نايف بن ملحق الثعلي
ياسلام الله على اهل المنتدىواللي يزوره=من هجوسن ماتغير لويطولن الليالي
الجذع نفسه ثقيله واخر الوقت مغروره=والغريبه يحسبنه مثل ابو زيد الهلالي
سلطان الجـذع
السعد هبت هبوبه والكرم فاحت قدروه = مرحبا ترحيب فوق الوصف وحدود الخيالي
فلمكم يااهل المحاني صوتٍ مدبلج وصورة = أن تركته ضاق غيري وان نظرته ضاق بالي
نايف بن ملحق الثعلي
احسبك وافي وصافي واثر في كبدك حروره=واحسبنك راس مالي واثر ما انت براس مالي
يا الجذع سلطان اشوفك مثل حفار الجحوره=والهروج العوج حض اصحابها فا اول وتالي
سلطان الجـذع
قالوا أنك كل مايبدي القمر ويشع نوره = تومي بسبحتك بين الصف الاقصى والموالي
والحقيقة مع سباق الخيل سابقك معثوره = ماتقربك البعيد ولاتطلعك الجبالي
نايف بن ملحق الثعلي
ماعليه خوف اعرف الشعر واسبح في بحوره=يوم بعض الناس ما يقدر مواقيف الرجالي
سابقي تطلع بيدها ماتفكر فا الخطوره=والحقيقه واضحه ياصاحبي والحظ عالي
سلطان الجـذع
ماهي بحول السنع مير أستروها ستر عوره = والله اني غير ملفي والعصيمي ماطرى لي
سابقٍ سولفت عنها ,,, فالميادين مخبوره = رجعتك عن الاوايل .وجمعت مع التوالي
نايف بن ملحق الثعلي
انت اعرفك ما تسد النوب في وقت الضروره=والليالي كم سقتنا كاس مر وكاس حالي
الجذع سلطان والله مانبا نجرح شعوره=لو يكثر في كلامه حيلتي من دون حالي
سلطان الجـذع
لاغريب أن القبوري مايعرف الا القبوره = أن سكت سده قريّب وأن هرج ماله مجالي
ابن ملحق لو يطول الليل ماطالت شبورة = راح مثل السبحة اللي من يميني فالشمالي
نايف بن ملحق الثعلي
علموا سلطان بعض الناس ماهي بمعذوره=كيف ينسى واجب اصحابه ويرخص كل غالي
ما معك حيله تعشتك الذيابه والنموره=وابن ملحق ماتحزم با الضعيف من الحبالي
سلطان الجـذع
علموا نايف ولد ملحق يصلح بعض اموره = تمضى الدنيا وعود الحنظله ماله ظلالي
قبل أوديك الحضانه تستريح مع البزوره = خلني قدوتك .. لاهبت صبا والا عوالي
نايف بن ملحق الثعلي
ليت بعض اصحابنا يعرف وروده من صدوره=وانت مثل شعيل الاجرب مار ما انته من حلالي
انت ما انت بقدوتي وابليس اظنه فيه عوره=مار دور صاحبك تلقاه وتركني لحالي
سلطان الجـذع
أعرف أفكارك على قدك مع الوقت محصوره = رحت تعطي وصف عن نفسك مع كرام السبالي
انت هرجك دائماً يدخل على قلبي سروره = مايضحك طيبين المعرفه غير الخبالي
« آخـــر الـــمـــشـــاركــــات »
24-Aug-2008, 01:49 AM
العرض العادي
