عيد العازمي=
اسرجت قنديل الشعر فوق الفتايل بالزنـود=مار ازهمو شاعر ثبيت اللي يسمّونه علي!!
جا فالمثايل يعقل القاله مـن العقّـال عـود=والنشمي الظاهر معه وجهة نظر فيما يلي!!
النشمي=
الشعر بدع ورد يصرف مثل تصريـف النقـود=انته تناديني وانا جيتك على الوجـه الجلـي!!
ادخل على الموضوع واحذر لا يجي نقصن وزود=يالله عسى حضي وحضك يابن عاصي معتلي!!
عيد العازمي=
الليله المعنى يعز النفس وتطّيـب الكبـود=يافيض عدّ الغيض والا لاتغيض وتمتلي!!
هداج قدم الورد ماه . رشاه من قيد القعود=مافيه داعي للحبال اللي تموحبها الدلـي!!
النشمي=
الليل عجـل والمعانـي خلهـا ترقـا سنـود=انته يابن عاصي عريف ونار صدرك تصتلي!!
ورماح يذكر عد راهـي للصـوادر والـورود=ياطيب عيد اليا تمثل فالمثـل مالـه حلـي!!
عيد العازمي=
بديت بالعلم الثمين وشرهتي فوق الوجـود=لولاك يالنشمي كفو . ماكان سقتلك جملي!!
البيت مايثبت ليامن شيل من وسطه عمود=اسمع كلامٍ مايعرّض صاحبه جرد الخلـي!!
النشمي=
اليله المعنى غدا بين النصايـب واللحـود=وعلمك هذا خله على غيري يمر وينطلي!!
ترى كلام العقل واهل العرف مايبغى شهود=يالعازمي معروف منزالك ويعرف منزلي!!
عيد العازمي=
الليله المعنى على المكشوف يالقلب الجحـود=وعن الكلام اللي مكدّر خاطرك ماقلت إلـي!!
لاعاد تمزر من جنوبك . وانت مفتول العضود=سود الليالي غيبها غـدار ربعـي ياهلـي!!
النشمي=
الك سنه تصحى على صوت المدافع والفرود=ويشهد على ماقول لو تجحد مطاري وهذلي!!
لا والله الا قنبعت بيـن الحضـارم والزيـود=وانته مع اي المذهبين الشافعي والحنبلـي!!
عيد العازمي=
الجهل مايبني بيوت ولايسود اطلق حسود= انشر وتوجر ياسفير عتيبه لديرة بلي !!
كلمتك وحده لو ترددها سنه مافيـه فـود=ماهيّض العشّاق يالنشمي صفير البلبلي!!
النشمي=
اعبد كريم الوجه خلاق البشـر خيـر امعبـود=وقلوب بعض الناس فيها الحقد يطبخ ويغلـي!!
نمشي على وضح النقا المجرود والسيف امحدود=وانته معك سكين ماتشبعك من ذيـل الطلـي!!
بديت بالعلم الثمين وشرهتي فوق الوجـود
لولاك يالنشمي كفو . ماكان سقتلك جملي!!
اليله المعنى غدا بين النصايـب والاحـود
وعلمك هذا خله على غيري يمر وينطلي!!
الليله المعنى على المكشوف يالقلب الجحود
وعن الكلام اللي مكدّر خاطرك ماقلت إلـي!!
لاعاد تمزر من جنوبك . وانت مفتول العضود
سود الليالي غيبها غـدار ربعـي ياهلـي!!
الك سنه تصحى على صوت المدافع والفرود
ويشهد على ماقول لو تجحد مطاري وهذلي!!
لا والله الا قنبعت بيـن الحضـارم والزيـود
وانته مع اي المذهبين الشافعي والحنبلـي!!
ياسلام سلم
على القاااف الرااائع
واهله
عيد العاازمي
النشمي
صحت السنتكم ياعمالقة
« آخـــر الـــمـــشـــاركــــات »
14-Nov-2009, 10:48 PM
العرض العادي
