الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: رواية معركة إشريفة التاريخية بين قبيلة بني رشيد وعنزة (آخر رد :حفيد رشيد)       :: رحلة الألم (آخر رد :ياسر محمد العتيبي)       :: سهيله (آخر رد :ياسر محمد العتيبي)       :: المواهب من الله (آخر رد :ياسر محمد العتيبي)       :: راحتي (آخر رد :ياسر محمد العتيبي)       :: عتيبه (آخر رد :عبدالله القثامي)       :: البطاقة الشخصيّة ( الكل يشارك ) (آخر رد :الذيب)       :: ياطيب راسك يالحافي (آخر رد :@ـايل)       :: نسأل الله السلامه والعافيه (آخر رد :@ـايل)       :: فيحان بن تركي بن ربيعان في ذمة الله (آخر رد :@ـايل)      

 
 
أدوات الموضوع انواع عرض الموضوع
غير مقروء 12-Sep-2004, 12:26 AM رقم المشاركة : 1
معلومات العضو
الطير
عضو فعال
إحصائية العضو







الطير غير متواجد حالياً

افتراضي إذا أعرس المعرس عندنا غدا هيس

إذا أعرس المعرس غدا عندنا هيس = ونزيل إسمه من سجل القرومي
كلمات قالها شاعر يصف المتزوجين بحال يرثى لها من وجه نظرة ليبقى السيعد في الاخير هو العزوبي


قال العزوبي يوم شاف المعاريس = الرابح اللي لاقعد مايقومي
اول سنه كل يبث الاحاسيس = وثاني سنه تجلب عليك الهمومي
وثالث سنه حط الرمل والمتارس = لابد من حرب تقوم وتدومي
لامن دخلت الدار لاكنها بليس = متلفلف في غاليات الهدومي
تاخذ من المخباه وتسحب من الكيس = وتغير الموديل شي لزومي
وان قلت ما املك يامره لو هو فليس = قالت تدين لاتكثر بلومي
ليتك تساعدني تصحح كراريس = زادو علينا اربع حصص في العلومي
إزوارة في العصر والصبح تدريس = والليــل تصحيح ودي أنومي
تبكي إذا جاها وجع لو هو ضريس = وتقول أبي دكتور ماهو حكومي
يروح عمرك بين عرس وتأسيس = وأربع سنين والبزارين كومي
وسط المطابخ بين قز ومحاميس = هذا صحن رز وهذاك ثومي
ولا خلصت إمنظف ٍ كل الملاليس = جتك تقول إنهج نبي زود لومي
ولا جبت قالت إكنس الحوش تكنيس = خل البلاط يصير مثل النجومي
ومكرس جهدك من الخوف تكريس = و إن نادتك بالصوت أقبلت مومي
يجيك تالي الليل دايم كوابيس = ويشيبنك مزعجات الحلومي
تعيش يالمعرس حياة المحابيس = وشف العزوبي بكل شارع يحومي
من مفرق جلاجل إلى جوي الخيس = و إن حار حايرهم بوسطه يعومي
يفرح إذا شاف الوتر والمراويس = وفي كل يوم كاشت ٍ ومعزومي
شف العزوبي مايعرف الهواجيس = ولا يودي حرمته كل يومي
ياعنك ماحاش الفخر والنواميس = إلا عزوبي يعرف السلومي
إذا أعرس المعرس غدا عندنا هيس = ونزيل إسمه من سجل القرومي
وإلى بغيت البهذلة والدحاويس = فأعرس وخلك من عداد الرخومي
وش صابكم من عرسكم يالمفاليس = وش إستفتدوا غير دق الخشومي
إللي تزوج إشهد إنه غدا تعيس = والرابح إللي ماخذٍ له عمومي
ترى عناق العام نطت على التيس = والحر عقب العرس يصير بومي.
.















رد مع اقتباس
 

العلامات المرجعية


يتصفح الموضوع حالياً : 1 (0 عضو و 1 ضيف)
 

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »04:41 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd
اتصل بنا تسجيل خروج   تصميم: حمد المقاطي