،
كـمـا أن ارتباط المـســابــقــة بـــــاسم الملك عبد العزيز له دلالات تؤكد المبدأ الذي سار عليه أبناؤه في كل شؤون الحياة.
وأخذت هذه المسابقة التنافس الشريف وأصبحت المسابقة تضم أبناء هذا الوطن كاملا وأصبح أبناء المملكة يهتمون
بالإبل وكلا منهم يريد أن يضفر بجوائز هذه المسابقة وكان نصيب أبناء قبيلة عتيبه هذا العام 1432 هـ 42 جائزة
وبعد الحصول على هذا الكم الهائل من جوائز الملك عبد العزيز ابتهج شعار عتيبه الهيلا بهذه المناسبة وكلا منهم
عبر عن مشاعره بالقصائد الآتية :-






شاعر الهيلا / زبن القاضي
هجوسي فالزوم الازمه ماتخلف الميعاد=ولاقط اخلفت ميعادها في ذمتي ذمه
اوردها على هداج تيماء ساعة الميراد=ولاتصدر من العد القراح الا على القمه
على قمة بطولات ومهابات وفخر وامجاد=وتاريخ الرجال اهل الكرم والعزم والهمه
عتيبه والفعول شهود للاجداد والاحفاد=وكلٍ وارث الامجاد من خاله ومن عمه
زحول الارض ستر العرض يبقى مجدهم ماباد=هل الامجاد بالامجاد والتاريخ مهتمه
كأن الله خلق هذا القبيله لديار اوتاد=رواسي ويتذرى في ذراها معظم الأمه
سلام الله على ربعي عتيبه والبيوت جداد=سلام ٍ من عتيبين يفوح الطيب من دمه
سلام الله على اللي ذودهم فازت على الاذواد=بجايزة المؤسس يوم كل الناس ملتمه
يذكرني عددهم رقم متميز من الاعداد=عدد من شاركو عبدالعزيز العود بمهمه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ



الشاعر / علي العضياني

من أبسط حقوق العتيبي ليا فاز =يفوز و يعدّه من أبسط حقوقه
دامه من أهل العز ما عاد يعتاز =كسابة ألامجاد برقا و روقه
الفوز دايم مع هل الفوز ينحاز = كنه عتيبي في هوازن عروقه
مصادر التاريخ تعطيه الايعاز = لاهل المواقف و النوايا الصدوقه
الحصْن تطمر كل حاجز و تجتاز = كلٍ مع المضمار عمره يسوقه
و من حقنا نفخر بتحقيق الإنجاز = و الضلع نرفع راية النصر فوقه
اللي من عتيبه على الجايزه , حاز= يوم إن كلٍ ساق للعرض نوقه
فوق أربعين تهوز ماهيب تنهاز = كلٍ رجع بالفوز ذوده يسوقه
إتبثه الأقمار في كل تلفاز= بعيون راع الصنف تظهر فروقه
ما قطّ واحدهم عن الجايزه . جاز = ما في طريقه لا مشى ما يعوقه
الاوله نرهي عليها بالإحراز = و نسبق عليها كلٍ راعي سبوقه
نعتز بين الناس بنفوسٍ عزاز =من فعلنا كبد الحسود محروقه
عن واقع السيره تكلّمت بإيجاز = مالي على سرد التفاصيل طوقه



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ



الشاعر / ضيف الله العضياني
لولا المواقف والفخر والنواميس = ما كان رتبت القوافي وغنيت
في مدح منهم فالمواقيف فريس = عتيبه الهيلا هل المجد والصيت
فعولهم تطلق سراح المحابيس =وتنومس الحيين وتنومس الميت
فعول (ن) تدرس للأجيال تدريس=وإسم الكتاب أقروا فعول النعاتيت
وأتلى فعول مبعدين المراميس =ولا أقول قول ألا على القول تثبيت
الفوز بمزاين طوال النسانيس =فوق أربعين أعدادهم يوم عديت
فازوا وفرحتنا بهم مالها قيس = تجرح قلوب أهل الحسد والشماميت
فوز(ن) ماحاشنه يدين المفاليس = اللي تعيش العمر كله على ليت
وختامها كلي شموخ ونواميس = وأكتب بيوت الشعر بيتا ورى بيت
في مدح ربعي مبعدين المراميس =عتيبه الهيلا هل المجد والصيت


