كبتن عتيبة
يامرحبا بالشاعر اللّي راح مدري وين راح=واخر خبر عن صاحبي شافوه في واد الرَّمه!!
ليش اتهوّر ياصديقي ياعلي يابن فلاح=فالوادي اللي كل من ياقف بدربه يلهمه!!
علي فلاح العضاني
دام البقا لك و انت ما تدري عن اسباب المراح=لو يدري الكبتن عن الاسباب ما يفتح فمه
يافكرتي وش غاديٍ للي يطنّب بالصياح=خلّ العتيبي يقضي أشغاله و يقضي لازمه
كبتن عتيبة
لا واعذاب الشاوي اللّي كلما البّراق لاح=يسري ورى البّراق لو يآطا الافاعي بقدمه!!
عزالله أنّك ياعلي دائم على خُف وجناح=اتحرّم الخنزير..وتعوّد تدهن بشحمه!!
علي فلاح العضياني
بعض العرب ضدّ التقدّم والتطوّر و النجاح=هذاك ودّك ينسدح في خيمته عند غنمه
الحمدلله لابسٍ ثوب الهدايه و الصلاح=تشهد لي أهل الخير و تصادق عليه المحكمه
كبتن عتيبة
عزَّالله أنّا مانباك اتروح من حول المراح=مالك مصالح في سجا والخاصره والمردمه!!
ولا تدعي بأنك من أهل الجود ويدينك شحاح=ولا تدعي بالمعرفه وأنته علومك همهمه!!
علي فلاح العضياني
لاصبّحوك القوم فالمرحان مع وقت الصباح=كلٍ هذاك اليوم عينه تلتفت في محزمه
الناس تشهد بانّي أجود من ذعاذيع الرياح=يا خبل من حطّ اصبعه في نون عينه والطمه
كبتن عتيبة
عزّي عن اللي في هذاك اليوم ماعنده سلاح=لكن حد السيف.. قدَّام الليالي تثلمه!!
أبليس يوم الحشر..عذره يابشر.. مالي صلاح=هذي نصيحه ياعلي..وأقل شي نقدّمه!!
علي فلاح العضياني
يابن الحلال الحظ قايم لا تقول الحظ طاح=اللي يعيش بعزّ و الميّت عسى الله يرحمه
مكتوب عند ( أهل الكتاب ) القدس يفتحها صلاح=هذا كلامي مدري انته .... تفهمه ... ما ... تفهمه !!!
كبتن عتيبة
أهل المحاني.. في زمان العولمه والإنفتاح=بدو ٍ تبى تلحق ركاب العالم المتقدَّمه!!
والعبد لو تعطيه سدَّك ياعلي بالسدَّ باح=وأنت اجودي وتقول صادق..لو عرج من برطمه!!
علي فلاح العضياني
لا تلحس الجمره و لا تلعق من السمّ الذحاح=تموت حين انّك تذوق السمّ و تعرف طعمه
الله يبارك للعريس اللي عقَد عقد النكاح=و يحدّد الحفله و يدعي من يريد و يعزمه
« آخـــر الـــمـــشـــاركــــات »
12-Nov-2008, 01:05 AM
العرض العادي
