ملحمة دولة

[العتيبي أبا غيث]

بسم الله الرحمن الرحيم

على أرض الوطن

ومن نسمة هواء الوطن الغالي

على قلوبنا جميعاً

هذه قصيده وطنية قمت بنظمها بمناسبة اليوم الوطني للمملكة

أرض العز والكرامة , أرض النور والنبوة

آمل أن تلقى مكانه رفيعة في قلوبكم

ملحمة دوله على عز الإسلام بجهود = الإمام موحد المملكة ورجالها
صفهم واحد من البحر لا صحراء النفود=ومن يمن لا شرق لاقصى حدود شمالها
تحت راية رب واحد وبالدين أمعبود =عم شرع الدين فارض الوطن وجبالها
ومجدنا من يومها عام في عام ً صعود=ياصل اعلى القمم والقمم يرقا لها
ومن تطور في تطور على العليا سنود=واستقرت دولة العز في منزالها
يوم جاء يوم الوطن قمت أغني بالنشود=للبلاد الغالية شاعر وغنى لها
عاد يومك يا وطن عاد لميات العقود= عاد يوم المملكة والسعد يبرا لها
عدت في عز وهنا تحت ظل أبن سعود= عدت والدولة جميع النعم تصفا لها
عدت في حكم الأسد0 الأسد أبن الأسود=الملك صقر العروبة وكلً قالها
وقفته مثل الصقر والوطن دونه يذود =والمواقف صارمة والصداقة نالها
خادم البيتين وأمام طابور الحشود = الزعيم اللي لصلح الدول يسعا لها
وأبو خالد حاكم الشور مفتول العضود=دون حد المملكة ماحد يعبر جالها
ونايف اللي للأمن كنه السيف أمحدود= حطم الإرهاب والشرذمة أزالها
كلنا لأجل الوطن كل بونا له جنود=نفدي أرض المملكة وكل غالي فدالها
ومن تعدى نقدح النار من خشم الزنود=والهزيمة حاصلة للعدو يشتالها
في جنوب المملكة فعلنا خلى الزيود =تبتعد عن حدنا والفشيله فالها
وقبلهم صدام ردوه من قبل الحدود =أبقذايف زلزلت أرض من زلزالها
ومن تعدى حدنا يبشر بسم الكبود=ماله الا النار والخيل من خيالها
ما حسبنا للنصاري وبراثين اليهود=ولا حسبنا للحرايب ولا لهوالها
عاشت أرض المملكة رغم عين اللي حسود=عاشت بأمن وسلامة وزود أموالها
عشت يا موطن حياتي ويا نور الوجود= عشت وأرض الخير يسعد بها نزالها
وملحمتنا ملحمة عز والله وبجهود =الإمام موحد المملكة ورجالها

وسلامتكم جميع

نبض أحساس أبو غيث

الخميس الموافق 21|10|1431هـ