مجاراة لقصيدة عيضه الثبيتي (مادام ياعمي تبيع الطلي بالف)

[فايز بن سرحان الثبيتي]

هذه قصيدة عيضه الثبيتي ( تم اضافتها حديثا ً)

طبّيت سوق الماقفه والهوى صلْف=وأهل الغنم مع غيبة الشمس صلفين!!
صدورهم تقول مبلوفة ً بلْف=والمشترى بيمين/والبيع بيمين!!
أتدوّخك من كثر الأيمان والحلْف=وسعر الشعير مزوّد الصاع صاعين!!
تقول:وين الربح مع كثرة العلْف=وعمّالها/والأدويه/ربحنا وين؟؟
ندلف لها ياللّي تبون الشحم دلّف=وأكثر حوايجنا من السوق بالدين!!
بعنا بهمها والجَنَب حشمة الخلْف=ونمسك سرى خلف التريله نهارين!!
والذيب كم يطمر علانا من الخلْف=والكلب ماينبح عيال السراحين!!
هذي سوالفهم من الياء ليا الألْف=وعلومنا حنّا تبى تجيك ذاالحين!!
حنّا من الكرمه قبل ضيفنا يلْف=نحوف كل السوق وندوّر الزين!!
فلوسنا فجيوبنا مالها ولْف=مأتالف ألاّ عند قنّاية الظين!!
وفالماقف المحرج وفالماقف الكلْف=نشرْ الذبيحه لو يقولون بـ ألفين!!
ومن يغلي الأسعار عساه بالتلْف=دعوه من المستهلكين المساكين!!
مادام ياعمّي تبيع الطلي بـ ألف=خلّك عساك تشيل كيسك بخمسين!!

وهذي مجاراتي للقصيده "

ياراكب اللي تحرجه دقت السلْف = ايكنها من عام الاول وذالحين
ليته يبدل له على الفين وتولْف = ويركب الّه في جنوبه جناحين
لكزس وجده صار كنكورد بالحلْف = حسب النسب لو ما يقره بن دخين
شربه من البنزين واكله من القلْف = واهوايته خرق النظم والقوانين
ياسايقه حده على اقصاه ثم الْف = على بن دبيان زبن المخلين
هاضتني ابيوت ٍ كتبها على إلْف = امحلجه قيفانها بالكوالين
الشاعر اللي ماشكى جفوة الولْف = ولا هو مشارك في سباق المزايين
شكواه من سوق الغلا والغلا كلْف = الا .. ليا جاء الضيف عند الكريمين
يوم الصبي تعرف عزومه من الجلْف = جده وابوه امقررين الموازين
ايلوم راع الضين والوضع مختلْف = وكل البلا من ناهبين الملايين
دام التجر قاموا يطبون بالشلْف = وايفرغون جيوبنا فالدكاكين
جعل البدو يقضون منهم ماهو بالف !! = الا الغنم تجلب لسوق البعارين

وسلاااااامتكم

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فهد الشهيب الثبيتي]

لكزس وجده صار كنكـورد بالحلْـف
حسب النسب لو ما يقره بـن دخيـن


الله الله الله

صح لسانك مليار يابو ريان

وصح لسان ابن دبيان

صوت وصدى قمه

لله دركم

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[أخو جوزا]

صح لسانك يابو ريان

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[فهد رشيد الزلامي]

صح لسااااااااانك لين تتعب يابن سرحان

واهنيك على ألفين وتولف

توليفه مايجيدها الا مبدع مثلك

تحياااتي

[ابو فايح]

جعل البدو يقضون منهم ماهو بالف !!=الا الغنـم تجلـب لسـوق البعاريـن

جعل البدو يقضون منهم ماهو بالف !!=الا الغنـم تجلـب لسـوق البعاريـن

\

جعل البدو يقضون منهم ماهو بالف !!=الا الغنـم تجلـب لسـوق البعاريـن

يا سلام سلم


صح لسانك يا ابن سرحان


صدقت البلا من الروس الكبار

التوقيع

عالم تويتر abofayeh@

[جمال العضياني]

جعل البدو يقضون منهم ماهو بالف !!
الا الــغــنــم تــجــلــب لـــســـوق الـبــعــاريــن


خخخخخخخخ ردت الطين بله يابن سرحان!
ابدعت ابدعت يابدعت ولله درك,,,

[محمد النخيش]

الله الله

يابن سرحان


مجاراه رائعه


صح لسانك انت وابو فيصل


جعل لسانك مايلجم


خالص الود والتقدير

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[عيضه الثبيتي]

صح لسانك



يابوريان


مجاراتك أسعدتني



دمت مبدع ودام حرفك وإبداعك




تقديري



و




إعجابي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[أبو فيصل الدلبحي]

الله اكبر الله اكبر

ابك ايه ايه

هذي اللي تبرد الكبد

صح لسانك يابن سرحان وبيض الله وجهك

وصح لسان عيضه

[فايز بن سرحان الثبيتي]

فهد الشهيب


سعيد بان تكون اول من يرد على القصيده

صح بدنك لاعدمتك "