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ



الشاعر / ناصر المرشدي

تمركزي في سنام المجد ياعتيبه=في كل محفل تحوزين الفخر كله
مراكز العز والنوماس والهيبه=تزهى باسامي عتيبه طبع وجبله
مافيه شي جديد نروح ونجيبه!!=ماباقي الا مكان الجدي نحتله
يوم ان كل بما عنده نفض جيبه=فالموعد اللي يحول الحول في حله
ربعي بورث الجدود اللي تماريبه=هيلا على مركز التتويج منهله
البل لها عندنا فالروح تركيبه=شوي والا محبتها من المله!
يوصي بها الشايب, اللي ماضهر شيبه=من حبها كم يجوز الخل عن خله
نرعابها القفر قبل الناس تمشيبه =من دونها الرمح والبارود والسله
نرد غزايها قدام تدريبه=ونفتكها غصب ماتطري لنا الذله
كم فارس راسه يثولث عراقيبه=من حرنا تستجير القوم بالمله
قدام عبدالعزيز يعمنا طيبه=وقدام الايام تلبس للامن حله
اليوم علم السعد تاصل مناديبه=في ضل ابو خالد وفي ضل عبدالله
جينا المزاين بعد مازان ترتيبه=شي نجله واخذنا كلنا جله
ان قلت روقي يباصل مطاليبه=وان قلت برقاوي المطلوب ياصله
اكتب ياتاريخ لاشكه ولاريبه=واترك صحايفك طول الوقت منفله
مادام الاقلام كل الفعل تحكي به=والله لتبطي على الاوراق منصله
منزالنا فالزمان اعلى مراقيبه=وشعارنا فالحياه السيف والدله



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ


الشاعر / محمد رشيد الزراقي
الحمد لك والشكر ياخالق الكون = على ماحققته قبيلة عتيبه !
نصر ٍ تحقق والأوادم يشوفون = وكل ٍ على مرءآ ومسمع دريبه !
فزنا وحنّا فوزنا شي مضمون = والأوله ماهي علينا غريبه !
عوايد العتبان دايم يفوزون =ولاهي على ( الروقه وبرقا ) صعيبه !
قول وفعل ماهو ( وكالة يقولون )= (والمركز الأول ) نجيبه نجيبه !
بجهود قوم ٍ للمراجل يعشقون = ترضخ لهم بالطيب والاّ الغصيبه !
لاشاركوا / في كل لازم يسدون =والمجتهد منهم يحصّل نصيبه !
وفي كل محفل للجوايز يحصدون =حتى اعتلوا فوق النجوم الرقيبه !
اينافسون ابكلّ فئه وكل لون =ولايلحق العتبان شكّه وريبه !
وكم غيرها اذواد / أهلها يستعدون =تبا تنافس فالسنين القريبه !
مفرودها يسوى من المال مليون =وللي يسوم / أقيامها أصلاً تعيبه !
غالي ثمنها علّم اللي يسومون = ماراحت ألـ /سوق الجلايب جليبه !
من دونها كم طيّروا روس ومتون =يوم المغازي والسنين العصيبه !
حامينها اللي فالمواقيف يثنون = من شانها صفّة كتيبه كتيبه !
لاجاء نذير المعركه مايشدّون =وكم فرّقوا بين الصحيب وصحيبه !
( هيلا ً ) على حوض المنايا يهيلون =دون الدخيل اليا شكى من مصيبه !
قبيلة ٍ مع سلّم المجد يرقون =وألهم مقام / وقدر عالي / وهيبه !
وألنا الفخر بين العرب / يوم يطرون =اسم ٍ ينومس كل من يعتزيبه !
يشهد لنا التاريخ والناس يدرون =ولايجهلون اهل القلوب اللبيبه !
قلته ومتنومس وشاكر وممنون =واهني ( الهيلا ) شباب ٍ وشيبه !
واليوم (يوم الفوز ) والنصر مضمون =تباشروبه ياقبايل عتيبه !


