ياسلامي سلام السيل وسط الشعيبي...// القريب الله يحييه

[عبد العزيز العبدلي]

ياسلامي سلام السيل وسط الشعيبي=ينحدر فالشعيب وينبت أحسن نباته
الكواكب قمرها مايعرف المغيبي=كل ماغاب كوكب نقصو من حياته

[علي خيران العتيبي]

يا هلا مرحبا ترحيب لاية عتيبي = دون غيره و غيره منه ضاعت نجاته
و انت بين الكواكب ما لك اية نصيبي = و من يدور على خيبته يا قوم جاته

[عبد العزيز العبدلي]

ياعلي كل جرحن له دوا من طبيبي=ولكن به جروحن طبّها من عماته
قلتها وأنت ماتقدر لديس الحليبي=لاقضبت المنيحه صرّها بإنفلاته

[علي خيران العتيبي]

الله الله

و انت جرحك مع العربان يبطي يطيبي = ماش جرحن مع العربان شفنا سواته
ابك انا كل ضلعن يرتعد من قنيبي = و لي هجوسن عن الهزله يلد انظراته

[متعب المقاطي العتيبي]

العبدلي ,,,وخيران

صحت افكاركم

من البداية متابعين ومازلنا..للفائدة والمتعه..!!

[علي خيران العتيبي]

نداوي

صح بدنك

و لا هنت على المرور

بيض الله وجهك

[عبد العزيز العبدلي]

الشقوق الكثيره ماتهم وتعيبي=واحد يركض مع الشقه وتحسب صفاته
ونعم ياذيب ياللي لاتودّ وتجيبي=كل ماجيت في وادي تلفك رماته

[عبد العزيز العبدلي]

المشاركة الأصلية كتبت بواسطة نداوي

العبدلي ,,,وخيران

صحت افكاركم

من البداية متابعين ومازلنا..للفائدة والمتعه..!!

يامرحبا يانداوي ومتابعتك تشرف ياطويل العمر

[علي الشهراني]

العبدلي و العتيبي


صحت السنتكم


واصلووو الابدااع

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[علي خيران العتيبي]

البلا فالرجل لا جاه شكه و ريبي = و كل رجال هرجه سبته من نواته
يكفي اني عتيبي و انت تشرب قليبي = و تاكل اللحم و اتقدم لضيفك فتاته