قصيده للشاعر\كديميس صالح العصيمي رداً على من قال انه استرفد من الحروب

[نامي]

سمعت لي علمٍ محمد زعيمه = يقول رد العلم عني فالأعلام
يابن صنت راعي العلوم الذميمه = أخذت بالغيبه على الغوج مجهام
ياالحربي اللي مرجلتك النميمه = ويش تستفيد الا الفضيحه والأثـام
جمعت مع ذنب النميمه ظليمه = مهنتك ممقوته من الخاص والعام
ترى الظليمه عاقبتها وخيمه = وتحريمها مذكور في دين الإسلام
لكن مايدري خطات البهيمه = على هوى نفسه يسيرن الأقدام
عنده بصرمير البصيره سقيمه = عبد ٍ ينام وخالق العبد مانام
وانته خذيت من الخطايا قسيمه = ويمكن تطور بعد الأيام الأقسام
أدخلت راسك في حبال الشكيمه = ولبست لك ثوبٍ بلا جيب واكمام
تذكر رفايد حرب عندي ظخيمه = وقافيك تأكيد الخبر يابو عرام
مازرت حرب اقصد وراهم غنيمه = لكن ضيف ومستجيبٍ لعزام
سبب مراحي مستجيب لعزيمه = لاني بلاهاكع ولاني بمنظام
ضيفٍ عزيز وفي معزه وشيمه = عند الرجال اللي مواردهم اجسام
وقاموا مقامٍ وافي ٍ من يقيمه = قاموا بماجوب الضيافه والإكرام
حلو البشاشه مع جزيل الوليمه = وكل ٍ يقول الضيف عندي إذا قام
مقامهم مافيه نقص وثليمه = والهم عليّ ان زاروا الواجب التام
وطلبت من رجل ٍ يمد الجسيمه = حاجه وارجعها بعد عدة أيام
ونهض وقدمها بيمنى(ن) كريمه = ورجعتها لعبيد ماغلق العام
عبيد ابن زايد قوي العزيمه = رجل ٍ على نطح المواجيب جزام
ومشيت منهم والنوايا سليمه = كل ٍ يودع صاحبه بالتبسام
وجتنا الرسايل من رجال ٍ غشيمه = مسجله وسط شرطان الا فلام
من الرجال اللي حججهم عقيمه = على التهجس والتلمس والأوهام
واحترت مابين الشقيق وخصيمه = ويصعب علي حل موضوع الأخصام
وجاوبتهم برسالة ٍ مستقيمه = وظحت فيها كل موقف بالأرقام
وقاموا بهجمه في نظرهم عظيمه = قاموا وحطوا داخل الزبده عظام
وقالوا وقلنا في العلوم القديمه = عن من دخل في وسط سرداب الإرغام
وياشين من عقب الهجوم الهزيمه = كل ٍيحاول يدفع الغوج قدام
وسقنا العدد لين العدد وصل تيمه = ماباقي الا نوصل الموقف الهام
وجتنا الأوامر من رجال ٍ حكيمه = أمر ٍ صريح وتحت توقيع صطام
وعقب تبلغنا بنص تعميمه = قمنا بتوقيع القلم قبل الإبهام
نبغى التخلص من غريم وغريمه = ونقضي على الفتنه تماماً بالإعدام
وبقت حزازات ٍ بلأنفس مقيمه = وانته وصلت ليا طرف حقل الألغام
تبغى تقومها وهي قبل نيمه = ولا انته مقاومها ليا قام من قام
يوم ان في صدرك ظمايا محيمه = وين انت يوم مقارعة روس الأقلام
ماصار لك مع قومك العام قيمه = سويت مثل اللي تغيب عن الزام
ربضت مثل اللي ربض في الهشيمه = لا جيت فراع ٍ ولا جيت حشام
إن طعتني جود وسيع الخريمه = قبل يجيك الميسم الحامي السام
اللي سواتك يطعنه في صميمه = العلم جاك وكل موقف له احكام
والأمن جعل الله علينا يديمه = ويحما الوطن من كل واشي ونمام

[الرأي الآخر]

تسلم يالغالي وماقصّرت ..

صح لسان الشاعر العلم / كديميس العصيمي .. <<(حي والله هاالرأس)

والله الكلام اللي يفص العظم ..

[نامي]

المشاركة الأصلية كتبت بواسطة الرأي الآخر

تسلم يالغالي وماقصّرت ..

صح لسان الشاعر العلم / كديميس العصيمي .. <<(حي والله هاالرأس)

والله الكلام اللي يفص العظم ..

اخوي الرأي الآخر .الله يسلمك

وصح قلبك

اشكرك على المرور

[فيصل الحمراني]

تسلم يالغالي وماقصّرت ..

صح لسان الشاعر العلم / كديميس العصيمي .. <<(حي والله هاالرأس)

والله الكلام اللي يفص العظم ..

[نامي]

المشاركة الأصلية كتبت بواسطة فيصل الحمراني

تسلم يالغالي وماقصّرت ..

صح لسان الشاعر العلم / كديميس العصيمي .. <<(حي والله هاالرأس)

والله الكلام اللي يفص العظم ..

اخوي فيصل. الله يسلمك

وصح قلبك

اشكرك على المرور

[سفير المقطه]

ونعم

بشاعر عتيبه كديميس

صح لسانه

ويعطيك العافيه

[نامي]

المشاركة الأصلية كتبت بواسطة سفير المقطه

ونعم

بشاعر عتيبه كديميس

صح لسانه

ويعطيك العافيه

اخوي سفير المقطه. الله يعافيك

وصح قلبك

اشكرك على المرور

[هلال الدوادمي]

نامي ..

الله يعطيك العفيه اخوي...

وصح لسان الشاعر صاحب الملاحم ...

ولاهنت على النقل يالغالي ...

وتقبل مروري ...

[نامي]

المشاركة الأصلية كتبت بواسطة هلال الدوادمي

نامي ..

الله يعطيك العفيه اخوي...

وصح لسان الشاعر صاحب الملاحم ...

ولاهنت على النقل يالغالي ...

وتقبل مروري ...

هلال الدوادمي هلا بك اخوي

والله يعافيك وصح قلبك

اشكرك على المرور

[روح جاي]

عز الله انه شاعر مايتكرر ولا يوصل لمستواه الشعري شعراء الجيل التالي