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ



الشاعر / عيضه الثبيتي
ياهاجس الشعر وصّل لي تحياتي=و وصّل تحايا عتيبه وأبلغ الراوي
يأخذ بيوت الفخر والمجد من رأسي=ومن هاجسٍ في طواريق الفخر غاوي
بالخص لا جيت أقول الشعر فالهيلا=ما ودّي ألاّ أنّي أطرب كل هيلاوي
ديمومة ً سبّلت من صدر شاعرها=وسيولها جات لا ترحم ولا تاوي
منقيّة ً من بيوت الشعر ناقيها=الندّر اللّي بصدري ذيبها عاوي
أسوقها سوق من حشمة بني عمّي=اليا أستوت لي وصار الدرب متساوي
معطره والحميّا عطرها الفاخر=قدام لا أنثر عليها المسك والجاوي
طلبتني ياولد عمّي وقلت أبشر=وأنا قبل تتصل بي خاطري ناوي
وهذي قصيده من لساني عن السانك=والله ما أردّك ..وتبشربي يابن ضاوي
بأسم عتيبه من العارض ليا الحرّه=وجميع من فالوطى روقي وبرقاوي
اهنّي اللّي تشرفنا مواقفها=يوم المزاين كما المطرود والحاوي
من كل صنف املكوا مايبهر الناظر=ولاهي غريبه عليهم مالهم قاوي
والنوق ماهي رخيصه عند راعيها=يتعب لها لو طواه من الزمن طاوي
فيما مضى الدّم الأحمر لجلها ينثر=لا صيّحت وأنتخت فالعطفه مضاوي
واليوم في جايزة عبدالعزيز اللّي=حرر بلادي ومدّن كل بدّاوي
وفأم الرقيبه حضر ربعً تشرّفنا=وحضورهم يجرح الأكباد ويداوي
أذوادهم تسحر الجمهور من داني=يحكي بها السارح ويحكي بها الضاوي
وأهل الملايين ساقوها لهم طمعه=واللّي ما منهم شرى وا نجمه الهاوي
وفي ساعة الجايزة ما اكثر من أسماهم=ولا فالقبايل قصور وبلّغ الرواي
أنّا عتيبه هل الطالات من مبطي=نهوى المراجل وهي لعتيبه تهاوي
وللعز والمجد يابرقا ويالرّوقه=وياحظ من عزوته روقي وبرقاوي



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ


الشاعر / مشاري النثري
ماهي غريبه كثرة العتبان والفوز الكبير=حنا لنا تاثير واضح في جميع اعوامها
لاجات منقياتنا معها المواكب والجموع=لكازز ٍ تبرالها ولكازز ٍ قدّامها
تاثيرها بقلب العدو تاثير بوش بقندهار=ارجال تكسر عزها وارجال تحني هامها
حنا قبيله عزها معروف من ماض الزمان=حتى هوازن عز للاسلام عام اسلامها
ماهزنا جور الزمان ولا تزعزعنا الضروف=هذي عتيبه في سما العليا ترف اعلامها
عصورنا بافعالنا فاقت على كل العصور=امّيزين اليالها وامّزين ايامها
نعشق مطاليع العلا ونشيد صروح الفخر=ونصارع الدنيا ونضربها بحد حسامها
انفوسنا تتعب معها اجسامها لجل الطلوع=كأنها متكابره عن السكن باجسامها



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ


الشاعر / مقبول الشيباني
فازت عتيبه ورب الكون ساعدها=دايم نهار المزاحم حظها عالي
قبيلتن هي سند جنبي وساندها=احبها مثل حب العم والخالي
من شانها اجزل ابيوت الشعر نقصدها=ونصوغها كالذهب لعيون الابطالي
اجمل بيوت القصيد اللي نوردها=نسوقها يمها رجلي وخيالي
عاشت عتيبه وهاذي من عوايدها=الاوله حظها ماتاخذ التالي
عان الجوايز لها كم عام تحصدها=ليننها عودت مضرب للامثالي
كمن منصات عزن دوم نصعدها=ولاناخذ الا السيوف ونكسب الغالي
من يد ولد حاكم الدوله وقايدها=مشعل حبيب القلوب وذرب الافعالي
فوق اربعين الجوايز يامقيدها=في وسط لوحة شرف تعرض للاجيالي
قولت نعم حظنا دايم وناجدها=يومنها كايده في بعض الاحوالي
اكرر التهنئه دايم وجددها=للعزوه اللي تعلت روس الاقذالي
فيها التباريك مانقدر نعددها=قامت علانا سوات السيل تنهالي


