من هو شاعر الـــــــــــــــــوطن !!!!!

[حمود النفيعي]

المشاركة الأصلية كتبت بواسطة بدر المقــاطي

خلف بن هذال شاعر وطن وشاعر امه
وتركي 2000 شاعر قصور افراح ظهر بصوته ولاتباعد
مكانته مكانة الطقاقه موضي التي يدفع لها اجر صوتها وطقها

والله انك صادق يا بدر

وترى نص المطران يقولون كذا انا خوالي مطران ويكرهونه

والله انه فضيحه >>طقاقه ولا طقاقه بطرانه ماتجي الابـ12000ريال

وشاعر الوطن خلف بن هذال


شكرا لكاتب الموضوع|165|

[رجـم النـايـف المطيري]

حيلكم في تركي يالربع لاتخلون شي

وهو انشالله انه من اهل الجنه على كثر ماقلتو فيه

{والله ماقول غير ياكبر حظك }

{ياتـــركـــــــي المــــــيزانـــــــي}

[عقاب الحويماني]

اشكرك ياكوداك على الطرح الجميل؟؟؟

شاعر الوطن / خــــــــــــــــــــلف بن هذال ؟؟؟ مافيها كلام ؟؟؟

وتركي الميزاني شاعـــــــــــــــر ومن حق قبيلته الفخر فيه ياربع؟؟

وشاعـــــــــر الوطن معـــــــــــروف ؟؟؟

*** رجم النايف المطيري / تحيه خاصه لك على الكلام الجميل؟؟

وعرفت لها يارجم لاهنت؟؟؟

تحياتي / عقاب الحويماني

[فيصل الحمراني]

شاعر الوطن خلف بن هذال وشاعر الامه يوسف
ولان ينزال على اللقب اي من كان
مافيهااااااااااا كلام---------

[مخلب]

عجيب خلف شاعر الوطن الا ان يموت بعد عمر طويل وقتها سوف يتم البحث عن الاجدر ..

[السلطان العتيبي]

أخوي نايف المطيري

الله يسعد أيامك ، صدقني كل من يسب تركي او يتكلم عليه فهو غلطان وصدقني راح يندم بينه وبين نفسه لأنه أخطأ على رجال ماقال له شي

وتركي محشوم وقبيلة مطير العزيزة محشومه ، بالنسبة لبعض المتعصبين من اخوانا المطران لتركي فلهم حق يتعصبون له ولو على خطأ بكيفهم لكن ياخوك التعصب لدرجة أنهم يسلبون الحقوق عن أهلها مايرضي أي انسان عاقل من مطير فما بالك بالناس الآخرين

الكذب وانا اخوك والسخرية بعقول الناس تعتبر من خوارم المروءة يانايف

مقولة ان تركي شاعر الوطن سخرية بعقول الناس لاتستساغ واقولها واقسم بالله العظيم ماهو تعصب لأحد وأقسم بالله ماهو كره لتركي أو لمطير بل والله اني أحترمكم واقدركم وكثير من أصحابي مطران واتشرف بهم لكن السخرية بعقول الناس ماهي زينة وانا اخوك

.


أخوي فيصل الحمراني !!!!

ياكبرها يوسف شاعر الأمة !!!!! ياناس التعصب لايدفعكم للسخرية بعقولنا ! يوسف شاعر جزل وتوه صغير والمستقبل قدامه لكن شاعر الأمة ! كبيرة شوي ياخوك

[رجـم النـايـف المطيري]

انا اعتقد ان هذا اسم وليس ملك لأحد

ولايوجد عليه صك شرعي

وانا ابا اضرب لك مثال :

اكيد كلكم تعرفون فيصل ابن سقيان _ فارس من فريس ذوي عون

من عبدله من مطير وملقب عن 90 فارس وكان اسمه معلق على

بوابة بغداد من قديم الزمان

وكان لقبه المشهور{راعي العليا فيصل}متفق عليها من جميع

القبائل /// حلو الكلام

والفارس شبيب ابن حجنه النفيعي العتيبي فارس معروف من فريس

عتيبه ايضا اشتهر بنفس اللقب اللذي اشتهر فيه فيصل ابن اسقيان

ولا تعاندو عليه مثل مافعلو الاخوان جزاهم الله خير

وانا هذا رايي فالموضوع هذا

واسمحولي على المداخله ياعوانينا العتبان

اخوكم

رجـــــم النـــــايــــــف المطـــــــــــيري

[البرق العصيمي]

ياكبرها يوسف شاعر الأمة !!!!! ياناس التعصب لايدفعكم للسخرية بعقولنا ! يوسف شاعر جزل وتوه صغير والمستقبل قدامه لكن شاعر الأمة ! كبيرة شوي ياخوك

اخوي السلطان اللقب اطلق على يوسف

من قبائل اخرى وتفاعلوا مع قصيدته الأخيره

وقالوا هذا شاعر الأمه العربيه

لإنه استنهض هممهم وشحذ نفوسهم الميته

وكان ينبغي عليك انك تمشي مع الركب ماتخالفهم


والشاعر يوسف عنده ملاحم وقصائد لم تظهر حتى الآن

وعنده قصيده مرثيه في صدام


يقول يوسف عنها انه بتكتسح الساحه وكان يريد القائها في البرنامج

بس منعته لجنة الفلس

[السلطان العتيبي]

هلا أخوي رجم النايف المطيري

يعني لو أقول أن حمران النواظر هم الدواسر مافيه مشكلة ؟؟

.

[السلطان العتيبي]

هلا أخوي البرق

يوسف أقسم بالله ليكون له مستقبل مبهر الله يوفقه ويرزقه بالصحة ومثلنا خير تمثيل ، يوسف على رغم صغر سنه إلا أنه يغرف من بحر وشعره جزل

واللي اطلقوا عليه اللقب يقدرون الشعر ويفهمونه ويستاهل ولد عاصم كل خير ، يستاهل الحر النداوي

لكن الطريق قدامه طويل وراح يثبت أقدامه على أرض صلبه ، يوسف يحتاج لصديق وفي وعاقل وحكيم ينصحه ويوجهه لأن يوسف بيكون له شأن عظيم في الشعر

وانا ماني بحاسد ليوسف لكن ياخوك الأمر يبي حكمه وسف توه صغير بالسن والدرب قدامه طويل واللي راح ينفخ يوسف راح يضره

يوسف لازم يمشي بخطى هادئة ومدروسة

انت تعرف ان الالقاب ذي تدمر الشاعر أكثر من نفعها خاصة إذا دخل في نفس الشاعر غرور

هذا هو ياسر التويجري مثال ! شاعر مبدع للغاية ولكن غروره بنفسه الزائد عن اللزوم اسقطه أمام الشعراء وامام جمهور الشعر والامثلة كثيرة