هاجوسي المبدع

[مرزوق الرويس]

السلام عليكم ورحمة الله وبركاته


أقدم لكم هذه القصيده المتواضعه بين أياديكم


واتمنى ان تنال رضآكم


القصيده / لـ فيصل فاير العصيمي

هاجوسي المبدع يحلق بالأفكار

ويستهوي الجزلة ويقطف فخرها

والشاعر المبدع يبا يلفت انظار

واذواق ناس ٍ من كلامه بهرها

اخطب جزال القاف من صم الأشعار

وادفع مهرها لو صعيب ٍ مهرها

ولي الفخر يومي من قروم واحرار

عزاتي الهيلا وكل ٍ خبرها

فعولنا شجره علت كل الأشجار

من ماضي الأزمان طيّب ثمرها

الله ولا علم ٍ يبا يجلب العار

والله من نفوس ٍ تزايد قهرها

الحب بيرق والمخاليق شعار

والي سكن قلب الآوادم شٍعرّها

لي صاحب ٍ شوفته لو بمنظار

تجلي عن النفس الحزينه كدرها

اغوص في حبه محيطات وانهار

واجلب من الانهار غالي دررها

ياانجليا جولي جمالك بنا جار

جا من تعدى قاعدتك وكسرها

يامهرت ٍ تعلو على كل الامهار

بين الخلايا ماتزعزع مقرها

أنا أشهد إني من شقى الشوق منهار

صورته صفحه والعباري حبرها



وسلامتكم


في إنتظار الردود بكل ماهو إيجابي وسلبي في هذه القصيده المتواضعه

ملحوظة ‘‘ أنا نأقل فقط ‘‘

للقصيدة لأخوي / فــــيـــصـــل فـــايــــــز العصيــمــي

آخر تعديل مرزوق الرويس يوم 18-Jul-2010 في 04:30 AM.

[مرزوق الرويس]

وين الردود ,,~!

[الصقيل]

بيض الله وجهك ولاهنت

[مرزوق الرويس]

ووجهك ابيضض



وش السآلفه يالربع انا ابي تعليق على قصيدهـ ٌ ً ٍ


.؟

[عبدالمحسن العصيمي]

السلام عليكم ورحمة الله وبركاته

صح السانك اخوي فيصل وتسلم على النقل يا مرزوق
القصيده جميله ولكن عندك بعض الاغلاط الاملائيه عكرت جو القصيده الرائع وللعلم ( انا اعاني نفس المشكله ) كوني ضعيف في الاملاء
وانا اعرف قدراتك وصدقني انت تملك الافضل بكثيررر
يا جماعه الخير يا الهيلاااااا هذا ولد عمكم محتااج للنقد والتشجيع ان مالقاه عندكم يلقاه عند من ؟
وللعلم تراه صغير بالعمر اتمنى من الجميع التفااعل

[عبدالمحسن العصيمي]

اخي ياليت تنزل قصيده ثانيه
لا تيأس الاخوان هنا فيهم الخير والبركه بس الضاهر مشغولين
انتظر جديدك

[بدر العضياني]

صح لسانه

ولاهنت على النقل