ديوان الشيخ\مفيز بن فايز بن ضاوي بن مجهل العضياني العتيبي

[ابن مجهل]

بسم الله الرحمن الرحيم
السلام عليكم ورحمة الله وبركاته


موضوعي يتحدث عن رمز من رموز قبيلة عتيبه و(العضيان)خاصةً ..
شيخ له هيبه وشخصية قويه , واخلاق رفيعه وحسنه , ونفس ساميه وعزيزه
ومحاسن اخلاق ترفعه عن دنائة الامور , اتصف بالصدق والشجاعه ’ والكرم

هذا غير ماكان يتقيد به من دين وخُلق , عمل اول حياته في الامارة التابعه لمنطقة مكه المكرمه
الى ان تقاعد في نهاية التسعينات ’ كان شاعراً مجيداً ولبقاً , يمتاز بجودة الشعر وعفته ,
مبتعداً عن البذل والتكلف , اسلم روحه الى بارئها غرة جمادى الاولى عام 1422هـ.
منهياً بذلك صفحة عظيمة من صفحات هذا الرجل الفذ , الذي قلّ ان نجد مثله في زمن قل فيه
الرجال العظماء ( من غير قصور بشيوخنا اللي ذكرهم يرفع الرآس )رحمه الله رحمة واسعه ..

لا اطيل عليكم ( فالحديث ذو امد )
\
/
\
/
\
/
شاعرنا هو الشيخ \ مفيز بن فايز بن ضاوي بن مجهل العضياني الروقي العتيبي .

وهو والد الشيخ المعروف الامير \ غازي بن مفيز العضياني (رئيس مركز الشرع سابقاً .. ورمز من رموز المجاهله في الحجاز) ..


هذه بعضاً من قصائد شيخنا المرحوم \ الشيخ : مفيز فايز العضياني ..

ياابو محمد محتـم القطـر الشيـب=الله نصرنا مـن سريـع المقامـي
من عقب ماتركبك روس الضواريب=الله عثرها مـن حسيـن المرامـي
بمسلـبٍ ميقاعهافـي التلابـيـب=سار النحر وترك كثيـر العلامـي
كم واحد قدمـك يحـب الاشابيـب=لكـن خلنّـه وراحّـن همـامـي
حواّل كثر الحكي فيـه التعاجيـب=حكيك كثيـر راح فـيّ وغمامـي
يوم انت تطري المدح وتبيّن الطيب=فعول غيرك ماسقت وانت ضامـي
حظك تحت جم الصفى والطواليـب=ماينعشى دونـه عصـور عوامـي
وش انت خابر يوم راحً جناجيـب=وعن المغابـي يركبّـن العدامـي
خلك مع الاسناع مثـل المواديـب=ولاّ المهـا فاختـك دايـم دوامـي
انت مع الجـره كثيـر المتاعيـب=ولانهمتـك ماتجـيـب الكـلامـي

***

القلب ياناس دخل بـه حواشيـر=بعد لطيف الحشى شافـه وعنّـاه
راعي جديل على ردفه دعاثيـر=العفـو ليتـه بعيـد ولاعرفـنـاه
نهود خلّي كما الصيـن المزابيـر=والبطن بطن الغزيّل في حلايـاه
جواب خلّـي كمـا درّ الاباكيـر=لاعثعث النبت تمشي وسط مرعاه
معـاد تنفـع كثيـر المعـاذيـر=بعد عشير ضعف واقفـى بلامـاه
ياكثر مابي على راعي الخواصير=لطف الحثى اللي يعني كل من جاه
ماهمني كود ون شدوّا بالمظاهير=واقفى الضعن والحبيب شد يبـراه
ماهمني كود ون رحنا نبى النيـر=في ديـرة مانجـي داره ومربـاه
سّر يانديبي على ناب الحواصيـر=حـرّ لاشـد فوقـه زان ممشـاه
ارفع له الحبل وسبر في النهابيـر=اظـن خلـي تباينلـك رعـايـاه
تـراه بيّـن لاجيـت الدواويـر=يطرق بحجره لعل البيض تفـداه
ملفاك شوقه مع الربـع المناعيـر=وعرف نويّه وميّز ويش طريـاه
حتى نسنـد لاجاتـه المصافيـر=اظن خلـي يسنـد يـم مصغـاه