________________________________________________

الشاعر / مشعل شباب الشيباني

ياربعي العتبان مبروك الانجاز =في كل عام تحصدون الجوايز
شي طبيعي لا تعدونه اعجاز =ركــيزة تنـعـد ضمن الركـايـز
قـبيـلة بمـصادم الـقوم تـمتاز =من فعلهم تعجز تعد الجنايز
قبيلة تهوز تهوز ماهيب تنهاز =لاجاء نهار فيه خاسر وفايز
لهم على روس المشاريف مركاز=قول موثق مادخلبه لفايز
صديقهم يفرش له الدرب شيراز=وعدوهم عن المواجه يحايز
تقديرنا في كل الاحوال ممتاز =الضعف ماله في طرفنا عوايز
نار توقد صب من فوقها قاز =وشلون تصبح يالرجال العزايز
رجالنا لا طب فالمعركه فاز =مافيه عن فعل المراجل تشايز
وحناهل البل دونها ناقف اعزاز =لا صد عن ماجوبها كل بايز
نملك سلالات لها الزين ينحاز =شم البكار النادرات الغزايز
لاطبت الميدان ماعاد يعتاز =فيها عن اذواد القبايل تمايز
للمركز الاول على طول تجتاز =منقية ما طب فيها نشايز
هذا الصحيح بكل توضيح وايجاز =والرابح اللي ساعة الحشر فايز




ملاحظه / ستتم أضافة أي مشاركه تتعلق بهذه المناسبه















التوقيع
عالم تويتر



abofayeh@
رد مع اقتباس
غير مقروء 04-Jan-2011, 09:24 PM رقم المشاركة : 2
معلومات العضو
مرزوق حمدان العتيبي
مشـرف عام

الصورة الرمزية مرزوق حمدان العتيبي

إحصائية العضو





التوقيت


مرزوق حمدان العتيبي غير متواجد حالياً

افتراضي

..

.

جهود جباره وحدث يستحق الاهتمام والافتخار
صحت السن شعراء الهيلا ... حق لنا ان نشكرهم جزيل الشكر حيث عبروا بالستنا جميعاً
ودائما لله الحمد والمنّه قبيلتنا فالمقدمه مع ولاة امرنا ولها سبق التميز..
من غير قصور في كل القبايل والحمايل
42 جائزه لم تاتي بسهوله فقد دفع من اجلها الجهد والمال ..
بيض الله وجهكـــ يابو فايح على اهتمامك بهذا الموضوع وشحذ الهمم لانجاحه
وقد تحقق ذلك ولله الحمد والشكر ....















التوقيع
اضغط على الصورة لرؤيتها بالحجم الطبيعي
فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
حط حبه في كياني ماتغيّره السنيني = وانثني من دون عرضه بالذراع وباللساني
اضغط على الصورة لرؤيتها بالحجم الطبيعي


اضغط على الصورة لرؤيتها بالحجم الطبيعي



@Marzouq_MHD
رد مع اقتباس
غير مقروء 04-Jan-2011, 09:31 PM رقم المشاركة : 3
معلومات العضو
فهيد الايدا المورقي

مشرف منتدى الصحافة

إحصائية العضو






التوقيت


فهيد الايدا المورقي غير متواجد حالياً

افتراضي

الف مبروك لقبيلة عتيبه الهيلا هذا الفوز العظيم وهذا ليس بمستغرب عليهم


فتاريخ عتيبه ملئ بالانجازات والنصر


وصح السنت شعراء عتيبه على هذه القصائد التي تعبر عن فرح الجميع بهذا الانجاز


ونشكر ابو فايح على المجهود المتواصل والرائع وبيض الله وجهه


تحيتي















التوقيع
حسابي في تويتر


faheed_1234
رد مع اقتباس
غير مقروء 04-Jan-2011, 09:38 PM رقم المشاركة : 4
معلومات العضو
خلف العتيبي
إدارة الأقسام العامة والاقتراحات والشكاوي

الصورة الرمزية خلف العتيبي

إحصائية العضو





التوقيت


خلف العتيبي غير متواجد حالياً

افتراضي

الحمدلله والمنه على الفوز الكبير بـ 42 جائزه من جوائز الموحد..

