محاورة أخرى بين حبيب العازمي ورجاء الله المحمدي رحمه الله 2 - الهيـــــــــــــلا *** منتدى قبيلة عتيبة

((الدلبحي)) · 01-Jan-2005, 11:47 PM

هذي المحاورة جرت بين الشاعرين حبيب العازمي رجاء الله الحربي رحمه الله وكانت في مناسبة عند الشاعر الكبير صياف وكان حضورها معيض العجي رحمه الله ومستور العصيمي ومبروك أبو ناب وابومشعاب وفلاح الحنان وراشد السحيمي وغيرهم . ولم يشارك صياف لانه كان هو المعزب :

حبيب :
سلام رده للحضور من الرجال وللزميل = الوافي اللي مايجيب إلا العلوم الوافية
وليا دعانا نستجيب ولا علينا مستحيل = حنا عتيبة كالجبل بالشر ولا العافية

رجاء الله :
يامرحبا بك في محل اهل الكرم وأهل الجميل = ترحيبة للمجتمع وصى بها صيافيه
أنتم عتيبة لي بكم صاحب ولي فيكم عميل = وأن شبت النيران قدمك نار ماهي طافيه

حبيب :
يالغايب اللي غبت يوم الجدي يسبر له سهيل = مدري تجيب البينه ولاتجيب الخافية
عميلك اللي من عتيبة لا قصير ولاطويل = أمرح وتصبح بالمدينة بالثياب الضافية

رجاء الله :
ماني بغايب عن مواقف حرب والمولى وكيل = وأنته حبيب كيف تاصلني ورجلك حافيه
واللي تدور ياطويل العمر عندي مستحيل = لا كن رواديكم بها تشويش ماهي صافيه

حبيب :
الحمل عنكم شايله ريمان ويشيله شعيل = وانتم سوات النجدة اللي تطرد الأسعافيه
|....... يارجاء الله فيك عدل وفيك ميل = لفيت من جدة وجدة من منول دافية

رجاءالله :
وانته ترى عنك العصيمي شايل الحمل الثقيل = مافوقك إلا زمزمية روق والمغرافية
أنا رجاءالله عارف العربان وأعرف الدليل=وأنته تصافحني بجدة واليدين نظافية

وسلامتكم