بندر المرشدي
على طروق المشاهير..خصٍ حبيب ومستور=يالنشمي أقرب على شان..تسمع جديد المعاني
يامصخر القاف تصخير..للشعر منهج ودستور=لكن في تال الازمان..من ما جراله يعاني
النشمي
لو قلت مسيت بالخيرقلتلك مسيت بالنور=يابندرالعلم نيشان منطوق قلب ولساني
لن جت ورود ومصاديرصاحبك ماهر ودكتور=مادام فالكون عتبان يحرم علاه الهواني
بندر المرشدي
الوضع يحتاج تشفير..لو كان فالكون مشهور=وش جاب دكتور الأسنان..للحنجرة والأذاني
العام خير وتباشير... واليوم ما انته بمشكور=سويتها ياكحيلان .. وتقول ربي بلاني
النشمي
بالهون ياسالم الزيرمنته على الوضع مجبور=ترى الجهل سم الانسان والعمر لوطال فاني!!
انت الك حشمه وتقديرابعد عن الضلم والزور=نرضيك لن كان زعلان لتقول كاني وماني!!
بندر المرشدي
شفنا حصل منك تقصير قاصد ولا انته بمعذور=فرشت الأرض الك بستان وش فيك قمت تحداني
هرجك يجي والفعل غير تضحك على كل منعور=اصدق ولو بعض الأحيان ليش انت صاير اناني
النشمي
يابندر الساير يسير والعبد منهي ومامور=حنا بني عم واخوان احماك وانت تحماني
المسك يفرق عن الكيرلاتغدي التلف وادور=شجيع من قوم شجعان والله ماني جباني
بندر المرشدي
ترا الهدف قمت النير!!.. يوم انت فالشعر هامور=لا تجرفك بعض الألحان وتظن الك شيء ثاني
حكّ الصفا بالاضافير..ما ينقصه كبر الاضفور=قلته وقالوه يافلان... قبلي طوال اليماني
النشمي
قدام قدام ياطير خلك معي واحكم الشور=دوب القمرو الجدي بان يبرى سهيل اليماني
ماعد يحتاج تفكير البيت مبني ومعمور= اخذ على العلم برهان وطعني لا عاداتعصاني
بندر المرشدي
ارست جميع البوابير... بابور بابور بابور=وان صرت يارجل ديقان.. حقق جميع الأماني
ضاقت عليك المعابير والناس من حولك حضور=صاروا لك القوم صدقان .. والا الربع ما تداني
« آخـــر الـــمـــشـــاركــــات »
01-Nov-2008, 04:39 PM
العرض العادي
