سلطان الجـذع
سلام والمقصود طشيته ورى سابع بحر = لعل بندر صاحبي يلقاه ويجيب خبره !!
فالديرة اللي ماتعرف ليالها وجه القمر = ولايعرف ترابها وبل المزون الممطره !!
بندر المرشدي
يامرحبا من شاعرٍ يسبح بحر ينحت صخر=ما اظن عندك شك يارجال في بعد نظره
سوق القدم في دربها وادعس على الجمر الحمر=ما انته بلاقي قبل ما تتعب غصونٍ مثمرة
سلطان الجـذع
أم الكباير باقيه في ذمة أبليس العور = اللي ببطنه وزعتي وحمول زملي فظهره !!
وانا ولد عساف صيت وبيت وأسمٍ معتبر = قابلني !! ان مااشتالها وسط الحثل مثل المره !!
بندر المرشدي
ام الكباير سكتتكم بالحوايج والصّرر=وإبليس من ما تشتهي ما أعطاك لو كان شعره!!
ما قلت فيك إلا نعم لكن ريح واستتر=لو إني أعطيك القمر ما انته مخل الثرثرة!!
سلطان الجـذع
مدري نموت من الندم والا نموت من القهر = الخاطر المكسور ترديد الحكي مايجبره !!
خلاص لا..مرزوق بن حمدان لا..فيصل نجر = وانت معهم فالغلطه اللي مامحتها المعذرة !!
بندر المرشدي
الله يعين اللي عليك يفور دمه لو صبر=وطمعت فيما يعصر العصار راع المعصرة!!
حنا عجزنا نعدْلك لاعدت يالعود العجر=نبغى نطور قدرتك لكن مالك مقدرة!!
سلطان الجـذع
كم شاعر فالمنتدى من قاف فعيوني صغر=ماباقي الا واحد عرفه بعيني كبره
الحظ لبسكم بشوت ضافيه وانتم جبر=والكل منكم مضهره مايتفق مع جوهره
بندر المرشدي
ماهو بشرط انك ليا من قلت قولك معتبر =بعض العرب عينه تشوف الصقر كبر الحمرة
انته لساااانك حلو مع بندر وفي قلبك قشر=اليا شبعت من الصحن قمت بعيونك تخزره
صحة السنتكم
ابداع لم تفتني قراءته رغم بعض الضروف
« آخـــر الـــمـــشـــاركــــات »
03-Jan-2009, 10:42 PM
العرض العادي