أبيات معبره.. صحة اللسن الشعراء.. وهذه الفرحه يشاطرها معهم كل عتيبي..



عسى الله يجمعكم على طاعته ياعتيبه..















رد مع اقتباس
غير مقروء 04-Jan-2011, 09:47 PM رقم المشاركة : 5
معلومات العضو
مرزوق الجعيد

رابطة محبي الهيلا

إحصائية العضو






التوقيت


مرزوق الجعيد غير متواجد حالياً

افتراضي

كفوووووووووووووو

يستاهلون الطيب اهله

لاهنت يا ابو فايح

تحيتي















رد مع اقتباس
غير مقروء 04-Jan-2011, 09:49 PM رقم المشاركة : 6
معلومات العضو
أبو الهمام البرقاوي
عضو فعال
إحصائية العضو






التوقيت


أبو الهمام البرقاوي غير متواجد حالياً

افتراضي

صحت ألسنة الشعـراء

ومبروك للناجحين

لا هنت يابو فايح الأصيل















رد مع اقتباس
غير مقروء 04-Jan-2011, 10:06 PM رقم المشاركة : 7
معلومات العضو
متعب المجيولي
رئيس اللجنه الاعلاميه
إحصائية العضو






التوقيت


متعب المجيولي غير متواجد حالياً

افتراضي

اشكر جميع الشعراء الذين عبروا عن مشاعرهم بهذا الفوز وهذا موقف ايجابي منهم

كما ابارك لأبناء القبيلة الفائزين في مسابقة الملك عبدالعزيز رحمة الله لمزاين الابل


كما اشكرك يابوفايح على هذا المجهود


و لا يزال المجال مفتوح البقية من الشعراء















التوقيع
اضغط على الصورة لرؤيتها بالحجم الطبيعي
رد مع اقتباس
غير مقروء 04-Jan-2011, 10:39 PM رقم المشاركة : 8
معلومات العضو
إدارة الموقع
الإداره
إحصائية العضو





التوقيت


إدارة الموقع غير متواجد حالياً

افتراضي

نشكر شعراء القبيله على تفاعلهم مع هذا الحدث
ونبارك لابناء القبيله على ماحققوه من انجاز.















التوقيع

لأي ملاحظة يمكنك ارسال بريد على العنوان التالي
otaibah@otaibh.net
رد مع اقتباس
غير مقروء 04-Jan-2011, 11:07 PM رقم المشاركة : 9
معلومات العضو
فهد الزهراني
عضو مميــز
التميز 
إحصائية العضو





التوقيت


فهد الزهراني غير متواجد حالياً

افتراضي

يستاهلون عتيبة

وماقصروا الشعراء وهذا واجبهم

تجاه قبيلتهم وابناء قبيلتهم اللي نومسوهم بهذه النتائج















رد مع اقتباس
غير مقروء 04-Jan-2011, 11:08 PM رقم المشاركة : 10
معلومات العضو
فهد العازمي العتيبي

مشرف ديار واخبار القبيله


الصورة الرمزية فهد العازمي العتيبي

إحصائية العضو






التوقيت


فهد العازمي العتيبي غير متواجد حالياً

افتراضي

الف الف مليون مبروك لنا جميعاً أبناء قبيلة عتيبه

على هذا الإنجاز الغير مستغرب

قبيلة عتيبه طوال تاريخها العريق دائماً في القمه


وصح ألسنة شعراء عتيبه على هذا الشعور الوفي والواجب تجاه قبيلتهم

والله يديم علينا حميتنا وتلاحمنا يا عتيبه ،،،















التوقيع
للتواصل على تويتر

https://twitter.com/falotaibi5115


،،
رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:42 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي