السلام عليكم ورحمة الله وبركاته
محاورة للعملاقين مطلق الثبيتي وصياف الحربي يرحمهما الله
مطلق الثبيتي
عداد نو ٍ فيه لوح البروق=يامرحبا ترحيبة ٍ غاليه.
الحربي اللي مع عتيبه صدوق = يبشر بطعم الكلمه الحاليه
صياف الحربي
عسى البقا بمكملين الحقوق = في ماضي الايام والتاليه
الناس مع راع الحصان السبوق = يطلع براس القمه العاليه
مطلق الثبيتي
حنا ليااعطينا العهد مانبوق = اهل الوفا وانزبن الجاليه
ان جعت ياصياف ماانته سروق= لو كنت في مدريد وإيطاليه
صياف الحربي
مايسقي الاشجار غير العروق = لولا العروق اتشوفها باليه
ان كان حصلنا صبوح وغبوق = جاتك قبايل حرب بجماليه
مطلق الثبيتي
جاك المطر لايابسن الحلوق = ادهن سيور العيبه الخاليه
الحد دونه خيل برقا وروق = لاتحسبني واقف لحاليه
صياف الحربي
ياقو 00 مار مالك شنوق = لو كان جبت شماغ وعقاليه
ازهم عتيبه وارفع الراس فوق = واد العقيق من المطر ساليه
مطلق الثبيتي
ماهمني داب ٍ وسيع الشدوق = عليه ضلع طويق ينهاليه
يابو عباة ٍ في طرفها فتوق = ماانته بلا عمي ولاخاليه.
صياف الحربي
مال للحلا والضحك والمزح ذوق = يالين احطك وسط الاحثاليه
اللي يباله كحل والا نشوق = يمشي معي والبينه غاليه
مطلق الثبيتي
احط للعدوان قيد ٍ و 00= مايشربون القوم فنجاليه
واللي تقدمني لحقته لحوق = ياجعل مافاله على فاليه
صياف الحربي
جنب ٍ سليم وجنب صار محروق = وين الجمل شيال الاثقاليه
انته مع العالم ضحوك وضيوق = ترضى سخيف القلب برياليه
مطلق الثبيتي
ياجعل مالك بين الاجواد عوق = وياجعل ربك يستر الحاليه
بيني وبينك يالسحيمي فروق = عيني ترف وعينك الساليه
صياف الحربي
ياللي تسوق الزمل مع كل سوق = لالك بعير ولاانت جماليه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
22-Feb-2012, 02:53 AM
الحربي اللي مع عتيبه صدوق
العرض المتطور
