سبيع تكسر غزو من العجمان

[alnmr]

كان الشيخ المعروف عجران بن شرفي شيخ آل علي من سبيع ومنديل بن غصاب من بني خالد جيران لقبيلة العجمان ، وذات يوم قرر العجمان غزو قبيلة سبيع.

وبينما هم بالطريق اخبر عجران بما ارادوا ان يفعلوا ، وكان ابن غصاب متواجد عند الشيخ عجران فقرر الذهاب معهم عله يكسب بعض الابل ، حاول الشيخ عجران ثنيه عن فكرة غزوا سبيع ولم يستطع ذلك ،وأصر على الذهاب معهم ، فقال انهم سيواجهون صعوبه ولن تنال شي ، وسوف تشغلني بأن أرد فرسك والا بندقك ماخوذه كانك حي
فضحك بن غصاب وقال: الله يكفيني شر فالك
ماتقول أنه طقت أعصبتك ياهالعود العمى
فقال : كل الثنتين طقت أعصبتي وشاحن بك
ذهب العجمان بقيادة شيخهم وفارسهم ، الشيخ راكان بن حثلين ولكن لم يحالفهم الحظ وعادوا مهزومون من غزوتهم هذه وبن غصاب ماخوذه فرسه
فقال : عجران لولده وكان جذع 0أسمه محمد شف أهل الخيل وهم في طريق عودتهم وعلمني وانا أبوك
الخيل ترجع أجموع والا أفراد
وبعد يومين صاح ولده يابوي الخيل عودت وكل خيال على راسه ما رجعو افراد
فقال :عجران بن شرفي الحمدلله صدق ظني بسبيع هل الغلباء
وأتفقو ا العجمان على ان لايخبروه فأقام عجران وليمه كبيره بعد يومين
ودعاء عليها العجمان وعندما قدم لهم الطعام قال تفظلوا على عشاكم والله ان الليله هي ابرك الليالي ،
وقصد القصيده :


يابوسعـد دوك العيـون أسهـرنـي
وقلب الخطا كنه على كيـر شبـاب

أونـس همـوم بالحشـا ضيقـنـي
كنـي علـى ملـه ونومـي تقـلاب

تداحـم القيفـان يــوم اخلفـنـي
سيل مع البطحـا وحاديـه محنـاب

أكنهـن مــن خـوفـة يزلفـنـي
وأنا لحكي الـزور مانـاب حبـاب

لـوم علـي ان كـان مـا ينظمنـي
نظم الخطوط اللي بقرطاس وكتـاب

ياراكـب هجـن الــى روحـنـي
يشدن جول الربـد لـي ثارمرتـاب

ماتـوهـن بالمـشـي بيـدربـنـي
هجن علـى قطـع المناهيـج دراب

يشـدن لسفـن بالبحـر يسبحـنـي
والعصر فالديرة مـن البعـد قـراب

عجـلا ركابـي بالخبـر يعملـنـي
باكوارهن مـن كـان للهرج هـذاب

واللـي مهيضنـي علـوم يجـنـي
ودي نقايضهـن بزينـات الأجـواب

سوالـف ابـن جحيـش ماونسنـي
يوم سمي العيـر للهرج مـا صـاب

يـوم اقبلـن جموعـهـم عزلـنـي
جامشرب للطمع مـع كـل كسـاب

تجاولـن واقـفـن ثــم اقبلـنـي
وجابينهن في مقطـع الجـو ملعـاب

وتصاقلن مـن حـر مـا يونسنـي
من كـل قـرم فالملاقـاه معطـاب
ظنيت في ربعـي ولا خـاب ظنـي
وانا احمد اللي يودع الظن ماخـاب

أفعالهـم يـوم الملاقـا اعجبـنـي
عاداتهم فالكـون تفريـق الاحبـاب

كـم واحـد عقـب الملاقـا يونـي
في وردنـا خلـي تعشـاه الأذيـاب

لعيـون بيـض فالظلـل فرعـنـي
يزهن خط النيل والكحـل وخضـاب

لعيونهـن يـوم انهـن غطرفـنـي
يرمن باصوات كما صـوت ربـاب

كسيـرة والذبـح فيـهـم مجـنـي
يبرى لها مـن بـاذر الـدم صبـاب

حـريـبـنـا والله مايـرجـهـن ـي
واللي رقد كنه علـى جمـر لهـاب

كـم هجمـة نجـي عليهـا نغـنـي
ونجي لها من بين اهلهـا ومغـراب

لـون الجنـب فيهـا لهـا مستكنـي
تغاوزوه اللـي يـدورون الأوجـاب

بمخـيـرات فاللـحـم يرتـعـنـي
بايمان من ضارين فيهـا بالأشبـاب

بايـمـان ربــع مايقرونـهـ نـي
رزانة لاحـل بالجيـش ضبضـاب

دافوالهـن ملـح عليـه اشفهـنـي
ودرج يصبونه على الحـش لا راب

صبوا رصاص الـدرج لبطونهنـي
للكبـد ولاناهـب القـلـب نـهـاب

للساق مـع قلـب الفـرس يحملنـي
مضرابهـن يـاوي والله مضـراب

بكبودهـم منـا جــروح جلـنـي
ماعاد يبريهـن كثيـرات الأطبـاب

جاهن مـن القبلـه مـزون نشنـي
يهتال منهـا راعـد البيـت والبـاب

رشاشهـن سوالبـلا لا امطـرنـي
يشيب منهـن جاهـل مابعـد شـاب

يـوم ان منديـل عليـكـم يثـنـي
ولامنكم اللي ردهـا لابـن غصـاب

وعليـه زلبـات الرمكـك صنفنـي
وهلهن على عوج المناصيب قضـاب

ورماحنـا فـي ظهوركـم علقنـي
في مقطع الدفه من الكتـف نشـاب

وراحـت بكـم عـزم ولا عودنـي
والخيل من ضرب المزاريج هـراب

وراكان عـود عقـب ماهـو يغنـي
وعطى المطوعه عقب ماهوب حراب

يابـو فـلاح لحربـنـا لاتشـنـي
مالك علينا نصـر والله لـه أسبـاب

واللـي باهلهـن فاللـقـا عثـرنـي
ست وثمانين حسـاب بـلا قطـاب

وظعونكـم مـع الغلـس سربـنـي
ولاينزلون الا قمر خمس قـد غـاب

وذيدانكـم عقـب الطنـا رددنــي
مابيـن جـلال ومـا بيـن حطـاب

فقال : راكان ياعجران انت عازمنا تنصر علينا ولا تكرمنا جعل اللي خذا عيونك ياخذ قلبك لوك قصير.

فضحك عجران وقال : اما قصيري نهيته وأصر واأن يبشر بفرسه بني عمي مبروكين لرسلتله محمد ولدي
وقال: انا جايك من طرف أبوي رد فرس قصيره ردها
وفعلا" ارسل ولده لبن محيسن الجمالين اللي قلع فرس بن منديل وردها


وسلامتكم