عداد نو ٍ فيه لوح البروق=يامرحبا ترحيبة ٍ غاليه.
الحربي اللي مع عتيبه صدوق = يبشر بطعم الكلمه الحاليه

عسى البقا بمكملين الحقوق = في ماضي الايام والتاليه
الناس مع راع الحصان السبوق = يطلع براس القمه العاليه

حنا ليااعطينا العهد مانبوق = اهل الوفا وانزبن الجاليه
ان جعت ياصياف ماانته سروق= لو كنت في مدريد وإيطاليه

مايسقي الاشجار غير العروق = لولا العروق اتشوفها باليه
ان كان حصلنا صبوح وغبوق = جاتك قبايل حرب بجماليه

جاك المطر لايابسن الحلوق = ادهن سيور العيبه الخاليه
الحد دونه خيل برقا وروق = لاتحسبني واقف لحاليه

ياقو 00 مار مالك شنوق = لو كان جبت شماغ وعقاليه
ازهم عتيبه وارفع الراس فوق = واد العقيق من المطر ساليه

ماهمني داب ٍ وسيع الشدوق = عليه ضلع طويق ينهاليه
يابو عباة ٍ في طرفها فتوق = ماانته بلا عمي ولاخاليه.

مال للحلا والضحك والمزح ذوق = يالين احطك وسط الاحثاليه
اللي يباله كحل والا نشوق = يمشي معي والبينه غاليه

احط للعدوان قيد ٍ و 00= مايشربون القوم فنجاليه
واللي تقدمني لحقته لحوق = ياجعل مافاله على فاليه

جنب ٍ سليم وجنب صار محروق = وين الجمل شيال الاثقاليه
انته مع العالم ضحوك وضيوق = ترضى سخيف القلب برياليه

ياجعل مالك بين الاجواد عوق = وياجعل ربك يستر الحاليه
بيني وبينك يالسحيمي فروق = عيني ترف وعينك الساليه

ياللي تسوق الزمل مع كل سوق = لالك بعير ولاانت جماليه