قاف للاختبار

[عز الرفيق]

السلام عليكم ورحمة الله وبركاته

الامتحانات تبدأ بعد صلاة الجمعه

ترى قافي هذاه امتحانن للشواعير=لكن اللي يبا يمتحن يكرب حزامه
هذاك اللي يحاول يقلد مشية الطير=تعرف الناس ماهوب صقر ولا حمامه

[منصورالزبيلي]

بارك الله بك , شكراً أخي الكريم وصح لسانك

[ابن سجدي]

تقول القاف وانت ما ترجع حزة اعصير = لكنك تهمل بالقول فيك الزعامه
تجهز يا صحيبي قبل ما تلقى المصير = وازهل القاف عندي دام مالك علامه

[عز الرفيق]

الله الله

استلم يابن سجدي

يابن سجدي تفضل وخش مع الجماهير=قبل نعلن رسوبك وترجع بالندامه
ترى ما كل حاجه تمشى بدهنت السير=ياطامع بالسلامه ماحاصل لك سلامه

[ابن سجدي]

صح لسانك وانا اخوك والعذر منك والسموحه طلعت بعد الصلاه وانشغلت مار نبا نكمل وانا في انتظارك لا اكمال بدعتك

[عز الرفيق]

حياك الله يابن سجدي

انا بنتظار ردك

[ابن سجدي]

توقع يا صحيبي لا تنوش الهوامير = وكل رجل( ن ) يورد في علوم الفهامه
انت شكلك مدهن من زمان المعاسير = مار كل بلوه تفهمك معنى كلامه

[عز الرفيق]

اسمع يااااااااااااااابن سجدي

تبا عاد الحقيقه ترى بعض المعاذير=تفك الرجل من شرهة اصحاب الشهامه
ياحاكم وين معجب يجي ويحط تقرير=ابن سجدي هذا لازم يسوق الغرامه

[ابن سجدي]

هههههههههههههههههههههههههههههههههههههههههههههههههه


الله يررررجك ترى مغار مزوووووح وانا خابرك ما تضيق ودوك الرد

[ابن سجدي]

انا خابرك تقطع ما تجيب المخاسير = لا تنادي رفيقك تستتر في جهامه
مار عد الفوايد منت راعي دنانير = عن خيلك يا صاحب لا تجيك الغمامه