يابحر جيت عاني جيت لك يابحر ( جديده للتواصل )

[خالد بن متروك]

يابحر جيت عاني جيت لك يابحر
ودي أشكيلك همومي وأبيح خفاي
ودي أترجم إحساسي بصورة شعر
ودي أكتب إلين أتعب وتتعب قواي
يمكن إني ليا بيحت ما بالصدر
ينجلي همي اللي ساكن في حشاي
همي اللي مرافقني سنين العمر
لين ماأصبح يشاركني غداي وعشاي
من سبب خوته حبيت طعم السهر
لين صار السهر عاده وزود بلاي
يابحر يوم جيتك دمع عيني حدر
يوم جيتك طرالي من تناسا هواي
غاب فجأه ولا عنه لفاني خبر
غاب ونجوم ليلي روحت من سماي
رحت أبسأل وأدور مير ماله أثر
وكل درب مشيته لين تعبت خطاي
وقمت احسب الليالي كل يوم بشهر
وقمت أقول إنه بيقضي لزومه وجاي
مير طالت بي الهقوه وطال الصبر
وأكتشفت إني أصلا ماشي في عماي
يابحر ليه دايم تنوصف بالغدر
يمكن إنه من أطباعك تعلم جفاي
ويمكن أنه تعلم منك طعن الظهر
ويمكن إنه تعلم كيف ينكر غلاي
ويمكن إنه تعلم منك معنى الخطر
ويمكن إنه تعلم كيف يلعب وراي
يابحر كم سهرنا تحت نور القمر
وكم على أطراف شطك كان يجلس معاي
وكم على شان عينه دست درب الخطر
وكان همه يحقق كيف يكسب رضاي
وآخر الحب شفني ذقت طعم القهر
يوم شفته يماشيله حبيب سواي
لكن اللي حصل مكتوب ضمن القدر
الله اللي كتبلي فرحتي مع شقاي
جيت لك مير شوفك يابحر مايسر
يوم جيتك طرالي من تناسا هواي

[ابوهــندي]

ابن متروك

صح الله لسانك قصيدة جزله وجميـــــــــــــله جدا



لاهنت وننتضر جديدك