هذه ابيات بعثها الشيخ \ حوال بن محمد الثعلي العضياني - رحمة الله -الى الشيخ \ مفيز فايز

يامفيز ياوجدك على الظبي وجداه=وجد اليتيم اللي هلـه يضربونـه
ميتـه امـه مالـه امـاً تلقـاه=ماله جدى ياكود دمعـة عيونـه
حتى ايش لـو عيونـك تحـلاه=بعد رميته جـت بندقـك دونـه
ولال دروب الصيد كـل تهمقـاه=رجلاً ذريف يدرقه فـي قرونـه

وكان هذا رد الشيخ \ مفيز بن فايز العضياني

صيد الخلا عز لقلبي ومشهـاه=ابذبحه وانـا هلـي يذبحونـه
بمسلباً ميقاعها الكوع واعـلاه=وليندرج لزمه الفتى وان هونه
اما صويب واشقر الدم يبـراه=ولا ذبيـح صارمـاتً متونـه
يوم انت ياحوّال مانـت بويّـاه=ولالك جدى ياكود تطري غيونه
صيد الخلا خلاك تعطي جداياه=انت شليل وقايد الصيد هونـه
تصبح مصابيحه وتنظر بحلياه=لكن مالـك طعمـةً تذبحونـه

قصيدة وجهها الشيخ \ مفيز بن فايز , لأبنه المرحوم \ مشعان بن مفيز بن فايز

مشعان ياابني لاتوّحى فالاشـوار=شار المَرَه والخبل خلـه سفاحـي
خلك كما صقر بدا راس مسبـار=يهوي على صيد الخلا فالبراحـي
وخلك على كبش المربين جـزّار=لستشحبو خطو الوجيه الشحامـي
وبنت الردي لاتهويهـا بالانظـار=لو كون مزيونه وعمر الرماحـي
يجي ولدها خايـبً ميّـت النـار=فالمرجله ولو شاف زرق الرماحي
ون جاك مضيوم من ايات الاقطار=خلك شجيع وقم بـرآي الفلاحـي
وخلك على عجر الموالين صبّـار=واصبرلهم وسمحلهـم بالسماحـي
ون جاك علم زايد حـد الاحكـار=اذهـن تويّـا للعـدو بالسلاحـي

	عهـدي بخـلـي **والاصيله تشلي **حي يهلي جعل ربي يعافيه من عندها قفيـت** ها ثم لديت** لو رحت انا ياشيت ماني بناسيه عسى الحيا الجرار**يمر بالامطار**على حسين الشار ياربي تزيّه يظفي على هكران**منّا وربان**ويصبحبها رجعان وحبيّبي فيه تسمـك ارقـابـه**والظفى عقابه**وربي نوابه والذواري تقديّه خـيـل خيـالـه**وارتكى في شماله**ومزنه يرفاله ودلة مداليه قــم يانديـبـي**فوق عشر نجيبي**وصّل لحبيبي لان علمي توديّه فـوق الاصـايـل**عجلوها شلاليل**هجن جلايل والحبيّب توديه هجـن سنـايـف**كلهن ولايف**وراحن نحايف واصلهنّ من التيه هسوبهنـه يميـن**وهنه كما العين**بوساقهنه ذربين والشان تقظيه عطوني المجمـول**فوق النظا الحول**من يلبس البلبول عيني تراعيه شفي علـى لامـاه**والقلب يشهاه**ماشفت انا حلياه زين وتمدريه جاني علاه لبـاس**في لمة الناس**زين بغير قياس كلاً هفا فيه طرى عليّ القـاف**يامطرف الغاف**ياعايز الاوصاف قلبي جذبتيه يانابـي الردفيـن**ياداج العين**ودك دخل عامين ماني بكانيه

لي بندقاً جانيبها الله من سعيدانـي=هي منوة اللي يحب الصيد ويزوره
فيها نسوق الذهب ونسوق طلياني=جانيبها الله من البيـاع غنـدوره
يازين مبداً بها في راس مزبانـي=يوم خطو الولد يدير البيت ويدوره
يازين مبداًبها والصبـح مابانـي=قدام صيد الخـلا يصـد ينحـوره
يازين ميقاعهـا والـدم نثرانـي=هي منوة القلب عز القلب وسروره
حاميك يابندقي عن كـل هذلانـي=مايحتزمبك عسى يمناه مقصـوره
اللي من اول قصار خطاه كوباني=جتني مذاكيرهم لعاّبـت الكـوره
هيض علّي خبول ناس من دانـي=قام يتسندر ويرفع راس باكـوره
هذا عصر يخلي الخبـل هيفانـي=يالله ياربنـا لاتخلـف الصـوره

	شدو من العبـلان**يبون مران**عساه للامزان مزنٍ سديدي يزي ديـار الخـلّ**مزنه ليا هّل**فأول هلال هّل جعله يعيدي ياصـل للاكمـوم**بخيال وغيوم**ويرد علاه بقوم بطرش وعبيدي وتكفون يالاسـلام**فالود ما لام**كني عتيق هيام وده يزيدي والدمع منـي فـاح**ياظبي الابراح**والروح عقبك راح عيّا يهيدي يابو جديل ارجـاد**ياغظ الانهاد**شديدكم لاعاد يوم الشديدي والقلب عقبك تـاق**من غيب الافراق**جاين عليه شفاق من ود سيدي بعوك علي خـلاف**يامطرق الغاف**ياابو شفايا ارهاف رهف المجيدي وعقبك ثلاث سنين**ياقايد العين**يوم اجلعوا مقفين حالي يبيدي يابو جديـل بـاع**للخيل مسراع**من شاف لونه زاع بليل بريدي وهرجك علّي ادرار**بدمعً اقفار**تمشي من النوّار في ارضً جديدي ومن لامني لامـوه**عقب انهم جوه**وتسابقوه مرهفين الحديدي

اليوم الا ياحاسيف ويش طاريـك=تبا تقظيّـن والا مـاش مقضـاه
خلي سليّم مـن الدكـان يعطيـك=والقـرم ماقلطـت يمنـاه يلقـاه
تـرى سليّـم رحـوم مايخليـك=رحوم جـزاع واللـي يرحـم الله
اليوم انا ياحسايف جيت واطيـك=في سوق سبع الفهم من كل مجهاه
بغيت الثلـث وعودلـك وناديـك=وذليت من هرجة وتصير مـزراه
يافكـرة القلـب محـلا تمدريـك=صنعت غزال المها بالوصف حلياه
ياعلّ وبل الحيـا يـزي مرابيـك=هي منوة القلب عز القلب ومنـاه

رحم الله الشيخ \ مفيز بن فايز العضياني ,, رحمة واسعه واسكنه فسيح جناته ...

( الموضوع منقول , مع بعض التعديلات )

[سلطان نايف العضياني]

رحم الله الشيخ/مفيز بن فايز وأسكنه فسيح جناته

ابن مجهل

أشكرك على نقل تلك الروائع

لو أن يتخللها بعض الأغلاط المطبعيه

[ابن مجهل]

لاهنت يالنشمي على تشريفك ,,

[محمد العتيبي]

صح لسان الشيخ : مفيز بن مجهل العضياني

وبيض الله وجهك يالغالي ماقصرت

وسيتم اضافة هذا الديوان لدواوين شعراء عتيبه المثبته بأعلى القسم


تحيتي
..

التوقيع

للتواصل عبر twitter تويتر al_bargawy@

[ابن مجهل]

محمد العتيبي


بيض الله وجهك ولاهنت

[سعد حميد الثبيتي]

رحم الله الشاعر العلم مفيز رحمة واسعه واسكنه فسيح جناته كما اشكر ابن مجهل على النقل الرائع والتوثيق لقصائد هذا العلم تقبل تقديري ومودتي

[ذيب الخليج]

مفيز شاعر علم رحمه الله واسكنه فسيح جناته
ونشكرك يابن مجهل على النقل

[ناصرمرزوق الدلبحي]

لاهنت يابن مجهل علي النقل الموفق








واللة مفييرحم الشاعر ز شاعر علم








# [size=4 تقبل مروري[/size]

[خالد بن مورق]

الله لايهينك

[ابن مجهل]

الله لايهينكم على المرور الطيب ,,,, والتشريف لمتصفحي المتواضع